依幾日,阿奀都不在狀態,收埋自己,問佢有沒希事,但佢面無表情地說冇事....

害我同阿媽擔心佢係咪工作既原因令佢心情低落,究竟她發生什麼事,

搞到自己咁down..... 佢唔講,就真冇人可以幫到佢呀~~

依次都唔係佢第一次出現咁既情況了.我記得對上一次好似係中學既時候呢~

我想....我需唔需要出我既最終武器?? 寫信!?

近排多左一個鍾意食欖菜鍾意到好似行運超人鍾意食喬頭一樣既姐姐~~~(太瘋癲)

另外,近排亦少左一個唔怕我煩只怕我冇野煩但已經唔想我煩既姐姐~~~(太無奈)

知否世事常變~~ 變幻才是永恆~~~

重感冒的感覺仍在，昏昏欲睡，理智卻告訴我：請不要忘記你的作業!

是的! 我是一個失去自由的俘虜。

國慶的第一日

好完一些好鎖碎的事如買水啦拿錢準備出外旅行等等,食完飯後,就開始了自已隨便行的日程了....

平江路是一條出名的古街,好像由宋代開始已經出現，今日去到,古味濃郁，整條街加上旁邊的古河，仲有一間間蘇州特色的民房同茶座，非常地道，整條街係一條直線咁去，沿途都比較靜，人流唔多，散散落落，行的期間見到不少賣有特色的鋪頭，我自己又忍唔住買左個有民族特色的小袋，好可愛的呢~~ 之後再一直行，心情相當悠閒，冇人迫你去邊，自己想行邊就行邊，感覺相當不錯，行到一間茶座時，見到入面有人彈中國琴，我想入去坐坐歎茶時，恰巧見到昨日的研究生(是女的)，因為要做文化專題，蘇大安排的研究生跟組的，原來佢係間茶室打工，同佢傾左一陣之後，見冇人招呼我，我就走出去繼續行。 影下街，影下人，影下自己(玻璃反射)，之後差不多時間就迫巴士返宿舍了~~~ 搭巴士真係好平，去個程兩大元，返個程一元，共三元，每程搭左超過半個鐘，抵！

十一悠長假期終於來了~~

我已經計劃好八日到底要點過了~ 首兩日stay 係蘇州, 主要係一個人暢遊未去既好地方，例如平江路,一條好寧靜既街(不過十一假期好難會keep 到寧靜，不過都係試試去下)

蘇州重要must go既地方我都差不多到過了，好似係觀前街、十全街、幾個出名既園林，嗯,, 依度既人大多好nice，蘇州，我已經習慣左住係依度呢~ 唔太miss 香港，當然，媽媽爸爸大家姐我都miss ，不過我依家要學會獨立嘛><

之後第三日開始------travel starts!

我和cindy ( 同班同學) 去三個地方， 第一站係常州，由蘇州搭高鐵去，之後第二站到南京，第三站到楊州，最後返蘇州。 一共用五日左右。

 我同cindy plan 既野就多囉~~~ 主要係上網搵下地方有咩值得去既地方，出名既食物，訂酒店先麻煩，我們用大陸一個叫攜程網去訂酒店，訂左房之後，竟然無故被取消！之後我們再花時間訂，因為大陸既酒店有分內賓訂同普通訂房，我係香港人，不是內賓，所以有好多又平又位置好既酒店唔可以訂，內賓係指大陸人，搵酒店個時我們都好激氣，無計，大陸既酒店就係咁，如果你訂左內賓既，都係唔俾check in既，酒店會要求出示身分證，我們既回鄉證是唔承認的~~  我們一共book 左 常州一晚，南京兩日，楊州兩日，如無意外既話，應該每人付三百幾，加上火車票既錢，交通住房就一共用左四百幾~~ ，我想我整個行程的預算大約是一千五百左右。扣除交通住房，我應該可以用到一千左右。 係大陸用錢，可以講好快，我已經係atm 按左1500元了，而本身帶既人民幣已經用完了，港紙我唔會用，keep住，其實我好大洗，先會用左咁多錢-.-  ，過埋十一假期我會慳d洗錢喇~~