係無謂既堅持, 係弱智既選擇, 可能其他人聽落覺得好無聊,

又或者, 覺得我只係得把口都好, 無咩所謂。

曾經曾經, 用過自己既方式去對人, 換黎既結果可想而知, 

係咪大家根本唔夾, 性格不合, 家庭因素, 冇咩機會再考究到, 

將著眼點換番去自到身上, 不外乎係自己未夠好, 或者方法錯左。

裝備自己, 令自己進步, 係生活必須, 冇咩好講, 但方法呢?

我毛病係收埋自己, 其實我認為算係一種唔認真面對自己既表現之一, 

同時, 當兩個人一齊, 收埋自己所思所想, 其實對大家都唔健康, 都會好對唔住對方。

當諗到呢到, 我就覺得自己應該認真對人, 認真對己。

但咁多年黎, 好似未成功過(笑

或者, 今次會係我最後一次認真, 既然唔可行既方法, 我再想去信, 都係徒然???

當然唔係指唔認真對人, 呢D罪名, 我負唔起。

對自己唔認真, 其實會唔會係比而家更不顧一切, 奮不顧身, 我唔知。

我唯一知道既野,我係一種好天真既物種, 唔識吸收教訓。

我唔係有興趣既, 根本唔會主動接觸, 

唔係鐘意既, 根本唔會去追佢, 

唔係愛既, 根本唔會不顧一切陪佢傻, 為佢傻。

生活上既我, 利己主義者, 但感情上就完全相反, 

雖然曾經以為自己係想平衡下, 彌補下生活上既利己主義, 

但我知道唔係, 鐘意一個人係有理由,

但愛人, 愛佢既全部, 佢既全部就係理由, 其實咪即係冇原因。

怕做水泡, 怕太短暫, 永遠都冇開始, 剩低既只有後悔,

有得揀既情況下要無怨無悔, 唔係就太對唔住自己同被你愛著既人。

題外話, 都會對唔住等緊你去追既人架, 雖然你話抵觸你底線, 其實睇你點諗件事既姐, 

水唔水泡, 有幾多人掀起佢既心湖, 包括你自己, 任何人都冇方法下定案, 始終得個對方自己知, 

除左信佢, 仲有其他係值得去做咩, 

有意無意都好, 如果將愛同自己放係天秤之上衡量, 結果只會令自己難堪。