因為大哥做野既關係，我、阿姐、阿媽同大哥可以係今日免費去一次廸士尼。係出門口時發生左小小風波，我大哥堅持由屯門去廸士尼所需時間係好短，所以佢以慢動作梨準備；而阿媽就話計埋等車要好耐，所以不斷咁催我大哥。直到走時我阿媽仲不停話我大哥，因為佢動作慢，搞到少左時間行，實際上只係少左半個鍾，卵地張飛點都要四點之後先用得。去到之後，我阿媽成個大細路咁，不停咁話要玩呢樣，玩果樣，我同阿姐都有陪佢玩。我地玩左小飛象、咖啡杯、巴斯光年射擊、旋轉木馬等等，玩咖啡杯玩得超開心，係咁大笑，可以話係全場最嘈。至少我係咁認為……夜晚，廸士尼有個煙花表演，超靚。我而家終於明白點解ｄ人寧願逼，都要去現場睇喇﹗好喇﹗等我post返兩張相，其餘果ｄ，我遲ｄ整去相簿度。

 徐話，我既運氣比佢好，因為至少wingwai已經走左，可以徹底咁死心，唔似佢咁，每日都可以見到amy，但冇機會比佢教，都唔知想點。

但係，佢走左我真係可以忘記佢咩？我唔知呀﹗但佢既樣，佢既事，仍然成日浮現係我眼前，我唔知我會唔會有一日忘記佢鐘意另一個人，但短時間之內一定唔會。咁樣既我算係幸運咩？佢人係走左，但對我梨講，呢個根本唔係我死心既原因，或者係我傻喇，係我字典裡面根本冇放棄呢兩個字。

 當一個人難過既時候，會好自然咁流下眼流。從來唔明白點解ｄ寵物死左，人會咁傷心，可能係因為我從來都未試過認真咁養寵物。試過同阿姐養兩次蒼鼠，兩次唔到一個星期就將佢地送左比人，係我居企住得最耐既就係廁所既兩隻龜，感情唔算好，但如果冇左佢地我會好傷心，可能係因為以往既事，總係覺得人係唔可靠，即使同果個人既關係好好，都係咁話。因為咁，令我每次有ｄ咩野，唔開心或疑難，我就會好似一個傻子咁，蹲係廁所度同佢地講野，當然喇﹗佢地未試過理我，連望我一眼唔肯（隨左比野佢地食時），很傷心的說﹗做咩突然講呢ｄ野？因為中文堂時，ｍｉｓｓ江講起寵物，然後講起佢隻狗，講講下竟然喊，可以感受到佢真係好傷心、好痛心，而佢講緊既時候，朱朱都忍不住減，冇辦法，佢隻狗前幾日先死左，突然聯想起我呢兩隻龜龜，一時有感而發，就打左呢篇日記。

 睇maycee個qooza，佢話佢冇後悔冇入崇真而入梨永隆，我都係到今日先知，原來小六時maycee姐同我一樣，諗過入祟真。當時，我係將永隆放係第一，祟真放係第二，我都唔知點解會咁安排。但去到放榜之後，好後悔，一個對我好重要，地位同榮偉不相伯仲既一個男仔入左祟真（個男仔絕對唔係我杯茶），但而家諗返，我反而覺得好開心可以入到永隆，永隆既老師、學生絕對唔會係最好，但如果唔係入到永隆，我就唔會識到現家既朋友，唔會遇到wingwai，唔會遇到呢班咁傻咁孩子氣咁唔識為自己著想既同學。雖然呢間學校，咩野都係次等，但我唔會後悔，因為我係呢間學校得到既野，唔係金錢可以作比較，我得到既野，係無價的。

 琴日去左濕地公囡，學校話見我地讀書壓力太大，所以特登比一日我地去濕地公園輕鬆下，對我梨講壓力真係唔係好太，可能係因為我太懶喇﹗蔡正彥話既然係想叫我地輕鬆下，倒不如搵其方法，一﹕比我地早放，二﹕將去濕地公園既時間變成自由時間，三﹕殺死miss江。好孩子氣既說話，但呢ｄ就係我班既特色，正因孩子氣，先令人掛心。今次去濕地公園，ken sir都有份去，講真果句，其實我唔算係討厭ken sir，但亦都唔算鐘意，同一個普通路人稍為好ｄ。雖然maycee姐話佢成日係度說教，好煩。但我就還好，因為我好鐘意ｄ人係我面前，講好多知識、道理出梨，換句話說，我對於知識高過我幾個層次既人頗有好感，但點解ken sir符合呢個條件，但只係稍為好過路人甲乙丙？因為佢比我既印象太差，講大話唔眨眼，仲要係度扮乖，成日掛住溝女，又唔串得，真係唔多願意同呢ｄ人打交道……唉﹗﹗