今日返學見到兩個Ling+慈慈,之前無約過,依d叫唔叫緣分呢?
差唔多返到學校個時,竟然比我見到傳說中既[明明],又係度笑!

班主任課+數學...NG係度教數學,教足個幾鍾呀,人都死左,超累,
終於明返d之前學過d野啦!不過代價太大啦!

Eng...好鬼悶,做左d listening,Elephant Fish,哈哈!超好笑!
我諗個條魚係金魚婆黎嫁!

P.E.  ...兩堂都係度考太極,我第二個考,去到第八式之後唔記得,
比雞Lee叫重考!真係煩!

Lunch...上完P.E.都成1點,and then同yan子妹妹去探險,途中
發生d好可怕既事(yan子妹妹比人玩!哈哈!),等佢期間,同brother
佢地玩下!繼續去圖書館玩,出黎又見到朗朗,跟住suki姐姐就講返佢
尋日講個句:(你地好無聊呀!),超級好笑!見到佢超級無奈!

PTH...今堂考晒試既關係,但佢又唔比我地自由活動,so,比我地睇碟,
竟然比我地睇野,超好笑,個隻野好好笑呀!

I.S. ...趙sir今日比我地自由活動,係咁聽suki姐姐同金魚婆講基基d野,
超好笑,姐姐果然係會令我開心!Yeah!

中文...一個字講晒:(悶)!

放學要上5樓活動室考太極,搞左勁耐,都未識,最後要請BO哥幫身,考個時,
d失憶症開始發作,唔記得左,多得大家既提點,耍太植個時,係咁聽到BO哥
大聲咁叫,好激動!經過我一番努力之後,都係得6.5分,差0.5分先合格,大約
5點35先走,好多書呀!

今日都係咁上下時間返到學校,好累!

班主任課...係度玩下咁啦!

Eng...今日個堂超級悶,唔係好記得做過d咩野,
睇黎d失憶症都幾嚴重下,最好唔好講d重要既野
比我聽,我會唔記得嫁!

數學...今堂測ch10,11 ,都幾難下,做唔晒,有好多
都亂做!

科學...趙sir比我地自由去溫書,溫溫下去左老笠個組,
一半溫書,一半玩,點知比yan子妹妹問到Matthew哥哥
個名,唉!想死呀!原來今日係11號,三個月囉,開心啦!

Lunch...今日同BO哥睇報紙,睇睇下見到幅馬經,
勁無奈,係3樓個時,見到遠方既朗朗,個時我同yan子
講緊野,又係度笑緊,點知朗朗突然講句:[你地好無聊呀!]

中文...派返之前個測驗,竟然有24/30,高過yan子妹妹一分,
yeah,終於高分過佢啦!

D&T...今堂做返個總結,基本上無咩做過,係咁同bo哥
傾計,等dom一個做晒,yeah!

放學返去個時見到慈慈,一齊返去!

唔經唔覺,又得返最後兩日既正式上課日,
Form2既日子所剩無幾,唔知Form3會點呢?

今日星期日,訓到10點幾就比人整醒,
唔係matthew哥哥,唔好諗錯!係我媽媽!
跟住就玩下NDS咁啦,跟住去食早餐,今日食叉燒...通粉!

返到黎,跟睇下報紙咁啦,睇左成半個鍾到,其實
最有興趣係睇星座,我自己覺得星座講d野幾準!

跟住好乖咁去溫書,一路聽mp3,一路聽歌,一路溫書,
我覺得咁樣先可以記多d野,不過大家唔好咁做啦,
費是分心啦,溫左2個鍾到啦!

無無聊聊咁,就上網啦,比我搵到d好得意既野,
不過對BO哥黎講,就係一件壞事啦,我搵到魚蛋以前
既一張相,見到個時超驚,同而家相差好遠!
我放左d相係相簿到,得閒就睇下啦,BO哥更加要睇啦!           　
按依到入去睇 ----------------->

今日返去個時,好似有d雨咁!由於咁樣,就唔洗早會啦!

班主任課...派返尋日個數學text,咁都合格bor,哈哈!

I.S. ...今堂趙sir叫我地自由分組去溫書,過左suki(媽媽)
個組啦,初頭都覺得有d溫書既感覺既,跟住就發生好多好笑
既野啦,超好笑!媽媽真係可愛!

歷史...講返幾頁書咁啦,做下作業,又講下d考試d野咁啦,
咁就落堂啦,最後一堂啦,yeah,唔洗再派書!

音樂...女仔考晒試啦,聽男仔唱歌,超好笑,佢地差唔多全部
都唱[友共情],超好笑!都幾好聽既,最未講分啦,竟然有78分,
哈哈!高分過yan子妹妹!yeah!

地理...今堂講返d書,抄下筆計咁啦!

Lunch...今日係圖書館安靜地導過,終於有一日正常啦!
好後悔無訓到!好鬼眼訓!

中文...係度做聆聽啦,做完又比左篇野我地睇,問問題啦,
有不詳既感覺,點知......佢竟然叫7號,個時勁眼訓,無聽到
佢問咩,識答都話唔識答啦,佢實比我坐既!哈哈!

I.H. ...派返尋日個測驗啦,竟然有40/50,無咩溫過書,
點都係淇貓高過我,好嬲呀,佢高我兩分,唔制呀!
跟住又係度玩啦!

REE...睇片,幾好睇,一d都唔悶!睇睇下,個天突然落雨,
超大雨,媽媽我好驚呀!help!

放學送dom去補習啦,當然唔會咁早走得啦,同yan子妹妹
行去探險,超好笑,見到brother,順便問下佢音樂幾分啦,
高分過佢,好開心呀!

跟住同姐姐行啦,落住細細雨咁啦,原本唔想開傘既,不過...
姐姐叫我開,姐姐叫到,一定要啦,唔係姐姐就鬧死人啦!

行緊個時,見到matthew哥哥,點會見到佢嫁?

今日未出門口個時,突然落好大雨,點知出左之後又無雨,
依d叫唔叫天意弄人呢?好彩行返去個時無落大雨,哈哈!
差唔多行到返去個時見到余sir,幾咁突別,係遠方又見到
bo哥佢地,哈哈!天意!

班主任課...係度測頌詩讀經,無咩溫過,勁多亂寫,唔知合唔
合格呢?

數學...又繼續測驗,今次測數學,d時間過得勁快,根本做唔切,
都ok難既份野!做完份卷超級累,連測兩個text,超累!

Eng...超悶既一堂,係咁講張w.s. ,唔識做,哈哈!

中史...最後一堂中史啦,時間真係過得快,被miss chow教左
兩年啦,miss chow以超快速既速度講書+作業!之後就派返上
次個測驗啦,咁都有63分,無咩溫過,又比yan子妹妹win左,唉!
下次唔玩高分啦!

PTH...miss無返,做中史作業,抄到手都軟呀!抄完都夠鍾囉
,唔通我真係好慢?

Lunch...最可怕既一日,yan子妹妹同domdom係咁講我,唉!
搞到我好鬼熱,塊面超紅,bo哥成日話我塊面紅,勁無奈!
之後落去個時,就係咁打domdom,發泄,yeah!成個人舒服晒!

Eng...繼續都係好悶,勁想訓覺!

I.H. 測驗,help,第3個測驗啦!有d唔識,無溫過書,唔知合唔合格呢?

中文...今堂派返個d頌詩讀經測驗,佢改野超快,竟然合格,yeah!
點知佢改錯左超多人d野,我諗有半班啦!跟住又做返本書啦,
唔制呀,yan子妹妹+domdom+suki姐姐(媽媽)都蝦人既!