這三年內，我感覺到有喜，亦有感受到悲哀的時候，但我卻不覺得是孤單的。因為當我入到迦聖後→1D，2D，3D，這3年內，我經歷左好多好多野啊！！不如等我回顧一下啦：

1/9/03當日進入聖道的時候真係好唔習慣嫁，我之前係將軍澳讀嫁，因搬屋所以轉左黎大埔，那刻的感覺，好孤單，一個同學都唔識(同埋我過陣係比較少講野，被動的人)…好多擔憂啊…入到課室第一眼見到區啟樂，因為佢坐第一個位，覺得佢好傻啊，好似同阿SIR好熟咁，原來佢係留班生。慢慢識左好多人…
1D-2D有兩位好好的班主任→鄭SIR & MISS鄭，真係對我地好好好…人嫁。

開左學無幾耐，發生左一D唔知話開唔開心ga野啦，
俾MISS&阿SIR知道左，有D人好似要記缺點啊,,,過一次都幾深刻嫁，不過唔係幾方便透露，想知可以個別問我的。

F.1第一次考試的經歷，好開心啊，係過一次的考試竟然拎全班第3，小學都未試過(可能都係得呢次LU，因為以家好懶啊)。
之後新年前(即是2004年1月19日-21日)去左福音營。
再20/1我重新決志(小3曾經決志)，感謝神我可以認識你，而且可以成為你的兒女。之後就返左聖道堂啦

好開心再這一年得到兩位班主的賞識，我做左「好學生」，每班一個(我都係相信唔會再有我份…哈哈)

中一的暑假，我，曲騏，章，mickey，魚，彤，toby，仲有一組，要為電腦科做一個project，我覺得呢個暑假好充實啊，我地過組要做不同宗教的建築特色，我地四處去做訪問，影相，做功課，嘩~~學到好多野啊!!
1/9/04：羅沛章轉左去何中，我地班卻轉來了何中的轉校生－楊麗芳。真係巧啦！！我第一眼見到阿芳(其實之前見過佢家姐，不過唔識佢)，以為就係佢家姐轉左過黎我地過班(我唔知佢地係雙胞胎)，有d野真係好奇妙啊…

中2過年我好記得參與左好多課本以外的東西，例如歷史考察，去中環影相；英文要去尖沙咀訪問一d外國的旅客，真係好好玩嫁。
仲有最深刻的跳繩比賽啊，我地好辛苦咁練啊，都唔算無成果的，跳大繩過度我地幾乎係創下了聖道的記錄，都幾難破，五十幾下，不過花繩就輸左俾3b啦…

我地係f.2好似咩野獎都有2d的名字，可能我地團結啊，係唔係呢?!
係呢一年都嘗試過愛情的滋味，可能只是那刻的感覺啦，好快告一段落，那天正正是24/4我生日的那天。
好多謝浩南&曲騏為我慶祝生日啊！

本來f.2之後升上f.3係要分班嫁，但我地大力反對，作出簽名運動，好野，可以原班升啦！！
剛放暑假的時候，參加了夏令會，領受左好多野啊，曲騏在當中從新決志，感謝主啊！
係8月1-10日，我每一日都有返港九培靈會啊，當中有叫埋浩南返啊，有時會去九龍城過邊聽，現場係好好多嫁，神曾經係呼召過我啊，我都有企起身話要向人去傳揚福音(不過以家諗返起好似無咩做到，唔想令神失望啊=.=)
仲有一件好開心的事，我唔會忘記這一天，在30/7/2005我和楊麗芳已經成為兩兄妹…哈哈…
我終於有個阿妹啦^^

1/9/2005換左新的班主任，mrs ng & 李sir，同上年係好唔同啊，嚴左好多啊，李sir規定凡違規都要抄校規。
今年(中3)我發覺到開始有好多挑戰啦，在開學的時候，參選的學生會落敗，不過我更加知道如何去看得失，好彩選唔到炸，原來學生會係好辛苦嫁!!!
今年好似好忙咁，團契，社，cyc…唉…下年一定要專心地讀書啊。

今年我地班好似唔多團結啊，歌唱比賽輸左lu，阿sir鬧得我地岩嫁，我地好假啊，靜係識做d門面功夫，3D班係時候要改善啦，…
聖誕節經歷左一個非一般的聖誕啊，去左讀經營啊，真係好開心啊，認識左好多好多團友，只係3日，唔知點解仲好過識得好耐的朋友，CONNIE姐&神，多謝你地啊…

仲有好多好多路等著我去行嫁，我唔知前路係點，不過我都會去行嫁，求主你可以繼續帶領我快樂地渡過這一年的中3，以及以後的路！

今日d心情都唔知講咩好啊~~
好似哦緊張啊!!今天要oral，我最唔善長的一科~.~
好鬼緊張呢，仲要好前添-------
英文oral係hall，尋日靜係寫左，不過讀都無讀過，今日已經忘記得
一乾二淨lu~~~~
第一次去hall去考oral啊，心情難免都會有少少緊張ga,,,,
課文係pet，presentation係講friend....勁無奈ow，以為對答過度用一分鐘，
前面篇文慢慢讀，點知係兩樣加埋一分鐘=.=，講左兩句，個鐘就響左~~~
都唔知咩野事~~~唉....oral都無咩望嫁啦-.-隨緣吧~~
跟住上5樓考中文說話，入到去預備室唔俾講野....5分鐘睇篇野，都幾易，我過份係甲黎嫁，係對選科的看法過張....係預備室過陣有個小插曲啊...區啟樂考完好瀟灑咁諗住走啦，行路過個死樣，仲望過黎扮個鬼樣，真係好想打佢，當佢行到512門口過陣，哈哈，鄭碧貞突然係佢前面行出黎，嚇到佢死，即刻行返正常，又好彩，佢見唔到，我心裡面勁笑囉...你都有今日啦~~~
勁好彩OW...對住璇璇老師，我都無咁驚....都係講唔晒啊，諗得太多啊，算啦，都好過少啊...
考完落返去綠台等波鐘，等埋曲騏佢地先走....
11點幾走lu，一大班迦聖3d班的友仔行去大埔墟m記食lunch，我係咁串toby，
我減肥唔食啦(頭先係學校食左d野)!!!哈~~~~~~
教toby「刨東瓜」，嘩...死啦....一個詞語讀成幾多次啊....咁都唔識
「謊謊張張」...佢就讀左kuang kuang zheng zheng，完全兩個字都錯晒，仲要讀成好多次都係錯，無佢扶囉....
無咁好氣去教佢啊....
之後返到屋企訓覺，訓左兩個鐘，好精神啊，今晚可以溫歷史啦.....哈~~
我唔會溫普通話嫁......KAI琦....同埋啊...我唔要「肥仔煒」呢個名啊~.~

今日早上的listening做到一塌糊塗啊....以後聽兩次，原來唔係，有d只聽一次...屎囉..
唔去留心聽，有d聽唔到，睇黎呢一份卷都兇多吉少囉=.=
今日有成一個鐘的溫書時間，唉...聽阿芳的忠言...考試前一個鐘唔溫書lu....哈哈
成班友仔係度吹水...亂講d公式，到時寫錯真係笑死我囉...
數學考試啦，有少少驚啊，以往都好難嫁，祈禱先...神與我同在，我相信得嫁!!!
嘩...今次份卷真係...好易ow...有d真係唔駛諗ga...
不過中間有d都唔識做....不過算好嫁啦，易過之前過d好多啊~~
收卷過陣突然有人電話響，d鈴聲勁怪，我以為咩野響添，跟住王群問左幾次都無人承認，要搜啦，好彩唔係我呢邊發出，所以唔駛搜呢邊，唔係俾老師收機嫁啦，好多人帶左電話ow，俾老師收左，好似話要家長黎先可以拎返，真慘，我真係不幸中之大幸啊~~~感謝主...死啦..都唔知應唔應該感謝主，我做左違規的事，唉...聽日唔帶啦...
放左學自己走，好孤單啊....食完野去左圖書館溫歷史&寫英文的口試....
今日做咩啊胡雅枝你...好似有特異功能咁....次次我趴低想訓過陣，都走過黎叫我，有無咁好彩啊，足足三次啦....唔訓下覺真係無精神溫書嫁....