今日,上中文堂個時,又試同肥老詹喺度嘈,嘈咗唔夠兩句就叫

我落去校務處訓企,我唔理佢,佢就叫咗班長叫訓導上黎捉我

落去教員室企兩堂。oh~my god!有冇搞錯呀!黎黎去去都

係呢幾招,1係記缺點,1係訓企見訓導,你唔悶,我都悶啦,俾啲

新意好唔好,真係呀。對付個啲老師求其敷衍下就得啦,費是

同佢地嘈,免得口乾啦。lunch個時同阿媚、燕虹、阿臭同埋

王塋一齊去彩園食,仲食咗雪糕添。食完返到學校,俾盧伯伯

同埋李杰豪佢地講:「波神、39G......」,真係激死我啦,跟

住就打咗李杰豪一身,然後再想打盧伯伯一身架,點知唔夠佢

打,俾佢打返轉頭,打到成隻手都紅晒,真係呀,都唔識得憐香

惜玉(講笑架,唔好信呀,信果個整笨蛋,哈哈~)不過真係好痛

架。>_<'

今日朝早,喉嚨超痛,講唔到野,超辛苦。跟住媽咪就打電話返

學校請假啦~諗住同媽咪10點幾一齊去睇醫生,再去食飯之後

再返學。睇完醫生之後,媽咪話要幫表姐買電話。去到電話鋪

揀型號,揀完之後,差唔多俾錢個時,我叫媽咪買多1個俾我,佢

原本諗住唔買架,點知佢話:「如果經理俾個折扣我地嘅話,就

買」。跟住不停咁叫經理俾個折扣俾我地,最終成功「說服」

到,打8折咁買俾我地,仲送好多贈品俾我地添。冇意間經過眼

鏡鋪,順便配埋副眼鏡。最後我叫媽咪一齊去食飯再返學,但媽

咪話唔想食,想去行街shopping,就陪佢行咗一陣,我自己就返

學先...佢就行多一陣先返屋企...就係咁。

今日,5點幾返到屋企之後冇幾耐,家恆就打電話俾我,同我講

,「你星期6可以嚟我屋企整蛋糕,想同你拍拖個件事遲啲先

講!如果你表哥都要嚟嘅話,就嚟啦,我唔介意架,你放心。我

到時會嚟接你。」（我之前問過佢可唔可以去佢屋企整蛋糕

）我聽到個時真係好開心,因為佢竟然約自己鍾意嘅女仔上去

佢屋企,不過仲願意叫埋女仔嘅表哥做電燈膽（通常啲男仔都

會淨係約自己鍾意嘅女仔上自己屋企單獨相處呀!）佢真係好

好,佢仲想學埋中文同我容易啲講野添,唉~可能個時真係唔應

該拒絕佢。不過我班啲男仔,都冇佢咁好又唔夠體貼,又,唔夠

溫柔,淨係識得扮野,自以為是,咩都要啲女仔做晒,勁黑人憎。

佢真係好好,但係我同佢語言唔通,佢講英文,我講中文,但佢聽

得明中文,唔識得講,唉~點算好呀~我好煩呀~請各位朋友幫

幫忙,俾啲意見我,唔該。（留個cm俾）thx~

今日,我同呀媚諗住lunch個時一齊去見工,點知...中文堂

個時同死老詹喺度同佢講快啲退休,佢又話我駁佢嘴,要記

一個缺點,又要搵訓導主任嚟捉我去訓話,嚟嚟去去都係得

個幾招,佢唔悶,我都悶啦!又唔識得教書,我真係唔該佢快啲

退休。根住,訓導主任上嚟挑我落去訓話,訓到1:43分先放

我走。搞到我冇得去見工,屌佢老母,正仆街,俾我再見到佢

嘅話,一定砍開佢十件八件,沉屍喺東京灣,或者咒到佢一世

為止。最後,我地放左學先見工,足足見左7份工,不過,都係

要遲一啲先答覆喎!唉~由放學4:30至到7:38分,我地倆個

真係勁~辛苦到死,唉~

今個月真係好開心呀,23號有一大班朋友同我慶祝生日,

不過,結果都係去唔成,因為我媽咪要同我老豆返大陸,我

要睇住啲細佬、呀妹。唉~果時真係好想同佢地一齊去

呀......雖然唔可以一齊去慶祝,但都可以收到好多禮物

,全部都係我最鍾意食嘅朱古力,真係好開心呀~~~~~

我要喺度再次同我啲朋友講聲–多謝!!!仲可以去朋友

屋企整蛋糕、曲奇,雖然好失敗,唔可以拎返學校同啲

朋友一齊食,不過,我會繼續努力整好啲蛋糕,曲奇嘅。