今日一早十點幾就落左街,行到成1點先返屋企,

都買左幾多野!返到屋企,就做功課啦,開左部電腦做,

做到4點幾,阿媽話訂左<戇豆放大假>d戲票,我當時

覺得都幾無奈,但無計啦!去左太古城個間UA睇,

約埋阿阿哥同阿爸,套戲都幾好笑,有d真係好鬼

好笑,笑到停唔到!睇完之後,都成八點幾,咁咪去

左下面個Food Court食野,我又係食個d粉,不

過食左咁多次都覺得好好味!^.^食完冇耐,

就走左,返屋企!如果大家未睇個套戲,就搵日要去睇啦!

今日終於做功課啦,因為前個幾日都唔係好得閒,

所以今日先叫正式做功課!唉!原來做功課,係一件

好難既事,d功課好難做,又唔識,都唔知做緊d咩!

但都要做,因為無乜時間!見做得七七八八,就唔做

啦,睇碟,點知個個故事係好慘嫁,睇到差唔多完,聽

埋個首歌,覺得佢重慘,點知喊左!唉,點解睇親依d

野,都會喊嫁!無無聊聊,又過左一1日!

今日十點幾起左身,食完早餐都成11點,

跟住就去左車站接埋個姑姐,因為今日成

班親戚一齊去大美督玩,但佢唔識路,咪同

佢一齊去囉!...

去到個度12點幾,今次我地14個人,都幾多人

下,跟住去左租單車,跟住就去工業村個邊...

唔知我係咪真係好快呢?成都唔見佢地,

成都停低等佢地,多數等佢地十分鍾到啦,

哈哈,重以為自己最慢,點知自己已經係第二,

跟住阿哥,不過遲佢好多 ^.^我都未試過快過佢!

去到差唔多工業村,就轉頭啦,事關佢地唔掂!

返到去,食左陣野,佢地話去水霸,咁咪同佢地玩下囉,

佢地咁遠黎,無理由唔同佢去既,休息左陣,就去一轉,

我去完一轉水霸,轉頭返去,點知佢地先係一半到,

唔通我真係好快?哈哈!嘍住又等佢地啦,成個鍾都

未返黎,唔知佢地做咩呢?咪打個電話被佢地囉,

佢地話去到一半.下!唔係咁慢呀,又無奈地等,

等多陣,終於到啦,勁開心!跟住去左還車,

原本諗住走,但話搵到爐,咁咪去BBQ囉,

d野超好味,哈哈!食左好多野,好驚好肥!

玩到十點幾就走,我d親戚去到文娛中心,

搭307返屋企!今日就咁完啦,好開心,都幾難忘!

今日原本同阿姨行街街,但又覺得好累,

所以無行到,返左屋企做功課!超難做,

做左幾樣就無做啦!跟住玩NDS,

玩到6點,去左大埔墟食野,好味!

跟住行下街,買左杯雪糕,好味道!

買左隻公仔,黑白豬黎嫁,好開心呀!

都幾大隻,不過真係好鍾意,哈哈!

  今日成11點先起身,但都覺得好眼訓,但無辨法啦,唔起身又被人鬧!

食完早餐之後,就同屋企人行左陣,點知阿哥同阿姨去買野,真係衰!

唔同我一齊去!但個時我又唔夠時間,事關約左淇同莊,唔可以遲到的!

 去到新達個時.發覺自己早左好多,佢地兩個都未到,咁咪去行下新達先,

行左陣,淇就到左啦,無耐莊都到左,就一齊去莊屋企!

去到個時,玩左陣NDS,跟住就被左淇玩,我見佢玩得咁開心,就唔玩啦,

被佢玩,成全佢,費是佢唔開心啦!跟住玩電腦,發覺無乜人on,就唔玩啦!

同莊玩電話,原來佢有黑白豬的電話主題,我當然即刻要啦,好似傻左咁,

thx你呀,莊!玩下玩下,原來5點幾啦,就走啦!

返到屋企都成6點,阿媽買左pizza返黎,好味,好似傻左咁,唔知係咪好肚餓呢?

       今日好開心呀!