今日係第一日派卷
化學派左，75分滿分，只係得55分
但咁都做左全班第一名
隔離班隨便一個都高過我地喇﹗(我估……)
本來仲有生物、英文
但係余志雄未改晒卷(都估到既，琴日先考)
教英文既余凱基老師就冇返(唔知係唔係病左呢？)
代堂果陣，小磚個男朋友既手提突然響
本來我地以為係羅麗婷，後來先知唔係
響果陣，我地全班靜晒大概一、兩秒
我地一知電話主人唔係呢個班房時
即刻係度扮玩，用聲蓋左電話鈴聲
而一個男仔偷偷地攞左個書包幫電話主人熄機
呢次係我第一次見到我果班咁齊心做同一件事
數學堂派左卷
全班最高係85分，只我只得72分(仲低過maycee姐T-T)
中文堂去E班上堂
一入到去嚇呆了，成班女仔係度喊
聽說是純數的成績不太理想，所以在哭……
聽某個女生說﹕派左咁多科，喊左咁多科。登時呆掉了……
派卷，和估計差不多，有73分，不過不失
但我們這班有些人失手，不合格
算吧，這次不合格，那考試再加多幾把勁，成績已成定數，多想也冇謂。

話說今日考中文，睇住寫滿左字既卷，有種強烈既滿足感充斥住自己既內心。雖然我冇信心攞八十分或以上，但最少我有盡過力，我已經好滿足﹗﹗﹗

我通常嬲都係因為好微細既事(抱歉，我EQ不好)，未試過因為一個人既性格而嬲(當我已經係度嬲緊既時候就會因為一個人既性格而覺得礙眼)，而且我承認我好虛偽，就算我嬲左你都可以同你傾計。但今日，我第一次因為一個人(陳XX)既性格而嬲，第一次被人激嬲到連講一句野都唔想……

如果好似陳XX咁就叫做慘，咁MAYCEE果D叫做咩呀？

唉…連肥野都知喇﹗雖然係佢口中可以聽到好多某人既野，但咁又點？係我眼中，佢係好重要，但係佢眼中，我連草都不如……一個又肥又矮又醜陋既人，就算知道咁多野都冇用喇……

老豆又休息，夜晚佢地又鬧交……唔明……婚姻唔係好神聖，帶來幸福？當婚姻帶梨既唔係幸福，而係痛苦…點解仲要繼續？唔通只係為左佢？咁你有冇諗過我？你知唔知我既感受？？我仲要捱幾耐？

話說今日無無聊聊突然係度諗，我居企部電腦係我三四年級先梨，而且係最初既時候，部腦每隔四、五個月，都會中毒，每次至少都要整半年，咁係冇電腦既時候我係點過呢？？唔………我記得我個陣時會自創一d小遊戲，總之，冇論係咩野，我都諗到方法去玩佢，不過好快就覺得厭……我記得我阿姐送過芭比俾我，雖然只得一個，但我會將佢連其他公仔一齊做一個小小既動畫劇，不過d劇情好老套(汗顏……)……不過有一種直到而家我都經濟常自己同自己玩，果樣就係啤牌。啤牌雖然有好多唔同種類既小遊戲，不過……好多遊戲都要兩個或以上既人先玩同，適合一個人玩既就好少，所以我會改左d遊戲規則，令到一個人都可以玩到津津有味……

其實呢篇野只係唔想我個blog荒廢先求其諗d野梨打，但我都幾想知，大家自己一個係居企，除左玩電腦仲會做咩喇？？(唔好同我講睇BL)