今朝 8:00 就約左水妹出黎傾計，因為我地實在太o岩 Key 啦~ ^^
而且佢又唔想留係屋企...
其實佢原本約左幾個同學返教會，但係佢地放哂飛機......
所以我地都係跟Alan哥哥車返黎。
我地食左腸粉做早餐，我已經係第連續第2日食腸粉...
今日崇拜有葡萄堂，終於都可以見返D葡萄仔葡萄女同導師啦！
又玩估動作，不過估流行歌係我ge強項~！
Angel姐姐入黎宣傳葡橄ge暑期活動，我一定會參加！
不過我又要去新加坡交流，又參加暑期活動，會miss左6堂曾氏補習喎...
Miss左多過4次，黎緊ge學期佢就唔收我嫁啦！
真係好麻煩ar！！！樣樣都一定要參加，咁點算？
點解miss堂就唔比人學？之後咪又會補返堂？咁有乜分別？真係麻煩！
我唔理咁多，去新加坡同參加暑期活動，我去硬的，你唔收我就算~！
Lunch真係超正，我、恩慈、水妹、肥魚哥哥、李寶姐姐 同 Alan哥哥 出左去杏花村食元綠壽司~ :P
因為 Alan哥哥比信用咭，所以佢地我地每人比$40比佢，跟住任食，kaka~*
不過我覺得唔係幾好意思，所以都係計住咁食... Φ(..'v'..)o~ 開餐！
但係恩慈就猛叫野食，係度挑戰自己ge食量... =,= (我諗佢食左有$80...)
真係衷心多謝Alan哥哥！(你真係好豪ar~
下午，我如常去左水妹屋企溫習。
我冇講錯，係我去溫習，但係水妹就唔係溫習，因為佢未做哂功課... =o=
水妹，你下次做哂D功課先啦~！未做哂ge話，就算我上你屋企都幫唔到你溫習嫁~~
結果我溫左History，水妹就做哂D功課...
水妹想hea一陣，玩下電腦，點知部電腦比阿哥改左密碼... 真係高招~！
咁都難怪水哥哥咁做ge，考完試先比水妹玩都唔一定唔係一件好事~~~
好啦，水妹！今次你考好個試佢，考完先慢慢玩個痛快！！！
不過你on唔到MSN，我就成個星期同你冇聯絡，我會好掛住你gar~ ;P
5:00，我去左跳舞。
原來今次同上次 F.1 o個隻舞好唔同，上次係Jazz，今次係 Hip Hop。
今次真係勁好多，連跳兩粒鐘先排到4個Bar，仲跳到腳軟...
仲有廣告入面，跳舞纖形o個隻舞---蝴蝶翩翩 入面ge動作，同埋D幾open下ge挺心口動作...
大家等住睇我地ge表演啦！
夜晚，因為我有兩張今日到期ge大家樂優惠券，所以我地一家去左食大家樂，減左$10優惠，好抵~
不過大家樂ge焗豬扒飯永遠都係咁大份，次次我都唔想浪費食物，而食哂成個餐，所以好飽... ~0~
今日都過得幾happy，不過聽日又係另一個返學星期ge開始了，仲要開始為考試而努力！
