終於輕一口氣啦....測左咁多科成績都還可以啦 都係果句 我一開始選擇左讀文科 係無錯既 XD 唔怪得以前聽我D阿哥家姐講 教業既文科係癈既...到依家我深深感受到了 D理科真係 日趕夜趕咁...好恐怖囉 我依家堂堂落堂都無走上去探一探佢地~ 最抵死係杰杰佢走落黎 佢第一既感受係: 點解你個班香D既? 我即刻笑左出黎...又係既 久違既女性氣味 我都理解佢會有咁既反應

係呢幾個星期 都過得無咩特別 只係每個星期都忙於收數點數....次次都係少咁D既... 今個星期都唔例外..不過呢D都係少野黎既姐 我係發覺我上進心大左 可能係學業果方面無挫折(嘻嘻) 所以讀書既自信心大左 溫書都溫得入腦到~呢句野我地個班主任BONNIE佢第一日都咁同我地講 到今日我感受到嚕~

原來我係幾中意去寫小說既~點解呢?就係因為今個星期個作文題目就要我地去作篇小說出黎~ 正當好多人唔知點作既時候 我就已經作左6張了 好多人都大為震驚 我都理解既...因為平時作文都係1張+半版 最多就2張~而今次我就作左6版 即係6張X400字...即係都有2200字+架啦~

我都唔知點解 我一直係度猛寫猛寫~ 可能之前一直都想寫架啦~不過無一個原因去比我寫~今次有了 就不自覺咁去到盎嚕 不過最衰時間太少 同埋環境唔好 又要上堂又要諗劇情...唉 都係果句~衰爛尾 雖然我篇野都唔係好得去邊~但係今次我真係有比心機去作架XD

不過係呢倆日我既生活轉變得好快 有一樣突然之間轉娛左~ 係咩就..遲D先開估啦~