每人對幸福既定義都唔同，有人認為只要居企人齊齊整整係埋一齊，就已經好幸福；有人認為要同自己愛既人係埋一齊先可以叫做幸福。曾幾何時，我都認為幸福係一件好簡單既事，只要有人聽我講我既開心、我既唔開心、感覺到果種被捧在掌心呵護既感覺，咁已經令我覺得好幸福。但唔知係咩時候開始，我習慣左冇論發生咩事，都將佢放係心既最深處，名副其實做左「心」事，心裡面既事，漸漸對幸福既定義改變左，而家對我梨講，幸福就係望住身邊既人，毫無煩惱，唔會唔開心，唔恉傷心，好融洽咁係度玩，係度笑，咁就係我既幸福。

傷害我同學，令到佢地傷心、難過既人，我係唔會原諒你地架﹗

 上基教堂時，老師問﹕「假如你二十四小時命，你想做咩野？」每個人都話想同居企人過，唔知係唔係我特別奇怪，我比較想同班上面既同學一齊過，雖然居企人比較親，但係同班同學係埋一齊玩，仲輕鬆過係居企，係居企仲會有一份無形既壓力係度，好辛苦﹗但同自己既ｆｄ係一齊就唔會有呢種ｆｅｅｌ，不過有時都會患上思家病，但我真係好愛３ｄ既人，係星期二既我愛你並唔係亂講。

中三誠班所有同學，我愛你們﹗（真心話）

 唔記得左傾緊咩，傾傾下突然傾到李生兩兄弟身上，maycee姐問我，我會唔會分唔清佢地兩個。我都唔知，但係我記憶入面，wingwai既眼神係好特別，通常班上面既仔都會有唔同既眼神代表住唔同既感情，但係望住佢地對眼，我只會有一種感覺，好想笑，我係果種唔可以望人對眼既人，如果唔係我會笑到停唔到，所以通常我只會望住佢地頭髮等等其他地方；但係望住wingwai，佢既眼神係帶住好大既吸引力，我會好想一直望住佢，每一次我都會嫌佢開門開得太快，望住佢既側面，望住佢既眼神，我會忘記左時間既流逝。雖然佢只係同我講過兩次野，但我仍然記得佢比聲係好溫柔，就連對話內容我都記得一清二楚。唔係，應該話關於佢既野我都好記得，佢專註既眼神，佢望向遠方既眼神，佢講野時既眼神，佢疑惑既眼神，一一係晒我腦海入面，我唔夠膽話係未來既日子我唔會忘記佢，但至少我記得曾經有過咁傻但又值得回味既事發生過。

 記得《論四端》裡面有呢一段﹕「今人乍見孺子將入於井，旨有怵惕惻隱之心，非所以內交於孺子之父母也，非所以要譽於鄉黨朋友也，非惡共聲而然也」原本呢一番說話係想講，人天生都有惻隱之心，呢個惻隱之心唔係為左任何利益，只係一個本能，但我就另一番既見解喇﹗冇錯，我都承認每個人都有惻隱之心，但我就認為呢個惻隱之心要符合條件先會出現。

最重要既因素係，唔會煩到自己。試想一下，打劫銀行經常發生，通常都會有脅持人質既事，無論脅持既係咩人，小女孩、傷殘人士、大肚婆，從來都唔會有人主動救佢地。可能有人會話，太危險所以留比警察去救。好，當你講得通，咁假如你行街時，見到有人突然暈倒，或者有人發生車禍，唔好話主動去救佢地，有幾多人會立即打電話報警，大部分既人都係指指點點一番，不斷咁叫其他人報警，但自己又唔做。唔好同我講話冇電話，有調查顯示，每人最少都會有一部手提。

惻隱之心的確係人皆有之，但有幾多人既惻隱之心係與生俱來既本能呢？特別係香港人﹗

 好痛苦呀！一諗起聽日要返學，要早起身，就好唔想返喇！如果可以再過多一次呢個假期就好喇﹗唔講啦！大把功課未做呀！我要繼續奮鬥啦！