單車 陳奕迅

 

不要不要假設我知道
一切一切也都是為我而做
為何這麼偉大　如此感覺不到
不說一句的愛有多好？
只有一次記得實在接觸到...
騎著單車的我倆　懷緊貼背的擁抱

* 難離難捨想抱緊些　茫茫人生好像荒野
　如孩兒能伏於爸爸的肩膊　誰要下車
　難離難捨總有一些　常情如此不可堆卸
　任世間再冷酷　想起這單車還有幸福可惜
（任世間怨我壞　可知我只得你承受我的狂或野）

經已給我怎會看不到
雖說演你角色實在有難度
從來虛位以待　何不給個擁抱？
想我怎去相信這一套
多疼惜我卻不便讓我知道
懷念單車給你我　唯一有過的擁抱

難離難捨想抱緊些　茫茫人生好像荒野
如孩兒能伏於爸爸的肩膊
哪怕遙遙長路多斜
你愛我愛多些　讓我他朝走得堅壯些
你介意來愛護　又靠誰施捨

Repeat *

今日心情好down

無心情打日記!

今日7:45起身,好似好早咁,不過我換衫一向好慢,

所以早小小啦,不過出門口個時都成8:45啦,唔通真

係咁慢?改下先!行左陣見到慈慈,佢諗住等豬ling,

但係太遲啦,咁咪一齊行囉!去到學校門口見到

yan子+BO哥,等埋佢地先上去!重要比我見到朗朗

著便服個樣,講真真係ok嫁!

返到班房,發現得好小人,打埋鍾之後都係咁小人,

原來好多人遲入隊,咁又係既,我都差唔多遲入隊!

早會之後,做個好無聊既數學比賽,煩到死,又唔識個隻!

小息又同淇貓傾下咁啦,順道又同brother傾下!

之後就去禮堂睇個公民常識問答比賽,唉!唔好提啦,

明社費到爆,差唔多全部F.1,包尾,不過立社個張東正

竟然可以講e道,哈哈!全場係度笑!

跟住中間又有個講座啦,悶到爆,同淇貓係咁傾計!

放學之後,一大埋人去左金源食野,不過我例排揀

唔到野,慘!我諗要大家幫下手啦!幫我揀野食,thx!

之後suki就要返學校面試,中途發生好笑既事!哈哈!

跟住我,bo哥,domdom同yan子一齊去左宏福玩,

玩玩下,比我發現左條蟲,不過搞到yan子係咁尖叫!

真係可愛,跟住bo哥就走左!行行下好想飲野,事關好熱,

跟住去左廣褔買野飲,間鋪頭出面有d扭蛋機,我地3個

扭左隻龜龜,dom同yan子個隻都係藍色,我個隻係綠色,

睇落覺得藍色可愛d!

跟住就同domdom一齊行啦,途中隻龜龜跌左係街到

,好似黑左d!慘,可憐!佢話要搭K12 bor,行到吉之島

佢又話同我一齊行,算啦,經過冒險樂園,好彩忍到,yeah!

行到4點先返到屋企!好累呀!

今日日記開張3個月,多謝支持,一定要留cm呀!

今日訓到10:00先起身,都叫早啦!跟住去左冒險樂園玩

,又玩到一千張票啦,yeah!行到12點幾先返屋企,跟住

無聊無聊咁睇下報紙,睇下電視咁!跟住開電腦睇下花樣

啦,原來真係幾好睇個bor!果然無介紹錯呀!

睇左1個鍾到,就閃人,去沙田睇戲,睇史力加,哈哈!好似好童真

咁樣,唔通我真係重細?套野都ok好睇嫁,不過想睇哈利波特多d

,應該好好睇既!奇待中!

睇到5點幾,約埋牙爸食飯,跟住就返黎大中行街街,點知..比我見到

老笠bor,但係我睇佢唔到,要佢叫我,慘啦,唔知係咪盲盲地呢?

順道又去行下街街咁啦,又買下野咁啦!放假原來都ok悶嫁,

好想返學呀!

今日出門口個時無落雨,yeah,唔洗開傘,正!早到左,

等左一陣,等到8點走人,發覺個人好累!唔知點解呢?

返到去無咩人返左,唔洗集隊,唔錯!班主任課個時都無咩

野做,悶悶悶悶悶悶!之後就對歷史份卷,發現都錯左d唔應

該錯既野,but同寶哥哥同分,好野!開心!

小息個時同淇貓去左搵brother,點知佢死都唔肯出黎,

差唔多夠鍾個時先死出黎,佢數學高我10分呀,勁呀!睇

黎我同佢既打賭都係佢要請我飲野嫁啦!

之後就對中史卷,對之前有一大堆人比miss叫左出去,好似

係SM LEE考oral個組,搞左勁耐先返入黎!中史無咩搵過書

都有7字頭,勁多亂寫,都幾好運!XD!不過份卷又好似好容易,

不過無溫書,唔係一定可以高分d!比miss chow鬧我地!

之後再對E.P.A. ,今次竟然唔同yan子同分,唉,有d失望,唔制

呀,我要同佢同分!愈對份卷愈眼訓!

小息之後就對地理,一路寫答案落問題紙個時,發現好多錯誤,

可能溫得唔夠好啦,應該無8字頭,跟住話無交2下書+作業個d

無得攞卷,佢叫suki個時,又收返份卷,suki勁無奈!好慘呀!果然

不出我所料,真係無8字頭,好失望呀!

放左學之後,我地5個無行街街,分散左!同寶哥哥,yan子一齊過去廣

福玩,諗住睇下見唔見朗朗,點知唔見佢,跟住又見到寶哥哥小學個時

套校服,都ok呀!又見到yan子妹妹小學套校服,嘩,原來套P.E.衫好'黃'

嫁!勁係度笑!跟住行多陣就走啦!

兩點幾到,又落左街食野,去M記個時,竟然比我見到brother同佢媽媽+家姐

,幾有緣份呀!食完野就去左冒險樂園玩,玩到千幾張票,正!好玩,減壓!好累呀!

整左d相係相簿,有時間睇下啦!--------->