以家習慣左早上靈修啊..好好啊..又無人嘈ow..又無野諗(我話雜念)~~
不過返學可能要改時間啦...驚趕唔切啊><
本來諗住落街食早餐ga...點知阿媽又買左返黎~~唔駛去囉..哈..死懶鬼
食完做功課...係咁翻炒本中文...睇下邊頁未做...就做埋佢~~
d人又黎打麻雀..搞到我集中唔到啊~~
跟住想同阿傑去m記做之際，阿彤又打黎話去大埔墟間m記做~~~
有我，阿傑，阿彤，阿idol，阿琪...m記實在太嘈啦...仲嘈過我屋企，
令到我再次無法集中精神去做...嗚嗚~~不過都盡量做啦...
唐曉彤係咁引誘我串佢...唔想嫁..衝口而出...
篇抒情文好煩惱啊..我人生中最憎就係作抒情文嫁..因為我無咩感情~~
做到5點幾見肚餓買左個餐黎食~~次次同親人食野呢..祈禱過陣總會俾人
攞走d野/...好驚啊,,,><
今日終於唔駛做護花使者啦...好開心啊^^
~~~~~~~~~~~~~~~~~~~~~~~~~~~~~~~~~~~~~~~~~~~
今日係軒少生日啊...生日快樂!!!

一早我地幾個返左學校靈修，主要目的都係要幫區啟樂，點知佢唔識起身，所以
遲左...今日都唔知咩事...一對對咁..阿彤&阿杰綠色衫，曲騏&古仔黑色，我竟然
同toby親白色..我先唔同佢親啊...好嘔心啊..
之後區啟樂返左黎，阿杰幫佢，我地各自自己靈修，可以阿杰講得真係無錯，
早上靈修係好好多，「耶和華啊， 
                           早晨你必聽我的聲音； 
                           早晨我必向你陳明我的心意， 
                           並要警醒。」〈詩5:3〉
今日靈修講話我們讚美主....早上其實都有好多野可以讚美嫁..一望出去..見到個
太陽，花草樹木，都是神是創造的...仲有晝夜啊...神真係好偉大啊..
靈完修我地就返主日，今日阿傑同柏軒都返左黎...但劉億利就...應成左又反口~~
今日證道係講「走那不知道的路」...connie姐講啊..好耐都無聽過佢講道啦
主題都好清晰話俾我地知...向著茫然的前路，自己不知怎樣的走，最好的依靠
就是我們的主...哈~~完左connie姐問我以家對於我們有無關係ow..
我覺得唔多唔少都有ga..因為入到呢間中學都係神的旨意啦..其實我都有向神
祈過禱的。
happy hours我地大組演戲，我地過組抽左第一出黎演,,,都唔知演緊d咩...
其實我地係講緊話教會內有新朋友黎，一班人係演熱情招待的，而一班就是
演冷淡的，做到一塌糊塗~~
下午我地一班人係校牧室做功課,,,但係好多人係度嘈住晒...
好難集中~~connie姐叫我地上去做..做左唔少...
返到去都做左好多，一日做左4分3的中文...唔知兩日做一本得唔得呢^^
大家千其唔好學啊..我都唔想嫁><
夜晚過陣...浩南無端端話想改英文名~~同idol幫佢諗左都唔少...
其實呢兩個最好嫁啦....Chris&Daniel...
chris我個人認為人地會話你抄妙手人心中過個囉...
不過個名係你自己的...自己諗諗啦...哈^^

今日又落雨啦/...好黑人憎啊...不過我唔可以埋怨上帝的旨意。夏天係落雨嫁啦....
wakaka(好似傻仔啊=.=)
今日12點半返到去栽培，活動室工程進行中，我地入左去俾校工趕左出黎。
今日講靈修與讀經，其實都係咁聽，因為自己都開始緊...甚麼是靈修??
我個人認為係為了親近神，每當靈修見到的經文，就會想想這些經文，諗下
神點解會彈一句經問俾我，一定會有他的意思，有時呢d經文真係會俾到提示
我和提醒我...或者神用著聖經的經文默示給我們。區啟樂話未靈過修，不過佢
話今晚會試下靈修啊...聽完佢講真係好開心^^
由於活動室工程中，我們改左地點係116室。分組又同阿杰同家軒，好無奈啊，
成日俾佢地兩個搞，idol都好慘，成日俾佢地玩~.~遊戲我地要扮迪士尼d遊戲...
我地過組.... 扮下水禮...我心諗??迪士尼有下水禮的嗎??所以無人估中!!哈哈
好無虞啊..
今日查經的主題係「試煉與試探」...我覺得這個主題好好啊..
其實我係分得清楚咩野係試煉和試探嫁，

1.試煉:神給予我們的磨練(是好的) 
 2.試探:魔鬼的引誘         (是壞的)

所以大家要分得清先好啊...(不過我分享過陣都講得唔好，佢地好似唔係好明
我講緊試煉定試探，表達能力有問題，而唔係我唔明..哈)
放左捉住區啟樂同佢傾啦..希望聽完我地講同埋自己的反省，真係可以改過黎
啦，這些行為唔多唔少都會有失基督徒的見證。
我們聽日早上會一齊返學校靈修啊...希望真係會幫到區啟樂!!!