今日係星期六(.....不過係人都知啦) 星期六應該好多野做丫 應該會去搵好多好多既朋友來陪自己架嘛 雖然我過去既星期六同日都係打機渡日 但係依家就唔知點解會咁在意 諗諗下 我在意既應該都係自己一個人過呱......

我都係第一次自己一個打機會覺得寂寞 ....好似好多愁哦呵. 我都唔知我自己幾時會變成咁............仲有我依家先發覺 我自己有好多野都唔知點解 點解會變成咁 點解我會有咁既反應 但係都係果一句..我都唔知自己係咩

總之就好迷網丫 我感到迷網既唔係因為我升到上高一 就來要讀大學 我感到迷網既係 點解身邊仲有幾個朋友都仲可以唔緊張......或者係我自己太緊張呢? 我d阿哥家姐話讀書最開心既係初中既3年 點解我又唔覺得呢? 我反而覺得既係小6係最開心............也許到呢一刻我都明白了

或者佢地以前既初中就好似我小6果陣咁 可以咩都唔駛理 中意做自己既野就可以做 ...但係反過來 我既初中我卻感到 有好多好多說不出既....應該係心結呱 我唔係無既 只係每次都會把"它們"放到一邊 慢慢愈聚愈多我都感覺唔到 所以成個人基本上都係消極既狀態

究竟我自己需要d咩? 呢個問題係幾時被我喚醒既呢?應該係係上一年美食節 我同我2位既好朋友 應該係"把酒談歡"呱 依家諗返起 覺得果陣既我又傻 但係面對真正既野就真係好開心 果一晚我記得佢地倆個問我一直以來有咩心結 有咩都可以講哂出來咁.....我果陣都好爽反咁對佢地既問題作出反應 但係..我諗唔到 果陣既我係諗唔到...只有一句說話 係呢?究竟我有心事呢?而我究竟要需要d咩呢? 本來都係度打打鬧鬧 當我諗到呢句野既時候 我突然就靜下落來 真係靜左落來 一切一切...我既心境 我旁邊果倆位靜待我說出心事既好知己..

到左依家 我真係諗到個答案了 我可能咁多年來都太多太多了........可能有另一個答案吧 但係我依家真係好迷網........

以前初三果陣 我仲記得有幾個朋友仔問我 你成日都剩係為人地好 咁你又有無諗過你自己呢? 我果陣就好爽快咁答佢 我?我.....我真係無諗過自己喎.......依家諗返起 我又知道答案了 原來我幫其他人並不是為左佢地 而係為左自己 或者果陣時既我係為左尋找幫自己 能夠清楚自己需要d咩既方法.......

人呢種生物真係有趣呢 會成長 會考慮身邊既事物 當一個人對身邊既生活或者其他野都在一個滿足既狀態下 就會開始考慮其他野既 也許是貪心吧 而我都唔例外呢