唔經唔覺,今日係7月13號,都係結業禮,即係中二

完結既象徵,中二依一年發生左好多事,由當初大

家都唔認識,直至現在咁好朋友,我覺得依d係緣份!

當初同A班既同學唔多熟,而且唔習慣,繼續同brother

佢地一齊玩,直至到好似第1學期既考試,同suki姐姐佢地

已經好熟,就成日一齊玩,今年既朋友識多左,大家都好好人,

不過就覺得自己變左,唔知大家覺唔覺得呢?

回想起,我地當初既英詩集誦,完全唔知要點做,最後都係

一大班人一齊完成左個比賽,雖然攞唔到獎,但係我覺得已經

好好,因為MR.LAM只係同我地練左幾次,咁既成績已經算唔錯啦!

雖然我地F.2既生活已經完結,不過我地重有一件事未做,就係

音樂劇,係依一年,大家都好比心機去採排,付出好多時間,

就係為左7月29號既公演,一定繼續努力呀!

時間一分一秒流去,即使將來分到唔到既班別,都唔好忘記今

年發生既事,友誼都唔好減退呀,Forever Friends!

今日返到去,好多人都返左,包括suki姐姐佢地,

跟住就等佢早會,點知等左好耐都無早會,之後就

係咁玩啦!

玩到9:45到啦,就派成績表,好緊張呀,到我攞個時,

NG無端端對住我笑,搞到我好無奈,全級終於唔係

40啦,全級考到30,yeah,好開心呀!點知domdom

重勁,全級26,唔識人啦佢!NG話單數入A班,雙數入B班

,唉,都唔知會唔會比暗暗教既!不過都係要等23號睇分班!

小息就過左B班問brother考成點啦,超勁啦佢,好似全級第5,

勁呀!請野飲!之後就走黎走去,搞到勁熱!搞左好耐先上禮堂,

呆坐,攞個唔知咩獎最好笑係Kitty讀錯domdom個名,即刻笑左!

放學之後搞左勁耐先走,好鬼死熱呀!返左屋企食野,之後我媽媽問

我今次考試個時係咪發燒,超無奈!

好想睇哈利波特呀!期待21號既來臨!

今日9點幾起左身,好似好早咁!之後就食叉燒通粉,哈哈!

玩到1點幾度,搭車過太和火車站,事關唔多識行,好似好傻

咁,哈哈!搭車個時見到個舊同學,又傾左陣咁啦!

淇貓好準時咁等我,但係我傾計傾耐左,so,sor!不過我都

好準時嫁,可能佢早左!

之後行過去佢屋企,行個時勁熱呀,濕晒!變左隻濕水蕃茄,哈哈!

去到淇貓屋企,見到momo(淇貓隻狗狗),其實momo都幾好既,

不過好鍾意跟住人,睇落又唔多似女仔bor!(淇貓唔好罵我呀!)

之後一路玩NDS,又同淇貓VS,結果,好似平手,哈哈!不過有場唔

公平呀,唔制呀,要再玩過!之後都一路玩NDS,哈哈!玩到隻手勁痛.....

玩到5點幾度,就走啦,點知行出個街都唔係好熱,原來淇貓屋企

熱好多,熱死我啦!

今日返到學校好鬼早,重有起碼10分鍾先打鍾呀,

上到2樓,無門口入,等左陣,見到brother,跟住佢送

左份野比我,補送既生日禮物,雖然過左好耐,都好過無啦!

原來唔係RE-MENT既野,只不過係筆,佢好似兩次送野比

我都係送筆,哈哈!Anyway thx!

之後就去左禮堂睇個IT比賽,A班同B班鬥,當然係A班win左啦,

等左好耐都唔見suki姐姐同domdom,直至依個比賽完左都未見到!

小息個時終於見到suki姐姐同domdom啦!原來佢地遲到!可憐,

之後陪左淇貓落去打電話!

跟住又聽個講座,悶到爆炸,不過中途成日聽到龜龜係度叫,可憐!

之後就去換衫啦,姐姐換完衫之後更加令女呀!好索呀!哈哈!

換完就返上5樓啦,無無聊聊咁排到1點15到!

之後就去左金源食啦,事關唔係好夠時間,

又見到暗暗,重有一大班牙sir!不過佢好快就走,好失望!

途中同YAN子去買膠布比姐姐!我又係諗唔到食咩,結果飲野算啦!

飲左陣,就玩NDS,初頭自己玩,跟住同淇貓,BO哥,VS賽車!好好玩!

兩點幾又返去排野,今次覺得幾好玩咁,哈哈!不過個人好累!

排完4點幾度,去左7-11買野飲,跟住就同老笠&wing yan去大中,

之後經過冒險樂園,老笠話想玩,就嗡我忍唔住,一齊玩啦!

好似玩左1個鍾到,玩到濕晒,原來佢地可以玩得好傻嫁,果然

比得上我呀!之後又行左陣,行到6:15到就返屋企啦!

返到屋企無耐同屋企人落街食飯,又行左陣,好累呀!

今日7點幾比牙姨整醒左,無端端問我買唔買電話,

佢係咪傻嫁,咁早問人買唔買電話!之後又再訓,訓到9點

到啦,比wing yan個電話整醒左,算啦,都諗住起身!

跟住整完d野就睇下報紙咁啦,點知睇到過晒鍾,飛過去,點知...

都係遲左,重要我最遲個個,crying!之後就過大中M記,

yan子飲野,跟住順便傾埋戲劇d野啦!之後唔多記得去左邊度,

不過好記得一件事,個女人行行下跌左隻鞋,哈哈!超好笑!

行到12點幾,返富善,行行下我又講錯野,搞到yan子成日係度

玩我,,唔制呀,媽媽,help me!之後又係富善行左陣,dom就

打電話黎啦,之後同bo哥,suki姐姐,dom,yan子一齊再行......

原本bo哥話去KFC食野,唔知咩事,突然又話走!

跟住真係唔記得左去邊度,好似過左寶湖,我例排又唔買野食啦,

行行下,見到龜龜bor,yan子話佢之前個隻唔見左,跟住就買左啦,

隻龜龜重要識發聲嫁,好勁呀!好似行到3點就走人,嘩,今日行左

5個鍾頭呀,好累呀!

我應唔應該原諒佢呀?