同老莫一樣特登請假去,當然要請假啦,唔駛錢喎,返工都要讓路!

去一次$295,我先唔會特登比錢去玩!

唔算早起身,因為約左10點半去到沙田圍站等,一齊食完早餐向迪士尼出發!

入到去已經點幾啦,唔算多人,因為今日係星期二

係果到睇左獅子王,金象米,仲到係出面做既show,真的不錯呢,又有d立體戲睇,呢方面真係比海洋公園好得多呢

而且迪士尼入面真係好似一個童話世界一樣,感覺真的很特別呢!

機動遊戲方面海洋公園則好玩好多,迪士尼只有兩個機動遊戲好玩,就係飛越太空山同巴斯光年好玩,咁都正常既,迪士尼o岩一家大細去

玩,d機動遊戲當然唔可以咁激啦!

玩左三次飛越太空山同兩次巴斯光年,可惜有馬要早走,玩左一次太空山同巴斯就要走,真係可皆,咁難得有飛..

快樂時間過得特別快,玩左呢d機動遊戲同睇完d show都已經6點半啦,跟住去行左陣美國小鎮大街,跟住就去左睡公主城堡睇煙花,

第一次現睇人放煙花呢,幾靚呢!但係就睇唔到有人係睡公主城堡撒尿

睇完去左馬on山食飯,超抵呢,六個人七餸一湯,每人$45蚊,真係抵到爆,d野仲要食唔曬呢!

果到食野比大排檔仲要平呢,而且又有冷氣,介紹不錯呀!!

食完諗住去睇波,點知人太多,無得睇,就回家了。

今朝一早就要起身返工,琴晚睇波睇到5點........,e家要咁早起身,面真係有d西西地,不過算啦,琴晚場波咁好睇

墨西哥結果自己無西到,果然係勿西哥,佢令到阿根庭既球迷西曬姐,全世界跌曬眼鏡,包括我在內,賽前我都諗住阿根庭起碼贏兩粒

點知一開始墨西哥就黎料,都唔知係咪食左藥=.=,仲要佢入波先

講返今日,返到去馬場11點左右,精神唔係咁好,加上之前無咩點係賽馬日賣飛,諗住今日會比人小

一開始幾個call都做得唔係咁好既,但係我愈做愈好,跟住就已經無咩問題lu,熟曬啦,今日無比人小過!!

唔知我今日接到d客好定係我做得好左好多,總覺得今日落飛好易

今日d時間過得好快,其實我覺得賽馬日時間好似仲易過咁,因為係開賽前10分鐘內先多call,開賽前10至30分鐘都好小call,其實真係幾

爽!!

馬季最後一日返工既話有多50蚊,我一定打電話去加班!

返到屋企睇英格蘭,果然如我所料,次次都係打得咁差,我諗佢下場應該都要執野返屋企架啦,下場佢係對住荷蘭同葡萄牙既勝方,佢打得

咁差有咩能力贏d強隊=.=

今日謝師宴,所以特登改左時間返工返早上

一返到去就放半個鐘break.........,咩都未做做咩咁快放break=.=

放完break12點開始做野,其間我旁邊果個係咁出去蛇王=.=,一個鐘出幾次廁所........,一去仲去拾幾分鐘,組長都無郁佢,問你服未!?

見到佢咁我有d睇唔過眼!所以我決定左我都要蛇下!但係始終都無佢咁西利,都唔明佢點解可以走左去咁耐!

放工之後就馬上返屋企,沖埋涼跟住落街買埋d野就返屋企裝身,經過一番努力之後我終於變成西豬!

跟住坐車去謝師宴,一入到去,我第一個感覺係好彩姐,因為個個都係西,好彩我都係西埋~~

全身既野都係新既,除左副眼鏡之外

一開始諗住同陳美雯傾返兩句,但係佢同其他人傾緊,我都廢事去搭訕,坐返埋位之後,有人自己送上門

唐sir過黎同我吹下水,問下我做d咩咁,仲駛問既!?當然係咩啦!

從佢口中得知原來外圍輸左$係8拆,唔怪得咁多人賭外圍啦!

跟住馮志德又過黎搵我吹下水,其實上次畢業禮都想搵下佢架啦,但係放左之後咁多人圍佢,所以就無搵佢lu

馮sir識得大細,真係唔知佢有無賭過波架@@,佢仲問過我地有無賭波,e家都畢業啦,我當然係如實咁話佢知啦

跟住就係食野啦,老師先啦,我地要敬老架嘛,有d都拿左15年長期服務獎啦,有幾大唔駛我講啦!

跟住我就開餐,其實係呢餐之前無咩食過野,因為早上返工返得好急,所以食左dd野就走左啦

加上又放4點,返到屋企都5點啦,廢事食咁多野,因為要留住個肚等今晚~~

其實每樣野食一兩件,就已經夠飽lu

食野既過程有播片,當中仲有我地既最傑出學生=.=,如果比佢地睇左呢段片之後先選傑出學生,個結果係咪都係一樣架呢!?

食完之後當然係玩遊戲啦,最好玩當然係"樓"毛巾啦~~,最衰只比人地"樓"一次咁大把,唔係我後面果個實輸~~

之後又玩左好多遊戲,好好玩,仲影左d相,第一次西嘛,一定要影下啦!

跟住老師們開始走啦,我地就開始玩其他遊戲同抽獎,馮sir抽到既禮物真係正呢!唔該send果張相比我,我要用黎做桌面!

玩到11點幾都散水,今晚玩得真係幾開心!美中不足既係點解抽錢抽唔到我..........

六月份有工返又有世界盃睇,d日子過得容易好多

呢排世界盃d賽果好正路,馬會呢幾日應該都無輸左錢,我搏冷都輸左妁幾拾蚊=.=

我就唔信下下都係咁正路!

後日就謝師宴lu,你地係唔係超呀!?

買整未呀你地!?係咪明天去拿3!?

開始係電話投注到返工

我又再重出江湖,兩面問馬會拿錢!!