琴晚既失眠並唔係最近既唯一一次, 但係訓到半路醒左就真係好耐都未試過。
奇怪既係, 唔係因為感情問題, 而係因為係到思考緊未來既錢途,
唔係前途份工有冇得點點點發展, 而係係到諗發展到最後, 合唔合乎自己既標準。
其實我對自己要求好簡單, 月薪有幾多幾多萬, 咁就夠,
夠使夠用就好足夠, 唔滿足要更多的話, 我會另僻蹊徑,
因為我知自己係工字不出頭既人, 一份達標既工, 只係一份保障。
醒前既時候係到發緊個夢, 我係到整理緊去到6月之前要做咩, 有d咩要達成,
其實同我現實要處理既野基本上係一樣,
所以,
我都唔知自己係發夢定係根本冇訓過一直思考。
當我醒左既時候, 腦入面浮現左兩段骨痺兼老土既對白,
對白入面我衷心感謝佢既同時都好老實咁同佢講其實你身為一個男人你好失敗,
但身為父親, 你的確有盡到你既責任, 至少係我既角度黎睇。
今日個胸同腹肌都痛到連起身都冇力, 同班中學同學一邊笑, 自己就一邊痛,
希望呢幾個月可以操好胸肌啦, 因為仲有好多野要練。
|
