終於都大測完了....高一果然同初三有大不同... 以前初三果陣仲可以放慢一點 現在呢 放慢一點都死丫 ...至於成績呢 都總算係過得去呱.....都無唔合格 不過嚴格d來講都係岩岩好合格
唉 係前幾日我比我母親點醒左 起因係咁既 有一日夜晚 我細家姐叫我比我測左既果幾科大測比佢睇 結果佢就拍哂桌咁話唔滿意....跟住我就同自己講 我係咁架啦 我之前一直都係咁樣來安慰自己 但係都發覺唔到個問題既存在性 但係今次呢句野係我母親同我家姐講 而我又係旁邊聽到 但係今次又唔知點解 呢句野會係我腦海中回盪起來 ......佢不嬲都係岩岩好囉到合格就算架啦 所以佢肯定唔會高分..
呢句說話就係我腦海中一直回盪 我仲記得果一晚 我臨訓前囉返呢個問題出來考慮左一番 之後我就同自己打左個約定 我就同自己講 明明自己可以囉高分既 但係點解要囉岩岩好呢? 我果陣都唔明自己諗咩 根住我又諗返 點解我會同自己講我囉岩岩好就ok呢? 我諗應該都係初三果陣呱......初三對於我來講應該係相對辛苦既一年(當然同依家既高一梗係無得比) 可能我自己係唔想自己咁辛苦呱.@_@
我考慮完呢d問題之後就立即更正返我過去那種腐敗既諗法 比心機測好未來果幾科............................點知 到左依家啦...全部都考哂了成績都還是不能夠提升起來.....可能耐左習慣左 我諗我未來高中既3年都要改返好佢...如果唔係上到大學相信會異常既辛苦
人地話 全家既期望應該集中係家中最大既仔/女身上架咩 希望佢可能高中狀元 但係我呢 由細到大我d家姐阿哥阿媽阿爸都同我講 讀好書丫 將來要考間好既大學搵返分好工丫..我記得我第一次聽句野既時候應該都係小四 至到依家 唔係丫就係頭先佢地先同我講完來...由細到大 我都對於呢句野都不以為已 但係我發覺得我係一直都在意緊句野既 人愈大就覺得 呢句野慢慢的壓在我的肩膀上 唔多唔少都有d既...
我依家讀書愈來愈差勁了 我都唔知將來既我會點 我只可以 do my best 而已.上一年仲諗一d 咩要拍到拖既傻話....我諗我還是摺埋好d囉 我自己知自己事既~
大測就完左了~未來要面對既就係不久既考試,..............岩岩大測完就講考試 好似有d殘忍 不過我依家除左諗呢d野同打機之外我真係無咩心機去諗其他了....加油了大家
|
