来了苏州已经大半个月了,我也适应下来,上课下课,之后可能去其他地方玩,或可能回宿舍做东西,日子过得去,我在这里花了一千多人民币,买的东西也很多,我之前在网络上订了几本书,我早上迟起床,那送书的人到,服务台的人打电话通知我去拿,我说我刚起,十分钟会到,我下来的时候,那个送书的人,他已经很不耐烦,我立刻说对不起,我才刚醒,他脸色黑黑的,割开胶袋,我自己拿书,看有没有问题,之后我付钱,他立即离开了,他的服务态度很差,虽然我来晚,
話咁快，又大一歲了，今年既生日真特別，第一次在香港以外既地方渡過，蘇州，而且是第一次同學們為我慶生(我指是大學同班同學) ，之前亦有試過其他人為我慶生，然而今次既感覺是比之前深的，因為生日，同學再一次團結，一致的，心底裏當時就有依種感覺，感覺到大家無芥蒂。 如果多幾個同學生日的話，會唔會又更好呢~~ 今日有些同學腸胃炎和發燒，要去醫院，其實不少同學跟我一樣都有些水土不服，肚痾，不過冇嚴重到去醫院的地步，在中國，我想真是需要小心飲食呢~~~
講番他們為我慶生，本身夜晚去左唱k ，之後回到宿舍各自回房，我以為佢地請我唱k 就算了，我回到房已經熱到除了件t-shirt，只剩內衣和件綿底衫，一邊等同房沖完涼，一邊執下衫打算沖涼，個時突然聽到一連串腳步聲，仲以為是另一個同房走出去搵同學，冇幾耐就有人敲房門，我以為是同房問我野，我好快就打開房門，點知一打開，成班同學企哂門口，中間個同學捧住個生日蛋糕，我俾唔到反應，佢地大聲講生日快樂之後，問我有咩感覺，我立即既反應是關門，因為我只著左件白色打底背心，所以我關上門後叫佢地等等，而我就即刻穿返件t-shirt ，收好d放係床上既內衣褲，然後先再開門，跟住就許願，我當時真是咩都想唔到，於是好快咁想當時心里既願望就吹熄了蠟燭，切左蛋糕後，影大合照，真好開心呀~~ 其實我較鐘意成班一齊開開心心咁，眾樂樂既滿足感，又影左d 搞野相，戴左一個買蛋糕送既紙製的生日帽，佢地要我戴住影相，不過個帽真是幾......不過大陸既野係咁啦~~ 今左份蛋糕，是一個用朱古力碎淋面，中間有三層海綿蛋糕，用藍莓醬做夾心，幾好食呢~~ 不過好滯。
今日是文化考察，應該不錯吧~~~
依家開始習慣在蘇州的生活，三餐定時，而且冇一日是遲過九時起身，通常都七點多就起身，或者是對張床陌生，我到依家都唔會懶床，與在香港訓到很遲的生活完全不同。
經過了今日再三考慮，我決定不買單車，一來有同學跟我一樣情況：爸媽強烈反對，二來自己實在不可能單身拿傘一邊踩單車上學；三來有免費巴搭，雖然班車是不太準時而且仲要早上面對會遲到的可能，以及要迫巴士=.='''
早上跟同學一起迫巴士，已經早到左，但是巴士很不準時，等左很耐先來到，不過搭過去都只需要六至七分鐘左右，好在沒有遲到。而老師今日講講課程，俾我們看看歷屆香港學生係蘇州學習的相片，其中蘇州大學的舊址我非常想去，很有西方的味道，我有機會一定會去一去！
之後，老師是著名的昆曲老師，原來我們班要九月底參加蘇州一個盛會，虎丘曲會，要我們上台唱昆曲呢~ 他已經準備好教材和錄音，我們唱杜甫的贈花卿，只有四句，但好好聽，我們聽完示範後，再由老師帶唱，依依哦哦~~ 非常吃力，因為要拉長音來唱，而且很多時是不會停，唱到冇氣的情況一開始是幾頻密的，我不太識睇五線譜，不過跟住老師唱時，自己的心情就好興奮，覺得自己真正來到了蘇州，是文化的感受，文化的體會，我算是很落力投入地唱，邊唱就邊覺得好開心，雖然幾累，不過值得。
由於昨晚我決定 sit 魯迅研究的堂，所以我即使一點多先訓，但仍堅持早上七點幾起身。收拾好隨身物品之後，下去公寓旁的餐廳食早餐，我當時都心中仲以為會有同學跟我一樣起身食 早餐，但結果一個都沒有，應該是由於早上的課不是必修即必須要上堂，所以同學寧願不食早餐繼續訓，唉~ 冇計。
於是我自己一個食完早餐後行去搭穿梭巴士，已經有不少人在等，不過是不排隊的 等，8點半左右到，但等左4個字左右都未有，問旁邊的女仔，佢講平時依段時間都是5分鐘一架，唔知點解會咁遲都未到。終於等到巴士，但仍要面對如何擠入巴 士，d人一窩蜂咁擠上去，我實在不敢擠入去，企左係旁邊，好在後面跟住一架較為冇太多人的巴士，我唔使迫之下，終於上到巴士。 我唔太敢想像到聽 日又要迫巴士的場面=.=
去到課室已經遲到，跟住揀位坐，跟旁邊的學生打下交道，佢地一見我咁生面口，問我 從那裡來，當然我直接講從香港來的交流生，之後聽魯迅研究的堂，總結是完全不行！講野太空泛而且不著邊際，吹水居多。 之後再sit 叫明清小說選讀，ok唔錯，而且我有些同學都黎到一齊sit ，個老師風格好中國式，有自己觀點，好認真。我要再睇埋其他選科之後再決定讀邊樣。
下午是普通話能力訓練，可能是訓得唔夠加上食午餐好飽，聽老師講一些課程資料時我 已經在釣緊魚，之後重頭戲就是bubble 出場，即是蘇大安排了大四的文學院學生幫我們練普通話，一對一的，我跟一個叫何艷的女仔，佢家鄉是楊州，我問左好多有關蘇大的問題，當然都有指導我的普通 話啦，一共要讀五篇，係國家水平測試的作品，佢地個個都是二甲，超厲害呢~ 我讀完一篇佢指出我有邊個字讀得唔好或糾正錯的發音，讀哂同指導完我之後我都幾累同肚餓，好耐未試過講普通話講得咁累喇！
由於有個同學的partner (幫我們練普通話的蘇大學生) 有個朋友係中國移動店員，我們可以唔使拿票等搞電話卡，可以講是走後門，我們上左去二樓度，個店員親自一次過幫我們辦理，可以睇到係中國，人際關係真是非常重要呢~
可能是我們識到個職員的關係吧，本身要等兩日先可以打番俾香港，依家只是等大約兩個小時左右就可以打電話長途啦~~ 跟住我當然立即打電話俾爸媽啦~
下面是我住間房和我覺得得意搞笑既野，留心睇相啦
之前忘記了寫我住的地方，是蘇州獨墅湖高等教育區。英文叫MBA 酒店公寓，聽名字可能會覺得非常厲害，我認為這地方是俾一些讀碩士或者教師又或者交流生住既地方，總之是一個比蘇大一般大學生住的環境好十倍的地方。
今日出去搭巴士去市區，用左兩蚊人民幣同半個鐘左右，到左一個叫歐尚的大型百貨公司，真是非常大，由入口望，完全看不到盡頭，應該是香港的大型超市的兩至三倍，雖然有很多東西，不過我的購買慾不大，個度的物品很齊全但普通，價格大多十分平，同學們大多都買左超過一百蚊，不過我買左三樣東西：18包紙巾、專手洗內衣褲的皂、一排有幾種顏色閃令令的賀卡筆，一共17.8人民幣。
我非常粗略地計算依幾日所用的金錢，應該用不過一百蚊，自己帶左算充足的東西，來到蘇州主要買一些又平又有逼切需要的用品，什麼得意東西都是睇下，很多時睇到同學瘋狂買野的時候，自己都可以無動於衷，當然唔係因為自己冇錢，而是我覺得冇太大實際需要，而且要用的東西都相當充夠，冇咩原因迫到自己去買，今日本身想買一個算令的環保袋大約廿蚊，見同學有兩個會買，自己最初都好心動想買，但考慮後又唔想買了，覺得自己都是冇需要，所以見到佢地買毛巾等好多野時自己都冇咩感覺。
之後食左個藍梅類似甜甜圈的小食，普通唔太特別好吃，不過要成5蚊，幾貴。搭的士走用左8蚊左右(AA制一齊搭) 聽日要早上SIT 堂，寫住咁多。
