今日起身好多野諗啊…個心好亂，靈唔到修~~所以就轉左睇聖經，我發覺到創世記開
始悶啦，點算，真係好唔想睇，一日仲要睇成3章,,,求神俾我有恆心，慢慢讀落去，我
相信過左呢個難關(神俾我的試煉)，接落黎就會好好多嫁啦^^
今日好乖仔，幫手晾衫...因為無人晾啊..見洗衣機有衫咪走去晾囉,,哈哈~~
阿yan佢地又唔知搞咩鬼，話黎又打黎話唔黎ow..唉..都唔知佢地玩咩...
我諗住做功課，係屋企我係做唔到嫁,,所以我約左曲騏去m記左功課，時日無多啦，
要把握時機，係咁做，其間同佢講下下年d老師...想邊個教同唔想邊個教，其實我
無咩所謂ga，因為我都無咩點得罪d老師同迦聖d老師個個都咁好嫁啦..擔心咩姐..
係咪先^^曲騏..唔知你啦..成日都係挑剔d老師///以家叫你簡老婆咩^^
阿傑無端端彈出黎，嚇親我，25仔..明明應成左我先話黎做功課先嫁嘛，又去mickey到
玩ow...係m記逗留左個零鐘，做左40頁,,,好開心啊...真係估都估唔到。
返到去...阿傑同阿南又打電話黎啦，話鄭sir寄左信黎~~我想睇佢寫俾我的感想，不過我又懶，唔想落去拎，之後俾idol講講下，自己又心思思ow，最後都落左去拎...
其實呢兩年黎，鄭sir同miss鄭對我地唔差啊..好想佢地下年再做我地3d的班主任啊，
不過係無可能的事，自己心裡只好寄上默默的祝福，希望我地9月份3d都係過得快樂嫁^^ 今晚睇左"小時候"...睇到d小朋友，令我深深感受到童年係幾咁美好嫁，天真無邪~~
講大話會甩大牙...其實我細過陣我屋企人成日咁呃我，我信到十足十啊...
真係講起都好笑，以家都唔知搵唔搵得返過份童真lu，個人慢慢咁長大，思想都開始成熟，真係會好多好多野諗啊..我情可做返個細佬，一無掛慮...我同idol諗d野都幾似,,,
睇多d卡同片&同多d小朋友玩係可以尋找到自己的童年，大家可以試下嫁..^^
晚上食完飯繼續做功課...係icq同idol話掛住我可以打俾我，跟住佢同我講話拎個衣架黎先... 笑死我...
今晚nokia終於打黎啦，佢話幫我去維修部度問下...跟住同浩南講啦，佢叫我有
咁誇得咁誇...人地就會幫我換機，我心諗唔係咁好啊嘛...+.+到時先算啦
好攰啊..在00:27分宣布完成英文暑期作業，以家剩低數學炸...eva...哈哈^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
eva以家最重要係問下神俾唔俾你咁做啊..
我突然諗到首詩歌的歌詞...(睇完阿彤日記之後，借兩句黎駛駛啊)
睇下咁唔咁用^^
我靠著那加給我力量的 凡事都能做
行在主的旨意 我凡事都能做
|
