一早去左勞工署搵下野做.....,唔係好夠時間,明天再去,係時候搵野做!明天已經無試可再考!
馬會睇黎無咩可能有得做.......
之後去左打羽毛球,果到勁多空場呀,頭知約多d人去啦,跟住同佢地講我book左四個場XDDD
考完去左小巴黎食野,食完返屋企沖涼,再出返去搵峰同樂樂。
去左玩具反斗城睇下斜既層層疊,成2百蚊買54塊木=.=,我度下佢幾長同傾斜左幾多之後叫姚SIR整好過,10蚊都唔駛啦!
之後去考中文口試!最後一戰!
一派個人短講我即刻O曬嘴..........
秦始皇的自白
天呀!!什麼題目呀........,我考之前仲諗住點樣可以令到考官有resonance..........
最後我決定左我係朕,朕乃九五之豬,跟住去到就當自己係秦始皇,將佢既惡行合理化!
修長城,建阿房宮,焚書坑儒,合理化!
必必左幾聲之後,我就作完總結!
今次個人短講我覺得表現不錯!今次無咁驚,可能因為考試考得太多啦!
之後小組討論我第一個發言,我講完之後第二個講左陣就無咩野講,佢講左廿秒左右,可能佢d point比我講曬。
今次我講野真係幾有point!
小組討論既題目係學歷比能力重要嗎!?我當然係話能力比較重要啦!
頭四個都係話能力重要,最後果個話學歷重要,總算唔係一面倒,唔係一定好快無野講!
首論發言之後我即刻出聲!今次小組講左好多野,可能係組入面最多果個!
我一路講,兩個考官係咁點頭,一定係我太有point啦~~
我既主要論點係學歷係其中一個評估能力既方法,學歷係一個結果,手段,通過學習去訓練各種能力!
我仲舉左幾個例子
其中一個係馮志德騙我地繼續讀物理既一句話:學物理係學邏輯思考。
我講既point太多,不能盡錄!
成日話我語障既人小心d,中文oral唔好低分過我,唔係我一定黎指住你個頭黎笑!
P.S.今日記得陳國安講過既一句話:話人媾女者,人亦媾女也!
|
