琴日患上傷風...不停咁打噴嚏同流鼻水...可能比人傳染...不過唔多唔少都係自己攞黎...

或者我潛意識係想自己病...病左可以博同情...不過又有邊個會關心同擔心我...

人每當病左心靈都會變得好脆弱...所以普普通通既一句問候都變得好重要...

其實...得到你一個人既問候好比所有人...但係你應該唔會知道我病左...

今日一路打噴嚏一邊流鼻水咁去考我既中文試...基本上除左錯別字果part 其他都幾易做...

所以做左個半鐘多d我就提早走...希望坐我附近果d人唔會覺得我嘈~_~

返到屋企又係無無聊聊咁過...之後有人幫我搞機頂盒睇高清d台...由於我家唔係用LCD...

所以都唔係清好多...不過就真係多左幾個台睇...

ps : 有時...我真係太相信人...導致今日又比人呃...相信者係咪真係會幸福...話比我知...菖蒲...

今朝考英文...reading卷一...好難...reading卷二...好易...writing係enquiry...所以冇咩問題...

返到屋企就即刻訓教...訓教真係好...咩都唔使諗...可以逃避晒一切...

即使惡夢再恐怖...都不及現實咁恐怖...真係有d想一睡不起...但自己好清楚唔可以咁做...

不過e家就比我逃避同休息一陣...e個想法真係可悲~_~

不斷發生好多事...又要我費神處理...情緒化既自己又衍生左好多問題...要改下e個缺點...

而且舊病又復發...比左咁多錢醫生以為已經痊癒...e家既我邊有餘力去改善我既飲食同生活習慣...

最近都可似冇咩湯水飲...又成日食即食麵同飯盒...仲要日日夜訓早起...舊病唔復發先奇...

一切都係自己攞黎...而且星期一又要考試...想訓多d都唔得...救命呀=口=

ps : 琴晚又落淚了...係床上滾左一小時才可入睡...真係唔知點開口...所有野等考試完左先解決...

除夕果日有兩件事係我最擔心...一直都係前果幾日既日誌到都有提過下...

但係e兩件事終於今日發生...所以超唔開心...心情亦極差...情緒難免有所影響...

第一件發生既事並唔係令我唔開心既主要原因...因為果d事遲早都會發生...

但我最唔開心既係...點解每次我一擔心既事總會即刻發生...擔心既原因純粹只係預感...

發生只係純屬巧合!? 我既巧合你前幾日都見識過...但e種巧合已經發生過好多次...

咁到底係咪仲有其他原因呢? 如果每次巧合既係開心既事並唔係唔開心既...你話有幾好呢...

因為e件事既關係...令到一d問題再出返黎...你同我都知道e d問題唔可以再拖落去...

所以一定要搵某日同你講清楚...不過我真係唔想因為咁冇左你e位朋友...

第二件事就係有証據顯示我跌緊落兩個人既陰謀之中...係未知佢地既目的之前我都唔可以輕舉妄動...

因為如果我處理得唔好...可能會有人因為我而受到傷害...但我最起碼知知一樣野...

如果比佢兩個成功的話...咁受到傷害果一方就一定係我...但我e家邊有時間諗e件事...

最無奈既係...我琴晚有諗過e兩件事會係我考一個唔可以唔合格既試既前一晚發生...都係諗過下姐...

英文考試就到...最近都忙於溫書...reading 同 writing 係同一日考...真係幾攞命...

reading 基本上冇咩點溫到...應該話唔想溫...反而集中溫 writing ...

writing 可以話係我最差既一樣...不過 miss 話 writing 既題目唔係 Enquiry 就係 Reply...

個人希望出 Enquiry...因為 Enquiry 係 miss 教得最耐同我溫得最多...

如果出 Reply 我真係冇咩信心寫得好....出 job wanted letter 就真係死得人多...

miss 話 job wanted letter 冇出幾年...所以連教都冇教過...唯獨e條題目我冇信心合格...

除此之外...e排好鍾意玩 facebook...由其係義氣仔女 online 同綁匪之王...

透過 facebook...搵返好多以前既同學...工作既同事同朋友等等...了解佢地既近況...

等考試完左之後...可能會搵隻 online game 玩下同搵份工打下...盡量令自己忙到死下死下...

今年既新年早左...對於e家既我黎講絕對唔係一件好事...因為宨仲未換成人身分證...

未換成人身分證就返唔到大陸...返唔到大陸就拎唔到利是...拎唔到利是就冇錢買野...

自從我娘係前年唔知點解同個有錢親戚結拜做姊妹...我家有一少部份收入係果到黎...

記得上年真係拎到唔少利是錢...最少都有四,五千...今年肯定仲多...金融海嘯麵影響唔到e個事實...

但如果我返唔到大陸我娘就會中飽私囊...四千分分鐘變成二千...

ps：一剎那既運氣...足以改變我既一切...到底...我幾時先會得到真正既快樂...即使要我付出任何代價...

生活好似愈黎愈無聊...每日都過緊d一成不變日子...朝早返學下午放學...

返屋企做功課睇電視食飯訓覺...其實我並唔係討厭返學...不過唔知點解就係唔想返...

對於e家既我黎講...返學係必須...鬼叫我仲有好多野唔識...我又的而且確從中學到好多野...

但係除此之外就冇野值得我開心...其他野就感覺好似上軍校一樣...悶到飛起...

所以我都唔鍾意講我學校既事...我諗好多人細過果陣都想好似動漫既主角過一d好有趣既生活...

當然我都想過做勇者...駕駛機器人等等...但最後都比兩個字打擊我既希望...「現實」...

坦白講...到e家我仲希望有機會過果d生活...不過都係間唔中諗下...只要比e家既生活有趣...

冒下生命危險都冇咩所謂...睇到e到...可能會比我話我傻~_~

e兩日又dl左兩套動畫睇...「崖上的波兒」同「風雲決」...

「崖上的波兒」真係好睇...依然保持宮崎駿一般既風格...故事依然係咁簡單...背後既意義依然係咁多...

每次睇宮崎駿既動畫都睇到果一份「童真」...而且每套故事好人既角色仍然好得離譜...

當中包括路人甲乙丙...壞人亦唔顯得十分壞...「崖上的波兒」最令我深刻既一段...

莫過於兩位主角坐係放大左既玩具船果段...可能我一直都想要一架遊艇既關係...

想知更多既劇情就自己去睇啦...不過e套戲真係值得比錢去睇 (不過我好似冇資格咁講=0=)

至於「風雲決」...三個字...睇特技...

由除夕果日開始...我身邊發生左d事令我既恐懼愈黎愈...不過我冇辦法一個人解決...

今日亦係facebook睇到一d唔應該睇既野...雖然只係關我朋友事...但同我所恐懼既事一樣...

比起自己受傷...我更怕自己重要既人受傷...但最怕係.......