6月24號 呢一日係一日有一歡喜有人愁既日子 因為呢一日係派成績表 唉 好唔掂當丫 我要補考倆科 ...c君派成績表比我果陣 佢仲話 科代數係放我既...剛好60分 而有倆科一向都好低分既化學同幾何 今次卷面分居然都係4字頭.....拉埋都係5字頭 今次真係 唔補考都唔得囉 而且仲係我咁大個仔第一次要補考 一來就要來倆科 我都唔敢同屋企人講 ........驚丫嘛

點知就係果一日 我地至高無上的陳副校長 透過學校的廣播 宣佈我地初三個畢業聚餐同謝師果一餐都取消唔食 但係佢就話考慮緊夏令班開唔開辦 我就話多餘既 果倆餐野都取消唔食 夏令班仲開????!!!!

就係琴日夜既 我老豆同我講話 學校seen左封sms比佢 話唔知咩咩咩取消咁 然後我就諗應該係夏令班取消挂 拿 各位 呢件事我仲未證實到係真架 因為我老豆話佢睇完封野之後就刪左........呢一件都係切身關係到自己既事 希望大家都幫幫手去證實一下~~~

直至前幾日我自知 原來澳門已經有第一宗豬流感了耶...唔怪得學校咁緊張要取消呢樣 取消果樣啦 -,,-" 不過咁又無計既 日日都聽到香港果邊既新閒話死幾多人丫咁.......聽落就真係好恐怖丫 不過點都好 我相信死都無咁快輪到我既 呵呵~~

係囉左成績表之後 (呀 唔係 我囉唔到 要比返c君.....) 既呢幾日 我同左班麻甩老一齊去打左倆次波 第一次因為我去得太盡 係打完波既果一晚 我成身都散哂......訓醒左之後既第二朝 情況仲惡化左 成身都好孫痛 足足痛左倆日 而琴日就係岩岩好返唔痛啦 而班友咁岩又話去打波 咁我就應成左一齊去打啦

點知落雨喎 不過我們少理 繼續打波 成個場都係我地既 不知幾爽 ~~~今次我都唔敢去咁盡...慢慢玩 同佢地搶下波仔丫 推撞下咁...泰泰就陰公d 仆親隻手.....應該係幾痛下 因為爆哂血出來-皿-""" 打到一半丫泰條女 同佢條女既一個fd 走左過來客串 睇我地打左一陣就走左囉 佢地倆個睇真係真係唔錯+_+"~~~不過就有少少懢忦 因為我地果陣個個都赤裸左上半身.......

唉 睇來今個暑假同以前既一樣囉 一樣又係係屋企無無聊聊咁過囉~~~ 對於本人來講 放暑假無話要過得有無義意既 最緊要自己覺得開心咪得囉 我就係中意係屋企囧丫 呵呵~~