由於尋日同表哥同埋啲fd一齊去咗酒吧蒲天光, 不

過全程都冇飲到酒, 好乖咁坐喺度同啲fd玩、傾計

, 如果再飲既話, 個胃就可能再穿, 所以就要戒酒,

唔會再飲啦。不過搞到今日... 唔知醒, 差啲遲到,

頭嗰兩堂考試都冇精神, 咩都聽唔清楚 (考聆聽哦

~) 全部都唔識做, 超慘... 仲搞到成日都好攰, 超

想訓。放咗學之後, 約咗呀妹一齊再去見工, 但都

係唔得, 唉~ 好黑仔呀, 最近搵到工, 但都見唔成

, 呀!!!!!!!!!!!!!!!!!!!!!!!!!!!!!好可恨呀!!!!!!!!!!!!

(=3=).........

今日3點幾嗰時同呀妹、佢條仔一齊去咗海聯廣場

度行街買野, 由於係佢地一齊出錢既關係, 所以我

應成咗佢地。不過好彩今日冇落雨, 如果唔係一定

好麻煩。去到之後, 一齊去咗黃金樂園度玩, 玩咗

好多遊戲, 攞咗超多飛, 有2萬幾張飛哦~ 換咗好

多禮物, 不過全部都唔係我既 (T3T) , 不過我地玩

得超開心哦, 玩到成7點幾先走。行行下, 我呀妹見

肚餓, 所以一齊去咗m記食, 去買野食嗰時, 我見到

胡廣洋喺度做緊野, 嚇咗跳。食完之後, 佢地話約咗

佢地啲fd喺m記等, 一齊去網吧打機喎。跟住我地喺

度等, 等咗n耐先等到佢地黎喎, 不過都玩得好開心,

仲識咗佢地啲fd: apple、高佬佢地, 佢地超好玩、

仲好搞笑添, 玩到12點幾先返屋企。聽日同佢地一齊

去見工, 唔知見唔見得成呢, 有點驚驚地喎, 不過都

希望見得成啦~

今日頭嗰兩堂要考普通話聆聽, 本黎諗住今次份卷

會好難, 點知...係超容易, 仲比上次嗰份易做好多

, 不過都有一點聽唔到, 有啲可惜哦... (T^T) 但

係都足以合格既。上化學堂嗰時都好認真咁聽書,

唔知係唔係我太認真咁聽書, 搞到堂堂都會叫我個

名 (我地班係冇咩人喺化學堂聽書架~ ) 超樣衰~

中文堂又係咁喺度hea...  lunch嗰時同咗燕虹、

呀媚、惠惠、呀伶佢地一齊食, 食得超開心, 食完

之後返學校嗰時, 燕虹、呀媚、呀雪一齊喺度發神

經, 竟然一齊走去淋雨 (嗰時落緊大雨...) 返到學

校嗰時成隻落湯雞咁, 條裙濕到連坐都坐唔到, 而

且仲可以扭出水黎架, 超恐怖... 唉~ 鬼叫佢地係

癲婆咩, 係神神地架啦。超開心哦~ 唉~  不過以

後都唔知仲有冇機會見齊晒咁多個fd啦... 個個幾

乎都唔同科, 又或者有啲fd會轉校, 真係好唔捨得

呀... 大家一齊玩、一齊食, 衣食住行幾乎都一齊

做既, 忽然少咗幾個既話, 有點都唔知點算添...

不過, 我會一直都會記住你地呢班好fdｓ既...

fd s們有:

燕虹、呀媚、惠惠、呀伶、呀雪、呀溫、家萓、

呀嫻、藍欣欣、toby、盧柏亨、呀臭、傻婆、呀

根、鍾翰鵬、張秋發、蔡蔡子、林俊輝、鄭康盛

、嬤嬤、琪琪、芝娃、呀彤、盈盈、呀琪、敏敏豬

、大媽、王萱、wing wing、豬欣、草菇、朱美、

周佩雯、陳秋婉、劉純、鄧翠儀、胡國熙、李泳

聰、朱古力、miki、成叔等等... 佢地係我既好fd

黎架, 仲有好多好多都冇打出黎, 佢地全部都好好

架, 我最愛佢地哦~ (^o^)/

我愛你地哦~

今日放學之後同咗燕虹一齊去華明度攞西餅, 我地

去到嗰時超多人, 全部都係啲師奶、細路仔喎...我

地揀咗好多都幾貴既啲, 攞完西餅之後就同燕虹去

佢補習社度交補習費, 跟住就各自各咁返屋企啦。

今日全日都冇咩特別, 不過好悶就係啦... (T_T)

今日世史堂喺度hea。而音樂堂就考筆試, 都唔係

好識做, 全部都亂做一通, 真係冇面見人架啦, 唉

~ lunch個時同咗燕虹一齊去m記食, 大啖大啖咁

食, 超好味呀~ 不過燕虹話我食野嗰時好似細路

仔喎, 笑到佢死死下, 真係無奈呀~ 唉... 放學嗰

都同燕虹一齊去圖書館玩, 點知見到呀根、豬欣、

wing wing佢地一齊溫書, 我地就去睇下, 點知我

地都同佢地坐埋一齊溫書, 差唔多5點鐘先走, 但

係...一出到學校門口就落雨, 超黑仔, 不過好彩

見賢叔, 佢借咗把遮俾我地, 但係燕虹話唔要遮,

搞到成隻落湯雞咁, 正一傻婆黎嫁, 呵呵~