今日去左大棠旅行，因為我要負責搬炭，而我又堅持行落返學，搞到自已超辛苦，呢ｄ係唔係叫「自作孽，不可活」呢？

返到學校八點都冇，我去到班房時一個人都冇，得自己一個超無聊，過左一陣陸續有ｄ人返梨，但對住佢地我真係冇心情玩，正係我打算瞓返一陣時，姑姑終於返來了﹗之後ｄ人都返得七七八八，ｄ人係到狂影相，講真我真係超討厭俾人影相，但我自己又超鐘意影相，勁矛盾﹗

之後要係禮堂等車梨，唔知係唔係ｍｉｓｓ江既關係，我個班要最遲走，係等緊車梨既時候，李榮偉竟然係門外走過，我好想幫佢影張相，可惜佢行得太快，搞到我影唔到，此乃一大憾事﹗

去到之後，同上年一樣，超多蜜蜂，有蜜蜂唔緊要，但ｄ蜜蜂竟然同我地爭野食，個爐又成日自動熄火﹗我只係食左十幾條生既腸仔，不過腸仔生都可以食。之後就係度狂影相，但影得好差，冇辦法喇﹗我呢個業餘人士，係咁上下喇﹗

好不容易才拍到miss江英偉的樣子，當然要擺上來喇﹗

 今日都唔知發生咩事，好多人都欠交普通話工作紙，計埋冇返既，都只係有２８個人交左，雖然周正康係打錯左繳交日期，但ｍｉｓｓ上堂又唔係冇講到要幾時交，根本佢地就係搵藉口，周正康最可憐，無啦啦比人搵梨做藉口……之後ｍｉｓｓ江用左一堂多少少既時間梨罵我地，上堂時，唔知點解佢問既問題冇人夠膽答，可能因為當時佢實在太惡，嚇到我地冇人夠膽出聲喇﹗

放學，原本要留低做壁報，但因為要電腦學會，所以林算明係咁罵我，又叫我唔想做就唔好做，頂佢個肺呀﹗依家我好想做呀﹗係唔知邊條某利投我票，ｍｉｓｓ江又唔比我ｓａｙ　ｎｏ，如果我有得選擇﹛我又點會做呀？衰就衰在當我嬲到某一個水平，我ｄ眼淚就不停流出梨，搞到我明明唔係想喊，結束係外人睇都係認為我因為佢而喊……無奈﹗

 中文堂時，進行左一場復仇戰，昨日我組因一分之差，而輸左俾另一組，好彩MISS江比多次機會我地進行復仇戰﹗今日果題目係《網上日誌對中學生利多於弊》，我組係正方，我地經常都離左題，但最好笑係竟然有人回應以經離題既說話，之後既人一樣堅持離題……不過到最後我果組因一分之差而嬴左，ｙｅａｈ﹗之後miss江同我地講返個題目，miss江好厲害﹗隨隨便便就可以講好多野，我諗到頭都痛埋都諗唔到……

午膳時要去IT，叫人去開門，落梨開門既竟然係李榮偉﹗我靠左門邊打算等他開門，誰知他去到另一個電腦室附近時，突然轉身走，我被他這種行為嚇至當機，當我回過神來他已不知去向了﹗我又到四樓又再一次叫多一次他們去開門，這時我下到去時，過了一會李榮偉就落左梨，這時他沒有轉頭就走，反而問了我一個問題﹕「你是IT的嗎？」我真的是好想答他我當然是喇﹗不然我為什麼去四樓叫你下來出電腦室的門﹗但溫柔的我又怎會說這些話，我只是好細聲地跟他說﹕「是﹗」之後姑姑梨到，我好大聲講左句﹕「死人李榮偉﹗」我不知他有沒有聽到。放學時，我都要去IT，所以我要去四樓叫人落梨，果個死人李榮偉竟然用一種帶著鄙視既目光看我，從來都冇人用呢種眼神看我，他有什麼資格？他只不過是高一點，用電腦能幹一點，樣子型一點，難道這樣就能用這種看我嗎？一想起就生氣﹗我不會原諒他的﹗(雖然他不知我嬲了他)

 唉！開始有少少唔明自己，唔明自己成日明明知道係冇可能，但仍然唔會放棄，明明知道自己係對方眼中可能只係一個小女孩，or只是一個路人甲乙丙，根本對我少少印象都冇，但我竟然妄想……由中一開始我一直都冇進步，笨蛋形容我真係再貼切不過！

 夜晚，去左學校個相簿諗住睇下有冇夜神月既相，搵到我頭都大埋，但都搵唔到……但好彩十周年時，姑姑有買到本特刊，裡面有介紹資訊科技組的介紹，原來夜神月全名係李榮偉呀﹗之後我用左＄５０向姑姑買左本特刊，雖然係有少少貴，但物有所值丫麻，冇所謂ｌａ！