| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 6 月 6 日 星期三  |
| 雙喜臨門 |
分類: 未分類 |
今日返學期間,竟然比我見到淇貓,真係小見,
覺得好鬼熱,唔通病完之後會傻d既?
中文...一上堂就係咁問頌詩讀經,係咁抽人,
連一向小見被人抽中既dom都中左,有不詳
既感覺,果然,真係中7號,好彩佢問個條識,
唔係就死得啦!跟住就作文啦,都唔知自己
作緊咩!
小息...努力地做作文,作作下,魚蛋突然
坐左係我隔離,驚驚!
數學...做數啦,都幾易做,終於都識啦!
電腦...派返份卷,好可怕,竟然同wing yan
同分,驚驚,唔知個時係咪發緊燒呢?對完之後
,就要我地做個text,唔識做,有d問弱智,後面
個d Excel全部無做,唔識做,哈哈!測完就比
我地上網啦,幾好人,but 佢講左好多野,
不過佢又講得幾好既!
Lunch...去圖書館睇報紙!
eng...做listening,開始一堂可怕既堂,我又變左
個幼稚園學生,係咁同yan子姐姐玩!好快就過左兩堂!
今日終於記得啦,sorry呀,yan子姐姐,整痛係支筆,sorry!
原諒我啦!
中史...繼續聽明朝,不過最鍾意清朝!
放學等dom個本數學書返黎,等左陣先走,見到好大雨,
傻左既我又黎啦,淋雨,唔開傘,幾正!
今日日記開張兩個月啦,多謝晒各位!萬分感激!
重有我father今日生日,哈哈!不過佢同我mother出左
去買野送比我,哈哈!幾得意!簡直係雙喜臨門!
時間一分一秒地流逝,直至最後才懂得珍惜!
重有7日就生日啦!>.<
|
| 2007 年 6 月 5 日 星期二 |
| 心傷既一日 |
分類: 未分類 |
今朝出左門口無耐,見到wing yan攞住d書,
突然諗起......放左本中文書同數學書係張枱
到,死得!問人借!繼續都係無著冷衫,傻左!
Eng...今日派返本默書簿,繼續都係唔合格,
,睇黎要努力d先得啦!無聊咁過左兩堂!
小息...覺得好無心機,好唔開心,諗到個件事,
就頭痛啦!好想喊!
EPA...做w.s.啦,跟住派卷,同yan子妹妹同分,
都係33/50,唔制呀,次次都係同分,唔知係咪抄既呢?
ART...今堂MISS LEE叫我地去HALL到睇野,同姐姐
佢地坐啦,睇個D短片,我覺得有D講得好好,珍惜,
時間唔等人嫁,要珍惜一切,過去左,就失去左一D野!
跟住繼續睇D作品咁啦,睇到有3幅淇貓既畫,好叻女呀!
LUNCH...BO哥同CHANMAN鬧交,兩個故執既人,
搞左好耐,去左圖書館溫中文默書,溫左好耐都重差一D!
中文...比左10分鐘我地溫書,不過差1句先叫背晒,
唉,係咪太慢呢?
地理...個MISS一入個課室就係咁鬧我地,話我地個
D專題有問題,講左好耐,係咁鬧人,重話要低過4分個
D重做,好彩5分,驚驚!
數學...做張w.s. ,好開心呀,終於識做啦,yeah!
放學個時同姐姐,雲雲行啦,重多左燒賣,佢又攞
部電話出黎影我地,超好笑!
返到屋企先知道一樣野,no.1返左黎呀,勁驚,
help me!生日個日點好呀!
|
| 2007 年 6 月 4 日 星期一 |
| 時間消失得太快啦 |
分類: 未分類 |
今日返到學校唔洗集隊,今日又無著冷衫,哈哈!
真係病到傻左!XD!返到去先記得無帶藥,唉!死得!
早會係度講六四,唔講都唔記得今日係6月4號,
真係失憶,老人病!睇左好耐片,真係好恐怖,竟然
咁樣解決問題,好唔應該!
跟住班主任課又要上I-CAN,今日睇片,不過都ok好睇既!
數學...剩返好小時間,做埋張w.s.,就差唔多夠鍾啦,
重要做簿,唉!見到d數已經好頭痛,做唔到!
Eng...今堂d時間過得突別快,事關要默書!默完書叫
我地對隔離個個本簿,可能佢知自己老花啦!
唉,錯左13個,又唔合格啦,又比人鬧,唉!落堂個時,
錄貓比d書我放,點知...唔知點解我當左今日係Day4,
傻左,超級白痴!
P.E. ...今日上個手球,一開始就叫我地練,跟住即考試,
竟然有7分,哈哈!又傻左!跟住就比賽啦,對霞姐個隊,
不過都最未個時,竟然入左,係suki姐姐射嫁,好叻女呀!
miss Lee話win左個隊要再打,下,咁即係話要再曬,唉!
點知今埸重好玩,都係姐姐入左3球,勁呀,好叻女呀,
果然係姐姐呀!超級好笑!跟住叫我地自己玩,今次同
淇貓玩羽毛球,淇貓好勁呀!叻女!
Lunch,超熱+頭痛,上左圖書館啦,例排動作,傾傾下,
無端端講我,重張講埋No.1,死得!dom&yan子估左
好耐都未估到佢個英文名,點知suki姐姐一估即中,
勁呀,果然係姐姐!
PTH...比我地做功課,又對住個d悶爆既數學,又繼續頭痛!
科學...趙sir話教晒書,叫我地做自己野,又繼續做數,
都係超級頭痛,識計幾條咁啦!
中文...係度整本作文簿,原本作左9次文,好似唔覺咁樣,
時間真係過得快!整左成堂,點知佢要教埋個課書,
用多左唔知幾耐啦!
放學,由於姐姐未走,留低等佢地做數學,做做下,d人要
黎考試,迫於無奈要走,原本諗住搵miss NG,但係佢唔係度,
好似走左,可能睇佢個仔啦,係A房門口見到兩個玲+慈慈,
送走雲雲,跟住就走啦!行返去個時勁曬+熱,要除左件冷衫
,真係好熱,唉!
朋友比[[任何]]東西都更重要!
|
| 2007 年 6 月 1 日 星期五 |
| 返到學啦 |
分類: 未分類 |
今日叫做精神左d啦,所以就返學,鬼死咁
早就返到學校,返學個時竟然無著冷衫,
哈哈!我諗我一定係病到傻左啦,不過真係
有d唔習慣!
早會熱到死左,d汗係咁流,好似倒水咁,唉!
ENG...成堂係度講本listening,一個字講晒,
悶!唔知點解,覺得成身無力咁,勁想訓覺,有
d後悔返左學......講到最後個5分鍾,派返個d
作文,唉,死人老林又叫人wing yan,跟住又係
度講佢個女,真係煩!竟然成堂都無著到冷衫,
唔通真係病到傻左?
數學...今日教第13課,派左d w.s.比我地做,
今次依課都叫做識既,係咁做數啦!
科學...老趙教晒d書,叫我地自己溫書,又比左
d野我地睇...係度同淇貓傾計,就咁又一堂啦!
Lunch...去左圖書館做correction啦,一去到,
有種好奇怪既感覺,好似好耐無去過圖書館咁樣,
唔通真係病到傻左?
中文...魚蛋無端端話要做text,大佬呀,我尋日都
無上堂,點識個d野呀,擺明玩我啦!亂做,今次實
唔合格啦!合格都勁低分啦!
D&T...今日覺得好累,成堂基本上無做過野,bo哥
同金魚婆幫我做,哈哈!正!THX!個測驗竟然有92分,
錯個條重要係牙sir教既,我地自己做個d竟然全對,
牙sir真係衰呀!永遠都係D&T係最開心既堂,哈哈!
放學送左dom上去補習,好似個d行刑既人咁樣,
超級好笑,搞左好耐,就即刻飛落去睇班足啦,,點
知落到去無晒位,有都係好曬既位,so,我地決定
企啦,初頭唔係好刺激既,不過射到十二碼個時,
超級刺激,d人勁興奮,一完埸個時,勁開心,事關,
我地2A贏左冠軍呀,上年1B都係亞軍,超級開心!
跟住同suki姐姐+兩個Ling一齊走啦,好鬼死熱呀! |
| 2007 年 5 月 31 日 星期四 |
| 病魔入侵 |
分類: 未分類 |
今日一起身,就覺得好累咁,成身散左,行步路都唔想,
諗住換衫個時,媽媽叫我唔好返學,有d唔想,不過
真係唔想行,迫於無奈,唔返學,休息一天!
跟住又玩下NDS咁啦...跟住搭車去灣仔睇醫生,有d
唔想,都估到自己有咩病!睇完醫生,真係比我估中---
感冒,yeah!跟住去食野啦,今日唔食叉燒通粉,食火腿
通粉,哈哈!食完又順便去行街街,雖然買唔到野,but
比我見到一樣野----RE-MENT既磁貼,搵左好耐都
搵唔到,今日竟然比我見到,好鬼開心呀!
跟住搭車車返大埔啦,返左屋企無耐,再搭[的的]去
那打素,事關一d野啦,好快搞掂,原本諗住搭巴士既,
but架車車走左,又鬼死咁熱,都係要搭[的的]去大中,
行街街,跟住順便食lunch....
返左屋企,睇左陣電視,覺得好鬼累,頂唔到周公既呼叫,
去左訓覺覺豬,開冷氣訓,正!
訓到4點幾,突然聽到出前一丁d音樂,好似電話響,
醒左,原來係姐姐,不過來電係大笨象,原本想鬧佢,
但係聽到姐姐把聲即刻改變態度,哈哈!
domdom,人係偏心嫁啦!XD!
幾時先會好返呀!唔知聽日返唔返到學呢?
|
« | 88 | 89 | 90 | 91 | 92 | 93 | 94 | 95 | 96 | 97 | ... | 100 | »
|
