我諗咗好耐, 到底要唔要同威sir分手, 諗咗好耐...今

日我問咗呀媚、呀雪同埋燕虹, 到底要唔要同威sir講

分手, 我同佢地講:我同威sir一齊嗰陣時, 冇嗰一種感

覺, 想問下你地既意見。佢地同時都話分手啦, 長痛

不如短痛。跟住我聽咗佢地既意見之後, 我就寫咗一

封類似信既野俾威sir, 其實威sir佢真係好好, 但始終

都冇嗰種感覺。直到第一個小息, 呀媚俾咗威sir之後

 (因為我唔敢自己俾佢, 所以叫咗呀媚幫我), 之後呀媚

上番去課室, 由於上緊堂既關係, 所以佢寫字條話俾我

知, 原來威sir想係第一個小息嗰時送一隻情侶戎指俾

我, 嗰陣時睇到之後, 值情係咁喊咗出黎, 足足喊咗兩

堂。但係我喊既原因係因為, 我晒咗威sir佢對我既一

番心意, 威sir對我咁好, 但我咁對佢, 我真係好衰...簡

直就係一個衰人、賤人。放咗學之後照常咁去練笛子,

但係因為呢件事而搞到好傷心, 所以冇咩心情練就咁坐

咗成堂, 本來都想走架, 但見到燕虹之後就跟住一齊練,

但燕虹最尾都唔知去咗邊, 最後我自己一個人返咗屋企

。今日真係好傷心呀... (T^T)

今日我帶咗我細佬嗰部psp, 諗住中文堂嗰時玩架。

中文堂嗰時同呀媚一齊玩, 玩到勁high喎。 (^v^)/

超開心, 但點知...呀雪突然間叫我過去佢個位度同我

講: 你係唔係同「某人」拍拖呀。佢好大聲咁同我講

,搞到林俊輝、d打佬都聽得到。我本來唔想太多人知

道呢件事架嘛, 宜家就咁俾佢唱開晒, 我好嬲, 跟住我

就落去圖書館問佢點解會知, 佢唔講, 我又問佢, 係唔

係惠惠講俾佢知, 點知佢話:我唔講得, 我唔可以出買

嗰個人架。咁啫係擺到明係話:此地無銀三百兩。我好

憎嗰啲人囉, 已經講到明話咗唔可以講俾人地知架嘛,

但惠惠係講咗出黎, 我真係唔信囉! 真係好失望呀~估

唔到係惠惠講出黎。放咗學之後去咗圖書館到打機、

打blog, 到咗4點之後就走咗啦~

今日遲咗出門, 搞到我唔記得咗要帶駱sir本數學簿返

學。上音樂堂嗰時仲以為個呀sir會考唱歌啦, 點知佢

話唔考哦... 搞到我搵威sir幫我搵嗰啲midi, 唔考就早

啲講呀嘛, 真係呀...不過上上吓堂嗰時要火警演習哦

, 落到去操場超曬呀, 熱到我都就黎變乾屍啦~ (>_<

) 可恨呀!!! 到咗音樂堂嗰時, 駱sir教我地十字相乘,

仲教埋我地做上次嗰啲功課添, 但係第4堂係要落禮

堂睇書展架, (第3、4堂係數學堂) 不過呀sir冇落到去

呀, (-_-")  放學嗰時留係學校幫惠惠佢地整壁報, 整

到差唔多5點先走喎, 呵呵~

今日放假冇野做, 訓到12點幾先起身, 落到樓下玩電

腦, 但係冇咩玩, 所以打電話俾燕虹, 叫燕虹一齊去海

聯廣場度行街街。不過燕虹2點幾到, 而我就遲咗少少

先到。跟住我地去咗綠悠軒嗰個商場度睇咗啲衫, 雖然

好靚, 不過都幾貴下, 睇咗一陣冇耐就走咗去海聯廣場

度睇衫、睇鞋。行咗幾間, 嗰啲衫、鞋都唔錯, 價錢都

算合理既, 期間我地見到盧柏亨同埋鄭康盛一齊去剪頭

髮。最後都係冇買到衫, 反而燕虹就睇中咗對銀色、有

蝴蝶結既鞋, 好靚, 好岩燕虹架, 只係買咗75蚊啫, 唔係

好貴。然後我地都覺得好肚餓, 就去咗m記度食野, 當我

地去睇下買咩好嗰時, 竟然見到胡廣洋喺度做野, 嚇咗一

跳, 跟住我地買咗野食之後, 就搵位坐低食, 食完之後就

走啦, 點知又俾我撞到以前小學既同學--許進博... 唉~

都唔知係黑仔定好彩, 一日之內竟然可以見到4個我識既

人, 真係好勁呀, 超無奈呀...  ( - _-")

尋日我、燕虹、呀溫、呀雪、呀媚、呀鋒、契媽、

林俊輝、威sir、冬戀、陳智健、春桃, 一齊去大埔

大美督燒野食。我地去到嗰時, 林俊輝就去咗碼頭

度釣魚, 而我地就去燒烤場度燒野食, 仲燒埋海鮮

添, 期間有笑有喊, 又同呀溫、燕虹、吵媚一齊唱

歌仔, 玩得好開心。不過到咗1:00契媽就要去其他

地方, 所以走先, 後黎冬戀都走咗。我地燒到差唔

多3:00, 我同燕虹、呀媚去租單人單車, 租咗兩架

, 一齊去咗提霸嗰邊玩, 吹海風, 超好玩、超舒服

, 冇幾耐...威sir、陳智健黎咗, 又話要租單車玩,

但點知落雨, 都幾大架! 呀媚又話落雨唔玩要返屋

企, 陳智健陪佢一齊返, 連燕虹都走埋(落雨前既事

)。最尾得番我、呀溫、呀雪、春桃、威sir、呀鋒

同埋林俊輝, 之後我地又去咗租單車, 不過係家庭

車2架, 雙人車1架。我同威sir一架, 呀雪同春桃一

架, 呀溫、林俊輝一架, 我地都去咗提霸嗰邊玩, 玩

得超開心, 我地仲喺度鬥快, 最尾我同威sir win咗!

!! 呵呵~ 威sir原黎係玩開飄移架, 超勁呀~ 我地玩

到差唔多6:30就一齊搭車返大埔食飯, 不過我同呀

溫都冇錢, 但啲男仔就夾錢請我地食, 佢地超好哦,

好有紳士風度, 值得讚下既, 最後, 我地各自各咁返

屋企啦~ 玩得好開心呀~ 仲影咗好多相添~ 呵呵~

\(^v^)/