今日因為勞動節,所以放假,又係一日勁悶既假!

訓到10點幾起身,食左叉燒通粉,哈哈!XD!跟住
阿哥同阿姨去踩單車,事關太多野做,同埋好鬼曬,
唔同佢地踩,過多陣阿爸同阿媽都去埋街,得我一
個係屋企,開電腦做I.H.個專題報告!做到好鬼悶!

做完個I.H.專題報告,都成4點幾,燙衫,不過燙完之
後都唔係覺得好直,都係之前好d!事關無咩心機!

之後拆埋個RE-MENT既野,唔錯,都幾靚!今日
無無聊聊又過左啦!都係返學好d!

今朝唔知點解,feel到成日都會好黑仔,唔知
係咪真既呢?!

行行下,又見到wing yan,原來佢早會個時要
講話,唔怪得咁早見到佢啦!行行下,落雨,唉...
wing yan幾開心,因為落雨唔洗係下面早會,
, 咁佢咪唔洗對咁多人講,個天都幫佢!哈哈!

早會...開頭個時睇唔到d影像,偏偏就係wing yan
佢地講既時侯睇到,天意!

ENG...又聽個MISS講野,佢把聲真係好大,搞
到人地勁頭痛!做ERS,不過係屋企做左,無野做
,悶悶悶悶悶悶悶悶悶悶悶悶悶悶悶悶悶悶悶!

EPA...勁悶,不過阿SIR比我地睇個張相個時
超好笑,佢話最後個張係個靚女,點知.........
原來係...襲如心,超驚驚,勁係到笑!

ART...畫個幅畫,其實上堂都差唔多畫完啦,不過,
MISS話要加D唔知咩,咁咪畫囉!畫左陣,淇貓過
黎幫手,THX!淇貓真係好人!THX,THX,THX!
途中,對面唔知玩咩,搞到我件衫中招,塊面都中埋
,幅畫就唔洗講都知,都係中嫁啦!勁嬲!

LUNCH...上左圖書館,途中,發生左一件事,唉....

I.H. ...原本係魚蛋堂既,不過佢要還返堂比
個譚SIR,悶到爆炸!成堂都好靜!

地理...今堂對作業,好彩唔教書,所以唔比佢抽唔中!

數學...派左中期評核成績表,好想知道考第幾,無
端端NG話請我地食雪糕,超無奈,食個時,都覺得
唔係好開心,無咩心機!再派埋個份課測,好彩合格!

放學...送DOM去補習,再同SUKI走,跟住自己
慢慢行返屋企!諗下野咁!

近排真係發覺自己好黑仔,唔通真係因為佢?

今朝終於無比d電話整醒囉,好鬼開心,
但其實我都係唔記得熄電話,只不過,係
部電話無電,自動熄左!XD!

訓到差唔多11點,落街食野,都重覺得唔
多掂!

返屋企做功課,幾乖!XDXDXDXDXDXD!
不過係一路聽mp3既,我覺得好似做得重
快d,哈哈!

悶悶地,上左陣網,繼續都係上唔到msn,
都唔知個msn做咩鬼,幾日都上唔到,好
鬼嬲,有d想打部電腦,上去d game到
發泄!

去左大埔墟到食飯,返黎個陣,見到一個
好熟口面既人,原來真係佢,唉...點會咁
嫁,咁黑仔嫁!

今日再遲起身,整野重遲過尋日,唉......
飛落去,辛苦!

早會...係到曬,就黎死得,勁多1B既人攞個
唔知咩野,唔知係咪佢地個班主任叫佢地借
書既呢?哈哈!

班主任課...NG無端端叫人諗D唔知咩,勁驚佢
叫我,好彩今日好運!so lucky!得番5分鍾溫書,
溫溫下突然記得,無帶計數機!又要心算啦!

數學...成堂係到測驗,丙部個d長問題,基本上,
都係唔識既!前面個d都叫ok既!

ENG...今堂比起尋日個堂,真係好唔同,基本上,
係無聽過佢講野,今日係咁玩,好彩佢今堂唔叫
我,唔係死得!不過suki姐姐再一次中!可憐!

P.E. ...去換衫個時,個miss突然係裹面出黎,
有d驚驚!今堂上籃球,跟住射波,入中左兩球,
,勁開心,考完試,玩籃球比賽,但係今次唔係對
淇貓,無咁好玩,因為上次淇貓成都撞到我,不過
幾好玩!淇貓入左一球,真係勁呀!

lunch...今日班足,但係無落到去,事關個到太
熱啦!去左圖書館到睇,幾好,又有冷氣,又睇到,
一舉兩得!

PTH...睇個套<<我和爸爸>>,未睇到入去,聽
個d音樂,就知道依套片係一套好慘既片!睇完都
覺得佢幾可憐!

科學...勁悶,聽完佢講一大堆野,跟住休息!

中文...講個本作業,話做listening,點知魚蛋無
攞個隻CD,佢隻耳仔即刻紅左
,跟住以9秒9既速度上返黎,好似識飛咁,哈哈!

放學...我地一共6個人,去左7-11食雪糕,真係好
味,重想食多杯,不過會肥,打消依個念頭!幾開心!

返到屋企先知有sushi食,重要係我鍾意既三文魚,
點都食埋!好味!

今日成7:10先起身,重要自己唔知醒個隻,
超快速咁整野,食野都用左好小時間,真係
未試過(事關平時食早餐係最慢既)!

返到學校無耐,先記得今日有晨讀,好彩上
次無放低本ERS,唔係就無書啦!驚驚!

ENG...今日miss LAM個MISS黎睇佢,佢竟
然請我地食糖,叫我地唔好講野,真係想打去
ICAC到!依兩堂係我最專心既一堂,基本上無
講過野,但係...佢無端端叫人讀個篇文,超驚驚!
已經好比面佢嫁啦!

小息...又再一次玩!哈哈!

MATHS...做左一張W.S,又雲遊太空,唉...
開始發覺愈黎愈無心機上堂!

I.S. ...今日我地個組得三個人,好似靜左好多咁,
做實驗,悶悶悶!

LUNCH...上左圖書館玩,點知...BOBO睇緊報紙
既時侯,趙SIR突然走過黎話一齊睇,即刻全埸靜晒,
一句野都無,真神奇!

中文,BOBO比魚蛋叫中,見到佢超級無奈,BOBO
姐真係可憐!

D&T...開個個模組既時候,我同BOBO個名都開到,
惟獨DOMDOM個名開唔到,試左勁耐,原來........
係阿SIR之前打錯佢個名,超級無奈,又係到係咁玩,
簡直可怕,好彩今堂無開到IT-SCHOOL!

聯課...一去到個MISS叫我地寫字,事關佢話要參加
個寫道德經既比賽,超無奈,知道左一D野,成個心情
DOWN晒!非常煩腦!

放學去洗野個時見到SUKI姐姐佢地,咁遲都見到,都幾
有緣份,同BROTHER一齊走,為佢解決難題!