"""""大家請願諒我呢幾日唔能夠去更新個blog 因為我真係唔得閒上qooza -..-" 請多包涵""""""

如果有睇完我上一篇blog既人 唔多唔少應該都可以鉤返起1年前美好的回憶 而然我呢 最深刻都係果度每一樣野比我既第一印象 其他野都已經唔係記得好清楚囉~~~然而對我來說 回憶 畢竟用來偶爾回想就好了

我記得個飯堂 仲有果度d飯菜係餐餐都唔同既 而且我覺得好好食 可能係平時食慣阿媽煮既果d呱 總覺得新口味 新感覺 ; 仲有果張 佢係一張木板+一張唔係幾厚既床舖 唔知點解 每晚都係沖完涼返來之後 訓係上面係覺得最舒服既 即使d衫未洗丫 咩都好 總之無論如何每一次沖完涼都要係佢上面囧一囧先 ; 仲有果度果個小賣部 我都幾深刻 因為d野 話貴唔貴 話平既都....一般般囉 我帶左50$過去 係一個唔係幾浪費的情況之下 我去到星期四就花光了 每日我都淨係買一支5$既野飲 同埋買少少野食咁 所以果度消費我都覺得幾ok~~不過最重要既係 果度無毛巾同拖鞋買 我覺得係最為可惜的.........

你地仲記得個夜行軍嘛? 我相信我咁樣一提起 大家都不其然回想到d野既 ..................係一個月黑風高既晚上 (拿 我唔係吹水架 果晚真係有月亮 而且果度一到既夜就開始凍同吹風架啦 我諗大家都清楚既-.-" ) 我地被一班教官趕左落操場 果陣大家有d係沖左涼 有d係未沖既 呢個可以唔駛理...... 果一晚令各位男士最為興奮既就係 男女居然係混合一對一咁既型式倆人一齊行既 ..(題外話: 唔知果晚大家搵唔搵到自己的心儀對象呢? 我丫? 嘻嘻 ^.^ " ) 係出發前既10分鐘 我到左依家都仲記得 總之就係一個令到我唔係幾開心既回憶 但我最後都係同左阿潘潘(即係我地班上既一位女同學 : Waiki潘) 做左一對的型式出發 一開始我同潘潘都懷住一種興奮又驚驚地既心情行既 點知愈行就愈驚( 在此說明 果陣係仲未上到座山既) 因為旁邊既燈開始愈來愈少 愈來愈暗..........直到我地行到要上山必經果條路仔既時候 (果陣仲係人逼人的狀態)  潘潘頭上............既果頂帽突然鉤左係旁邊既樹叢到 然後我幫佢手忙腳亂咁囉返 因為條路又細又斜又窄 而因為我地囉帽呢個舉動 所以就阻住左我地後面既人.........................最後我地都係沖返上去條隊到..........有驚無險( 但好戲在後頭)

大既行左幾分鐘之後 我地先發覺 係我地前面既大既5對人 都係識既 我無記錯應該係naka 娘子 泰泰 政政 ...大既係呢幾個啦  我地再行左一段路 我地發覺 我地前面同後面既隊走散左( 即係 前面行得太快 後面行得太慢) 我地果陣咁岩就係遇正係個分叉路口到 有倆條路 我地唔知點好 係呢個時候 阿泰泰冒住收手提的危險 都要囉出來幫我地照明 當然 一部咁既野係無用既 ......在短時間內 我地的內心已經快速地被恐懼的感覺包圍住 係呢個時候 我忍唔住囉 我大叫了 我大聲叫出需要幫忙的說話  我叫完之後係完全咩反應都無......過左應該係一陣 後面有個教官跑左過來 將我地帶回正確的路線........佢好細聲咁同我講 要跑上去 我地跑左只係倆步路 就見到一班正在以正常步速行走係前面既果一隊人 我地同前面果隊集合了的時候 後面果隊都終於趕上我們了 但佢地都係慢慢行...最奇怪既係 我地之前一直都感覺唔到前面果隊人離我地好近...更加唔覺得後面d人係一直行緊上來...係好靜 好靜  

大既開始上到山頂的時候 其實我都唔肯定果度係唔係山頂 但應該係 我居然聽到前面有燒炮仗的聲音( 當然我在成條隊的....應該係正中間) 我証實左當時係無聽錯既 因為係我旁邊既人都聽到 都覺得奇怪 至於點解要燒炮仗呢...大家都不知道

之後既時間 都很平靜 我除了要跟住前面的隊 同睇實潘潘之外 都沒留意什麼 仲有 都唔知點解條隊成日都停下行下咁 ...一直都很平靜 很平靜 .........雖說我地行左好似唔係好耐咁 但係我地當時聽講已經行左接近3個小時 而且仲係話已經縮短了路程 本來係要行接近5小時既.....

返到去宿舍之後 好多人都議論紛紛 大家都發表對於剛才一切不明白的事情 並加以剖釋 得出一個結論 : 超靈異~~~(更詳細的內容不便在此透露 )

呢個係我軍訓既經歷 整體來說都很不錯 我起碼真真正正的體驗到行山的感覺