尋晚唔知做咩，勁辛苦，突然嘔左出黎....早上5點幾扎醒左...
去廁所出黎過陣，無端端暈低左，嚇到阿媽阿爸藤晒雞，扶我上床///
我都唔知咩事，本來諗住去睇急症嫁，我話唔駛啦，跟住就訓到成9點
今日無返學啊，我諗都係返學以黎的第一次...
阿媽帶我去睇醫生，醫生話我有胃炎啊...(食錯野/食野唔定時)
我覺得平時食野好正常啊，點會啊...好怪囉-.-
返到去食完藥，即訓..訓左足足一整天啊..
不過仲係好攰///
多謝咁多位關心我的同學啊...^^

有時真係好難觸摸到自己的心情，開心的時候，可以好開心；唔開心的時後，心情指數可以降到0.. .. ..甚至係更低. . .
f.5在課室食野情況越來越嚴重-.-我真係頂佢地唔順，係都要同校規作對，食牛肉乾啦. . .
英文堂又係睇片，不過今次係mmlc，嘉俊拎左兩張相出黎，之前係澳洲影的，無著衫=.=...我第一時間拎高張相俾後面d人睇，唔知睇唔睇到呢^^
今天的查經課李sir帶啊，感覺係好mrs ng好多嫁.....
起碼d人係靜啦，保羅的見證. . .今堂的查經堂→so good，唔知點解，我見到李sir今堂笑多左啊^^
放學落左去綠台做左一陣功課，跟住就係咁係度憩啦，因為好唔想做啊!!!
親愛的校長又係度真情對話，搞到我無晒心機做啦，時不時去買d野返黎食...次次係親學校做功課都係咁嫁，今日唔多想講野~.~心情都唔多好....諗緊星期六的詩歌分享.. .. ..
idol同曲騏係咁係度講垃圾，無咩點去理佢地~.~
6點歸家，今晚好多野做啊...仲要趕好cyc份會議記錄=.=

今日諗住早d返去可以靈修，不過個肚係咁打鼓，所以都係去左食野> <..
今日報告時間話有位校友返黎學校投訴話我地學校d學生係自修室好嘈，唉...
下次去自修室都係唔著校服啦..俾d人影衰晒-.-
李sir檢查指甲，唉..慘啦，剪左一邊，令外一邊無剪啊=.=(原因係練吉他的緣故)
李sir話無剪過d佢用剪刀幫我地剪 ...
陳慧琪做左第一個受害者啊...跟住李sir行到我位度，定左一定，無事..好彩~~
今日起我開始專心上堂啦，每堂我都會抄足筆記，留心聽書的，
english lessons，哈哈，睇片...好好睇啊，講d人為左要去投訴老麥，所以專登左做個調查，搵左個人30日內，每日3餐都食m記，睇下有無咩野改變，嘩...外國有super size，好大啊，可能大過香港d餐2-3倍啊=0=
個人啊，食成半個鐘，仲要嘔埋出黎，笑死..好心食唔落就咪食啦。
下午的聖經堂，楊sir又病左啊-.-電sir代課，勁嘈...
最後全部坐返埋自己位，雖然嘈，不過都睇左3章聖經，因為實在唔想浪費時間啊!!
放學cyc開會，好想放下這包袱啊...我覺得個主席好無領導才能啊，下年千其唔好再搵我..
今晚太唔聽話啦，靈靈下修去左搵周公...希望第日唔會啦~~