其實我好想好想係接機既時候衝上去好好抱住佢, 好想好想, 連發夢都諗住, 

最後實現到, 係我眼前, 不過抱住佢既人唔係我, 我望住佢瘦過以前, 老實講係幾辛苦, 擔心佢會唔會出問題, 因為明顯唔係健康瘦,

將時間再推前少少, 早兩三個月前以為自己已經唔再鐘意佢, 唔再緊張佢, 接機, 不過係想履行自己應承過做既野,

你半年前問我會唔會接你機, 應承過就做得到係我宗旨, 而履行係可以唔帶感情, 我以為係咁, 

夾定時間last day定係6月13號, 月中左右翻黎, 應該差唔多, 

較好鬧鐘1點鐘起身, 2點出門口, 3點鐘去到, 仲有時間剩, 

10:00am 眼睛一睜開就伸手去拎電話, 會唔會唔知醒, 已經過左鐘, 好似怕錯過d咩咁, 

02:00pm 早左到, 等候期間, 時間將我既感情慢慢咁抽出黎, 係機場左行右行, 始終都安靜唔到

一直一直都好喜歡佢, 會在意, 會妒忌, 會擔心, 會好奇, 想了解想認識你既一切, 如果可以, 我地係埋一齊好冇?