Below Mean,呢個係我第一個sem midterm既寫照....

完全係我意料之內,最緊要唔好比人kill姐....,我唔會比你kill既!!Math100!!

我發覺得又比人呃左,之前d人又話大學生活好舒服....,但係d report 同d 文既d死線就到,我好似仲有4,5份未做-.-

今日馮sir打比我,我都覺得奇怪,做咩佢會打比我!?原來又係搵我返去教d中五physics,之前都同佢講左唔架啦,佢真係無記性-.-

佢問我做咩唔返去幫我,我咪話唔想囉,我話唔想佢又問我做咩唔想呀,有d野大家心照咪得囉...,應該都估到架啦,費事講啦。

跟住問我拿馬仔電話,佢會唔會返去其實唔駛打都估到啦。

由我籌備左三個多月,有成拾天7點起身book場,曬左我幾百分鍾電話通話時間既足球活動終於係今日如常舉行了

對於今次能夠成功舉行呢次既足球比賽,我最想多謝既係~~~~~我自己,因為差唔多所有野都係我做曬=.=

要book到一個場仲要約到廿幾人踢真係一件好難既事........,係得我咁傻仔會咁做.......

其實今日都差d踢唔成,差d比A班放我飛機..........,全靠我既一張西面令到今日既比賽如常進行!

講返今日場波,真係峯迴路轉,係落段緊5比2既時間,我地連入5球,反勝7比5

馮SIR,馬仔同我都入左一球~~

其實我踢前鋒踢成點!?我個人覺得都唔係咁差姐........,點解楊洪華可妁同我講想用呀開換我出黎!?

雖然楊洪華平時講開既野我都唔理佢,但係點解佢會咁講=.=,我真係唔覺得真係咁差喎

我點都好過佢係咪溜波呀....

今日中秋節,無係屋企同屋企人食飯.........,真係唔係幾好意思,仲去左海洋公園玩HELLO 喂

其實我都想同屋企人食餐團圓飯,但係琴日,前日,今日,明日,後日都有野做,即係唔駛食=.=

今日放學之後就即刻去食個tea,四點半就離開ust,諗住點幾鐘應該去左海洋公園掛,點知用左兩個半鐘先去到

6點鐘已經到左金鐘,等左好耐都無170=.=,諗住去折的士.......,點知架架的士係有載客既,幾經辛苦先搵到架的飛去海洋公園...

搵車期間不斷比追魂call.....,我都唔想架,一日都係邊個囉,叫我地去金鐘搭車,等左我成45分鐘170個影都未見過

果到都幾好玩既,都有d位嚇到我,有d人比左錢入去都只係將自己個頭i係人地博頭到,又要驚又要玩,係咪曬錢呀!?

定係呢個先係佢地既真正目的!?

玩鬼屋最西面既係alien invasion,真係令到我o 曬嘴.....,排左個幾鐘,玩完出黎驚嚇度係0,比個凸佢

其間表演魔術比佢地睇,佢地比我既感覺係我下次唔應該再表演比佢地睇....

算啦,一定會有人識貨既....

玩完去左沙角食飯,返到屋企3點半lu

沖埋涼等個頭dry都5點半....就天光

科大大兄

http://www.youtube.com/watch?v=SbU1oqkO8OA