最近諗既野都好灰
估唔到阿媽講左件事…令我個心情正式趺入谷底
佢話會同阿豆攤牌
想聽下我地既意見
其實佢問得…我地都會話最重要係你點諗
但其實我同阿姐係內心都唔太想呢件事會變成現實
見到佢地雖然坐埋一齊…瞓埋同一張床
但都係零交流…我地知阿媽好難……唉……
其實我都唔知自己想點…
一方面唔想佢地離婚…希望可以繼續維持咁既關係
(我係唔係好自私呀？雖然白無常佢地勸左我好多次…但……)
另一方面……望住成個家都因為佢地既關係而感到痛苦
又好想問…點解你地唔乾脆離婚就算？
唉……算喇……只要老媽子開心就可以了……
佢地離婚我唔擔心我老媽子
反而我擔心我阿豆
一直所有生活開支都唔駛佢出錢
當佢地真係離婚…佢真係可以料理到佢既生活？
而且最困擾我既問題係阿豆會接受咩？
我會唔會要重過四年級既日子？
果段日子既我比而家既堅強
但每個夜晚我都會偷偷地哭
甚至有輕生既念頭
好彩我仲有兩隻龜聽我講心事
而家既我比以前容易受傷……
如果再重過咁既日子……
我可唔可以捱過去？
我真係無把握……

同MAYCEE AND HER MOTHER睇
如果要我形容呢套電影
我唔會形容佢咩野好壯觀…好震撼呢D野
我會話佢係一套好悲哀既一套電影
有好多幕我都好深刻
第一幕﹕
當小喬去到同曹操見面
同一時間周瑜係度唔知用緊咩樂器
個聲音同畫面好配合
比人一種緊張既感覺
而且亦可感到周瑜是擔心的
擔心著他心愛女子、孩兒的安危
第二幕﹕
當燒船果陣
我望著D火人…我真係有少少眼濕濕
我見到既唔止係一個個因痛而吶喊的火人
還有一個個等待著他們回家的家人失望痛哭的埸面
第三幕﹕
孫尚香既好友係佢面前死左
佢臨死之前講左句﹕仲要唔要騎高高？
呢句說話代表住佢永永遠遠都當香係朋友
香幫佢拔掉身上既箭
履行之前對佢既承諾…帶佢回家
依一幕我覺得係感人

人去到某一個位…真係有少少不可理喻
曹操已經去到要撤退既地步
但佢都唔肯走…佢話
我地唔係仲有精銳的步兵嗎？
他們每一個人都願意為我而死
點解我地要走？
我認為佢地肯為曹操賣命
係因為佢地認為曹操係一個明君
係一個好既頭子
但一個好既君主…好既頭子
會係一個已屬兵敗如山倒既情況下
仍然要將佢既屬下推上戰場送死…
睇到呢到…我又有少少眼濕濕
為著士兵們跟錯左主子
為著曹操既過度自滿
為著士兵們的家人
係最後…我有一句說話
呢句野我記得係周瑜講
我們都輸了
從來戰爭都唔會有人羸
只係保衛成功同搶奪成功既分別
但咁樣係我眼中都係輸既另一種表現

在有名的加州紅杉林前，觀光客看著那高聳入雲霄，如沉默巨人的一顆顆紅杉，有的膛目結舌，有的驚呼出聲。
「加州紅杉是目前世界上最高大的植物，最高的有九十公尺，相當於三十幾層樓的高度。」導遊介紹說。
「能長這麼高，那它們的根ㄧ定很深吧？」一個觀光客問。
「不﹗加州紅杉是淺根型植物。」導遊回答。
「那狂風暴雨一來，不是很容易就被連根拔起嗎﹖」另一個觀光客問。
導遊說：「這裡面有一個奧秘！就像你們所看到的，加州紅杉都是成群結隊長成一片森林，在地底下，它們的根緊密相連，形成一片根網，有的可達上千頃，除非狂風暴雨大到足以掀起整塊地皮，否則沒有一顆紅杉會倒下。」
觀光客都為這自然的神奇而陷入沉思之中。
因為不必扎太深的根，紅杉就將扎根的能量用來向上生長；而且，淺根也方便他們快速、大量吸收養分，這是他們長得特別高大的另一個原因。」導遊說。
加州紅杉的根，是「慧根」。
一個人如果能多交朋友，廣結善緣，和別人緊密相連，互通有無，快速而大量的吸收各種資訊「養分」，那不僅在遇到狂風暴雨時，有支撐的力量，也能花更少的心血，長得更高、更壯。慧根短淺，同樣可以成為大器。

唉……最近心情都好低落
除左maycee、莫…都唔太想同其他人講野
特別係某人…
每次我高分過佢都會比說話我聽(我係一個好緊張人地對我既評語的人)
唔通我考得好過佢係我既錯？？？
表面上我既成績考得好好
而且都有一個阿SIR讚我考得好
但我仍然唔開心
因為我知道呢個唔係我盡力既結果
呢幾日我都有少少唔開心
一責怪自己考試唔盡力
二咁比人串法
同佢同班四年……都可以咁比說話人聽
而且我承認我係一個偽善者
我唔會係你面前話你知我因為你既說話而傷心
但咁唔代表我冇比你既說話影響到
你考得差…係我既責任？
我考得好過你…係我既錯？？
你口口聲聲話人地既性格有幾差…咁你呢？
你有冇諗過你傷我有幾深？