哇+_+ 今日真係 "吃不消" 丫...因為今日連續要測2科科目丫...唉 我都個個對於停課既睇法其實都有共同既一個地方 就係當今次既停課係放假..... 學校分配落來既功課我地個個都唔做...好似之前果個暑期作業咁.......卒之到左返學啦..個個都趕頭趕命咁去做 咁得幾多就做 ...唉  我都係其中一個架 但係我又未至於咩都唔做既..

唉 今日超無奈囉 個數學小測明明就係識既....就係自己d死人老毛病 慣左做完份卷都會覆既.... 所以呢 搞到自己得果60分..仲要係阿sir比夠既 你地話我無奈不無奈丫 係測之前果一晚我仲出左去教人... 我教果個呢都係同我同卷 佢有96分丫頂..... 我測之前仲拍哂心口咁講話一定囉到高分....點知都係自己既毛病累事 不過我都唔夠錫仔咁無奈... 測之前我睇佢既樣都都驚驚地...測完之後我睇佢都無咩... 點知今日派左卷之後 佢一見到個分數就o哂嘴咁話....咩話!!! 48分!!!! ...........無話佢丫連我都鄧佢唔底 不過又係既..佢總共先返得果4日學...陰公就係啦..

唉 返左都有2-3個星期既高一課程 比我既感覺就係又多又密又難+_+ (今次係三多..) 而且仲停埋課.....唉 我諗真係除左溫書之外我諗都無咩時間去理其他野... 而且經過左星期四果日同我家姐吹完水之後.. 我諗我真係疊堆心水去學業就算了..... 唔諗其他野了.. 阿邊個講得岩丫 無錢就咪學人溝女啦 雖然佢果陣唔係講緊我 但係 唉~~~ 我諗我都係升到班先再講啦...上一年又好似係咁講丫. 呵呵