我同你地講丫 有種感覺唔知你地試過未呢 我講比你地聽丫 以下落來呢個係我真人真事
小學果陣我同一個女仔玩得好熟 玩得好埋 其實我地果陣已經識左幾年架啦 直到4年班ge時候 果陣我同佢可以話已經知道大家中意大家架啦 但係你地都知架啦 小學生 對於呢d野好怕羞架嘛 都無正式拍過拖 只係知道對方都是喜歡著 直到有一次...
你地都知架啦 小學生的女仔好中意分派咁架嘛 然而 有一次 有2班女仔吵架了 其中一個係我中意ge果個女仔 佢地果次吵得好厲害 我唔怕同你地講 我細個好有女仔緣丫 點知果2班女仔為左...掙我(真架!!絕無吹水成份!!) 而且我通常無意見架嘛 我多數都是中立 而且佢地都吵過好多次 次次都唔夠幾日就好番架啦嘛..點知今次..果班女仔為左掙我 結果..就搵左另一個人 扮我把聲 錄左果個人把聲..紀錄左一d 應該係話咩分手丫 總之係一d好hurtge野 比我中意果個女仔聽..我其實一直唔知咩事架..我只係知道無啦啦果個女仔唔理過我 我感到十分奇怪
有一次我去佢屋企附近買飯 真係比我撞到佢喎 跟住我咪問清楚囉 之後佢話佢嬲死我丫咁 我果陣仲未知係咩事 佢就一氣之下就跑走左啦...我想追都追唔到 之後我之次返學撞到佢..佢依家對我很冷漠的走開左 唔理我....唔理我 果陣ge感覺真係..好難受架..而果班女好快就和好了 然而 果班女仔依然無講到真相比果個女仔知..
直到6年班果陣 佢咁岩同我岩一班 其實果陣我係5年班我都已經諗清楚唔再諗佢架啦 但係 直到我同佢同一班之後...發覺原來自己係仲未放低...雖然可能只係幾個月 甚至可能係幾個星期... 我一見到佢就會諗返起我同佢開心ge果d日子 雖然未正式開始拍拖..但係真係好開心架 諗完d開心野...自然d傷心ge野就出來了
我果陣傷心左1年幾 一直都諗唔明 點解佢唔理我 嬲我 而且果陣我2哥有病 我雙親都經常到醫院去睇佢 好多晚都掉下我一個人在一間房到訓 果陣我差d自閉丫
直至去到6年班 佢終於理返我 但係我知道 我已經無法再好似以前咁架啦 之後咪聊返佢 同佢做番朋友咁囉 後我來問返起佢果陣點解會咁..佢一五一十的告訴我了.....我果陣真係...恨死果班八婆....吵架之嘛咩關我地2個 事喎 之後我同佢解釋哂任何野...但係始終...佢對我講左一句野:我對你已經死心了 我記得我之後果幾日臨訓前 都諗番起佢對我講ge果句野
後來 到左我地差唔多畢業果陣...坐係我旁邊ge果個男仔同我講 話佢想溝我之後中意ge果個女仔佢仲叫我幫佢喎(佢係唔知我之前中意佢ge) 我果陣個心真係...有種莫名其妙的心痛 點解 佢偏偏個個都唔問 係都要問我...我一開始都無理到佢 但我傻左起來 諗到 佢可能比到幸福佢ge呢? 或者可能補償返我之前ge愚笨and無知呢...
卒之我就一直教佢點溝佢 教足成個學期 直至到左我地ge畢業旅行 去左潘禺ge動物園 坐車去ge過程中都無咩野ge..都有講有笑咁 之後自由活動ge時候 有時都會見到果個男仔同我之前中意ge果個女仔行得好埋 但係果個女仔..沒什麼感覺 只係一直同佢d朋友玩 直至行程結束了 在坐車果陣 果個男仔向果個女仔表白 而且仲送左隻白老虎比佢...佢果陣都好無聊 表面只表現出一種驚..喜ge感覺吧 果陣我睇到真係..好吃驚...我最吃驚ge就係....果個女仔唔係開心 而係咩都無做 ..只係望住左我..我果陣知道 我知道佢仲係未放低我ge 我感覺到ge..但係我諗到...我負左佢一次..我唔想再令到佢再傷心多一次
結果我用一個好冷淡的眼神回避左佢眼神...之後佢喊左....我亦都知道佢唔係開心ge果隻喊...之後佢又唔想比其他人知佢係傷心ge喊...之後就摟住左隻公仔 係個坐位到扮開心的喊...我果陣都有喊...我喊足半個鍾 即係4分之1的車程... 我仲好清楚咁記得 我果陣咩都無諗 只係一直咁喊 一直咁喊...
直到到落左車囉...我先發覺 果個女仔依家還在喊 大家都覺得好奇怪 然而 同佢表白ge果個男仔 一直係佢身邊安慰緊佢 唔知點解...我當時個心好痛 好痛丫..究竟係咩感覺......或者係第一次..先至會有呢種咁奇怪ge感覺吧 點解..感覺好像 自己的幸福給人家搶去似的 很痛 很痛 但我亦做唔到任何野....我見到佢落淚果個樣....我都不禁喊左出來 之後就唔想再諗囉 跑左番屋企 我去到初一果陣我先至暫時忘記了呢件事
直到初二 我目睹哂e凡同丫杰杰ge事.....我不禁想回起自己以事ge事.....初二果陣都無咩野架 直到初三 我發覺 原來e凡同杰杰已經..離離合合左好多次...我的心事就更加強烈的發出來了....當時我好嬲好嬲 點解佢地會唔識去珍惜呢段的感情 我亦都盡左我最大的努力去幫他們...但我發覺 感覺上係無用ge....所以我現在唔去再理佢地囉......
前幾日 子明同杰杰都話我成日唔開心...有d朋友仔都話我唔開心丫咁丫...其實我諗係我呢件心事ge關係吧... 我打呢篇blog ge時候 我都想起左一d果陣時ge畫面..然而 我哭了 哭了..也許哭出來會舒服一點吧
|
