哎~咁就半個學期了~ 已經升左上高一幾個月了~時間真係過得好快 以前都唔會為意既 以前仲覺得時間過得好慢 可能人大左 可以做同想做既野多左 發覺時間唔夠用

琴日好開心丫 我同以前初三既人又坐埋一齊打邊爐啦 雖然就係少左幾個人 但係都一樣咁開心 可惜既係 嘉文無來囉-3-"無人幫我地找數>.< 不過萍姐有來 佢一黎到就問我:你懶散完未丫? 佢問完我呢個問題之後 都唔知點答佢..因為我一直都係咁懶散...

娘子依然都係咁中意玩~芳芳都係咁沉默(玩自閉) 基本上個個都好似以前咁~都係咁可愛~不過果餐野就真係食得貴囉....85$一個人+_+ 我下午都係唔應成去打邊爐了..不過都好既~出黎吹下水咁

打完邊爐之後就9條友仔 我 政政 錫仔 嘉豪 娘子 家銘 家淇 阿強 鋒鋒 9條友仔過左去三角花園果邊間網吧打通肖機 但係實際上都係我 政政同嘉豪打到天光其他人一係話有野做 一係就眼訓就返到屋企了 我地打完通肖機就各自拖著那個疲乏的身軀返屋企訓教 一訓就訓到下午3點幾...我都係第一次訓到咁晏 我亦都係第一次係網吧到過夜=..=""

不過點都好既 都總算考完個試 everything will be fine~~最煩都係以後都要每日搭車返學 而且中午又無得返屋企 要係學校到食.....都好既 希望換個新環境會有新境象了~

我諗我以後既日子都係咁過就好了~返下學 得閒又d大假咁~同阿哥一齊打下機爽下咁 中意想做咩就做咩~