上課日子餘下四日

早上收到圖書館的通知話我有本帕未還，凸佢呀，原來係佢地做錯野，ｄ書無過到機！

早讀過後是ｐｕｒｅ　堂，陳美雯問我地仲有咁多堂，測唔測驗喎，我當然強烈反對啦，測左咁多仲唔夠咩＝．＝

跟住佢又同我地吹下水咁，講到大學既朋友好虛偽，最好既朋友就係係中學既時候，對此我十分同意，只要人地真心對我，我亦會

以真心待人，係咪！？兄弟們。

英交堂做ｐｒａｃｔｉｃａｌ　ｓｋｉｌｌ。

之後是周會，條友係咁係到曬命＝．＝

中文堂就係到講下ｄ文化咁

之後係今日既重頭戲ｐｅ堂

我地先考左ｓｉｔ　ｕｐ，跟住我再去補考穿梭跑，跟住當然係眾望所歸既足球比賽，由７Ｂ迎戰７Ａ。

一開波，我地就連失兩波，我心諗祇該會比人抄架啦＝．＝

就係呢個千鈞一髮之際，７Ｂ出現左一位英雄，將呢個咁惡劣既形勢完全逆轉！

佢睇通睇透咁係一個好位到等待鄭sir既傳波，鄭sir終於將個波傳左比佢,佢即刻黎一個撞射,結果,佢收復左肥恆!!

就因為呢一個重要既入球,整場比賽出現了變數。

7A再下一城,將紀錄改寫成三比一。

但係我地並無放棄,跟住係一個角球攻勢取得入球,,個波開到係隻馬面前仲撞到佢隻馬蹄咁再一次收復左肥恆,個波慢慢地穿過曬D人

場入網,紀錄改寫成三比二。

可是,7A又好快咁入多球,變成四比二。

正當大家都覺得無希望之際,英雄又再一次發揮佢既英雄本色,佢食曬個位之後用個心口一撞,結果第次收復左肥恆,令7B對勝利還有

一線希望。

之後係龍門口一論混戰之後,個波又再一次落到隻馬既腳下,佢不慌不忙一控一射,將個波射到遠柱,令到肥恆第四度失手,精彩!!

終於追成四比四!

可惜我地再比佢地入多波而再次落後,但係好彩,鄭SIR最後連入兩球平反敗局,最後7B以六比五反勝!!

今日有幾次差D抽筋,真是好耐無運動呢!!

返到班局之後發覺中一隻相比班女仔發現左,聽聞仲有兩個三八將它影下,可惡!!!

請馬學賢同黃劍峰多加管教!!