擔心, 到最後, 唔係擔心最後既唔係自己, 係擔心對方會唔會受傷
永遠都係被愛既有權任性自私, 但受傷最深既往往都冇得整定係邊個, 只有唔投入先至唔會損手爛腳
我唔風趣, 唔幽默, 我識既野好少, 見識好少, 除左提你咩做得, 咩唔應該做, 咩對你好, 咩對你唔好, 比d意見你, 照顧你之外, 我真係識得好少。
我好被動, 我好小心, 我好緊張,
我想比你話事, 我好小心唔想觸動到你既傷口, 我好緊張, 怕你一個人走落去會出事。
就算你唔愛我, 我都想你知我愛你, 我想你知我點樣愛你, 我能力好有限, 但係只要係一絲都好, 我都想令你受既傷輕一d,
茫茫世界, 受傷總難免, 至少比我係你身邊遮風擋雨。
|
