今日真係勁o咀,上中文堂嗰時啲校長、miss黎睇

堂,成班都靜晒,係得死肥詹不停係咁講,叫人答問

題,都可以叫錯人地個名,而且講野嗰時仲不停係

咁話:呢個呢...嗰個呢,真係頂佢唔順囉...啲校長

、miss仲要睇足兩堂喎,「超掂」喎,平時只係睇一

堂架啫嘛,又悶又無聊...唉~真係辛苦。上木工堂

嗰時呢...就把起火,只係鑽啲野都鑽唔到,我唔係

既問題,係個鑽孔機有問題,鑽咗超耐都未鑽到,勁

扯火,跟住就係咁狂爆粗囉。lunch嗰時就冇返到

學,因為不停係咁流鼻水,所以冇返。但返到屋企

冇耐,死肥詹竟然打電話過黎喎,喺度問長問短,超

煩,屌佢老母呀,勁想兜巴星佢。

今日數學堂嗰時,本來係諗住會派測驗卷架嘛...

點知呀miss又唔派喎,搞到我冇帶書,悶足成堂,

最尾仲直接咁趴喺張枱度訓,訓度打鍾先起身。

跟住就落咗去圖書館玩。到咗中文堂嗰時,我一

邊喺度聽歌,一邊喺度睇漫畫,呵呵~而lunch嗰

時同咗燕虹、呀溫佢地一齊去食,食咗超多野喎

。到咗放學嗰時就去咗練笛子,不過因為勁冇心

情,所以就喺嗰度坐咗成粒鐘。跟住就同燕虹一

齊返屋企。

今日朝早行路番學校,因為洗咗頭既關係,放晒啲

頭髮落黎,搞到勁熱,本來都諗住搭的士返學校架

,不過見到仲冇幾遠路,所以最後都冇搭到。返到

去之後就博命咁溫書(尋晚掛住睇漫畫,冇溫到書

,呵呵~ >3<...) 中文堂嗰時同呀雪、toby、呀

溫不停係咁狂睇漫畫,超開心。喺經公、世史堂

嗰時miss、呀sir都派咗測驗卷,經公有74分,而

世史就有51分,都算唔錯啦~  \(^0^)/ 不過喺

生物堂嗰時呀sir都係派測驗卷,只係得30分...真

係勁唔開心,仲喊埋出黎,我自己都冇諗過會咁低

分,唉~ (T_T) lunch嗰時就同咗呀溫、燕虹佢

地一齊去彩園食,實行「化悲憤為食量」,食得超

多野,勁飽!!! 呵呵~下次考試我一定會努力架,唔

會衰俾人睇,呵呵~睇住黎啦~喺最尾嗰兩堂要測

驗,測中史(第7堂)同埋地理(第8堂)。都唔明佢

點解要喺最尾嗰兩堂測...呢兩課啲題目超容易喎

,又其係中史,差唔多都係照書出,好好喎~ 咁一定

會測得好好喎~ 呵呵~  \(^o^)/

今日就測化學(第1堂)同埋世史(第2堂)。測呢兩課

個時,又冇溫書,攪到又係咩到唔識,全部都係亂咁撞

啲答案,唉~點算好呀...又係咩到唔識,勁驚喎。不

過算啦,反正又唔智在呢兩課,我諗應該都會合格既

,唔使担心既,哈哈... (>_<)/ 而且同呀媚都好番少

少,但係我都未原諒佢,雖然人地話:大家做朋友就容

忍一下,都冇咩所謂啦。我都係咁諗架...不過佢真係

好衰囉,識到啲新朋友,就唔理我地啲舊朋友,簡直就

係「有事鍾無艷,冇事夏迎春」喎,勁激氣囉,真係唔

明佢想點喎,真係呀...以上關於呀媚既野,我都係我既

實話實說同埋係我既心聲黎既...做朋友做成咁,唉...

(講明:惠惠、燕虹、呀溫、呀彤、伶伶、呀琪同埋所

有我識、佢都識既朋友,千其唔好講出去,費是又俾人

話我同埋你地一齊排擠佢、一齊講佢個啲壞話啦,咁

就無謂啦,如果俾佢知道咗,免得連你地都好似我咁,

盞連累你地,如果你地真係要講出去既話,咁我冇野好

講,就係咁多)

今日測英文(第1堂)同埋生物(第2堂)。測英文個時

好成功,溫過既所有野都記得,而且超快咁做晒添,仲

剩番好多時間覆卷,覆咗n多次之後,駱sir終於都叫

停筆、收卷啦,我等到頸都長埋,唉!!!~而測生物個

時呢...就有啲唔係幾識,因為成日都倒住溫英文,冇

咩溫到生物,攪到咩到唔識。有啲衰咗、有啲得咗

,不過都好既,最低限度都識啲,唔係全部衰晒,都好

都好。嘻嘻... \(^o^)/