| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2011 年 6 月 1 日 星期三  |
開始放假=另一種工作既開始?  |
分類: 未分類 |
揀左做文學批評黎做我的hon pro, 依家仲有個重量級李生做我既導師,講真,我未必handle到,所以依家唯有快d進入狀態,睇定d,先好聯絡佢傾題目,仲有,考first aid 日子越來越近,唉~仲有pth,同ielts~ 我豐富的考試人生呀~
|
| 2011 年 5 月 31 日 星期二 |
原來漫畫都可以帶來深刻的反思!!  |
分類: 未分類 |
睇完小林x既校園迷糊大王既漫畫後,發現依部漫畫除了會引人發笑之外,亦做得有深度,漫畫中錯綜複雜的感情關係只係表面的噱頭,而關係中背後各人對友情,愛情的付出先係作者想要表達出來的東西,相信不少讀者都會理解到,而漫畫中最引不起注意既人物,亦是女主角擺明一開始暗戀既個位木獨漢烏丸,在漫畫既出現率是極少的,反而集中出現頻繁既係男配角播磨同天滿,仲有其他人既活動,作者咁做的目的在最終章度畫出來。
最令我感到深刻震撼係烏丸在病床上面對自己記憶和所有思考能力即將失去之際表達自己非常喜歡天滿的感情但天滿根本不在，他在床上痛哭的畫面，這個畫面充分表達出點解佢一直以來收埋自己，是因為知道自己根本沒有將來，所以唯有不積極參加班上活動，不跟同學建立友誼，甚至冷淡對待天滿熱情的舉動同拒絕天滿既表白。
就是這點，令烏丸這個木獨漢由之前的二打六都稱不上突破變成了成個漫畫的中心，而之後天滿竟決定留在美國立志做醫生幫助烏丸治病，這個構思可以解釋到女主角對戀愛的從一而終，但我相信天滿應該不可能做到，從之前既內容可見佢既能力實在係太低，而作者都沒有交代到佢最終做唔做得成醫生，我想連作者都未必相信天滿吧。
至於依部漫畫令一個賣點，是男配角播磨，佢出場次數應該是最多的，佢暗戀天滿亦是一開始擺到明，但佢既戀愛歷程亦是最悲哀的，因為擺到明天滿不會喜歡佢，所以佢做的所有東西其實都是自欺欺人，希望天滿可以留意佢一下，就一下咁多都可以令佢開心整日，依種男孩子最至情至聖，實在太難得了，如果天滿冇喜歡烏丸，可能拳兒都仲有機會，可惜，一開始就冇了(作者已經設定好)，不過佢同妹妹，大小姐的感情瓜葛真好好睇，好曖昧不清呢~ 而佢傻傻地的行為竟然入得到大小姐的眼，最後仲訂埋婚!可能係作者想對佢做出一些補償，不過三角戀仲有人嬴，有人輸，最後有一幕講佢同大小姐抱住嬰兒探烏丸，咁應該係作者要佢地兩個一齊，可憐八雲最後都係冇人要，而勁鍾意八雲既花卉就唔知去左邊~~ 作者埋尾有d懶喔，希望作者之後補番各人的去向喇~~
睇依個漫畫時心情一直都好暢快，好羨慕2年c班既凝聚力同有趣既同學關係，仲有多姿多彩既校園生活，或者依d就是作者理想中校園迷糊生活吧!
 
|
| 2011 年 5 月 30 日 星期一 |
| 好想發脾氣. 但發不出來 |
分類: 未分類 |
想download 歌,,,,down 唔到......
想睇既漫畫....睇唔到......
想要既導師,,,,得唔到......
想要既東西.....今日統統得唔到......
而我要完成既事.....永遠都有.......
我應該發脾氣嗎?
但.....有用咩!
所以...一直以來....我都係自己去調整自己心情去應付所有事情,希望好過....又或者係投入自己既小說世界,人在現實,但自己既思緒停留在虛無既文字世界,好矛盾呢~ 但我就是這樣,去識個男仔? 算啦~我依家冇興趣....而且自己都搞唔掂自己,冇謂害其他人.
但一直以來,都咁樣做人,有時都覺得自己幾精神分裂,一方面要面對世界,一方面想離開現實,
不過近來發現一件事之後,我開始唔再沈迷在所謂文字世界,依件事實在係非常荒謬(無謂再講),令我不得不醒覺,我,係時候要醒了.
我開始排斥再睇這種無益小說,因為,小說是荒謬的,而更荒謬的是,知道事實既我之前一直自我荒謬下去,所以,我不可以再荒謬了。
不過,人總是犯賤的,說不定,我這一秒說是,下一秒說不.
好多東西,都係不要講到實牙實齒的好.....
又一篇無病呻吟之文,,,,,唉 |
| 泡泡染~~ |
分類: 未分類 |
之前一直都好想染髮,因為d頭髮有好明顯既兩折色,上面黑,下面棕啡色,真難睇極了,依家又做哂d功課,考埋試,離考pth,同aid 既試仲有排,今日正好有機會再一次流泡染,今次染同上次唔同,再深色一d,係栗子啡,因為怕之後d色同頭髮既色相差太大,染完之後,都算滿意,尤其係頭頂既位置好明顯~~
有少少肚痛,唉~ 我經常食野唔節制,而且口癢就咩都唔理,食左飲左再算,搞到依家肚痛... (自己攞黎....)
心情有d想hea,但又唔得...... (好掙扎呀~) 要溫pth 呀~仲有aid呀~~
|
|
