今朝一早就去左博康,一齊去海洋公園,有兩隻友仔遲到,跟住我打比光仔,佢話轉埋個彎就到,點知過左10分鐘都未見到佢既人影
以光速仲要用10分鐘先轉到一個彎,個彎肯定好大..........
去到海洋公園即刻申請年卡(295元),入一次就185元,我當然申請年卡啦,得閒就去玩下機動遊戲~
海洋公園,好耐都無黎過啦,拾幾年前黎過一次,只係記得欖車,仲有當時唔夠詔高玩過山車=.=,今次無人可以阻止我玩過山車!
一去到就坐欖車去玩機動遊戲,去到果邊第一樣玩既係跳樓機(本來諗住玩海盜船先,但係佢無開=.=)
跳樓機果然係機動遊戲之最,佢身高有廿幾層樓,當佢一路升高既時候,我就一路西面....
望住自己離地愈來愈遠,終於升到最高點.......,如果果時有得比我揀既話,我諗我會選擇唔會.....
係最高點停留了拾幾秒..........,跟住可以向下加速,我覺得果時既加速度係大過9.81ms-2.....
因為個座比我落得更快,我個人好似成個飛起左咁(相對個位),呢個無重既狀態維持左縛秒,果時嚇到我個心都離埋=.=
跟住部機又突然拉返我上去,個力好大,亦好快,我諗比落黎果時既速度慢少少=.=,上去果下都真係幾驚
之後就好似damping咁,個amplitide愈來愈細,我就愈來愈唔驚
玩完之後佢地話玩多次喎,我當然去玩啦,唔玩好無面架嘛=.=(到時比人笑到我面黃,如果無厄督會好似下面果個人咁架啦),雖然玩左
一次,玩第二都仲係好驚!
玩機動遊戲既途,我發現左一隻淆底獸,佢個名叫做張X行,花名自X,我地其他四個人玩跳樓機,佢唔肯玩,我地都算啦,都仲未將佢定為
淆底獸,因為跳樓機真係好恐怖,唔夠膽玩我地都唔怪佢。
但係佢連過山車,越礦飛車,仲有好多好多佢都無玩,佢只係玩左果個水上果個機動遊戲,淆底獸之名非佢莫屬。
玩多陣海洋公園就開始多人,我地玩多陣就走左,走果時三點幾,如果我地唔係買左年卡,一定唔會咁早走。
跟住去左西九龍中心踩冰,好耐都未踩過冰啦,一開始真係好雞,玩玩下就開始上手啦!
想練多D高難度動作,但係太多人啦,下次一定要早D去!
今日一次過滿足左兩個願望!
考完試之後想做既野都做左好多,我記得既仲有一樣野未做
就係去唱k,有無邊個肯陪我呀...
|
