物理……好囧的一科
我班是這樣形容
識做…唔夠時間做
夠時間…唔識做
而我…只係冇做二題總共四分
那你們認為我是懂還是不懂？

考完之後…返班房
原來係講主席要去澳洲讀書既事
因為同佢唔係好熟
所以對於佢既離去亦都冇太大感覺

考1:45…所以同阿朱佢地去市中心
我嚇左小朱妹妹兩次
我兩次行行下差d仆親
如果真係仆親都還好
但次次都仆不成
虛驚一場
我終於知道我最鐘意食咩喇﹗
果樣就係—蟹籽
但食完果度既野食之後
我肚痛左成個下午……
我唔會再去果度食……

夜晚…有個衰人同我講
佢去台灣拜年
嗚嗚……去台灣是我的夢來的(maycee你應該知原因)
雖然話經已忘記左…但……
衰人…我唔會原諒你的﹗

原來我係冇可能去花市……
因為我老媽子唔會答應…
算喇……下年先喇……

考果兩份卷都係要聆聽
同樣都冇得溫
第二份都可以溫溫新聞稿
但第一份……哈哈
考第一份卷係度等既時候
我唔小心真係瞓著左
好彩開考前五分鐘既時候醒左
不過個人仲係呆呆地…未瞓醒
考緊果陣…我痴左線
只因我聽到四個字—「佛洛伊德」
曾幾何時…我為左做專題報告
連續幾日都只係睇佢既野
個d超我、自我、本我…睇過n咁多次(不過已經唔係好記得)

我阿姐拋棄左我呀……
佢竟然話同其他人去花市
難得人地今年竟然想去
而且差不多每一年佢都會陪我去……
算﹗你唔陪我…我自己去

琴晚我發左個夢
我夢到自己睇緊TVB既動漫
播緊既…係阿莫最鐘意既野
係夢裡面既我…竟然睇得好興奮
我的天呀﹗睇梨我開始有少少唔多正常……

買唔到本英文書
問左徐徐借
至於寫名方面…嘿嘿…當然有方法
蘇…我真係愛死你呀﹗

考最煩既化學
今次好明顯係考人有冇溫書
至於我有冇溫？
這是不能說的秘密
不過有兩題我完全唔識
所以一隻字都冇寫到…
果度大約有3分
唔好睇少呢3分
話唔定我就係爭呢3分就合格…
D時間幾乎用盡…我停筆唔夠一分鐘就話要收卷

中文口試…要我呢個啞既同人辯論？
結果可想而知…死左
口試之前…我同鄧彩奇傾計
佢問我作文揀左咩題目
我未同佢講揀左行李果題
佢就同我講咁你死硬
果題係創意題…最易唔合格
我都知我衰…但我醒覺得太遲
當我醒覺時…已經係我作完文既時候

唉…英文真係我既死穴
不過都冇咩科唔係我既真穴…哈哈
不過今次d時間真係唔多夠
又有好多題都唔係好識
又要諗…又要寫
我寫字又要慢(這是主要原因)
結果係miss徐叫我地停筆時
我剛剛好完成好最後一題…好彩好彩
MR.YEE…最少我都完成到你既一個要求
唔好留空任何一題…算係咁架喇﹗
至於1B份卷就……哈哈哈
唔好講喇…