第一樣玩嘅係—碰碰車:
其實我哋都唔係玩碰碰車,而係玩轉轉車,
因為"齋"轉車,又唔對碰,但都玩得好開心!
第二樣玩嘅係—鬥牛:(亦開始笑唔停)
佢哋一定會叫我玩先,所以我冇做多餘嘅反抗,
但我亦好後悔唔反抗!因為……
最後隻牛俾我K.O.咗,(大家開始笑)
就俾我哋轉玩璇轉木馬,
佢哋仲講緊唔記得攞相機,如果唔係有得照低佢!
我只係同自己講「行先死先」同無奈地笑!
第三樣玩嘅係—兒童海盜船:(自己控制)
因為我仲驚魂未定,所以踏一下放一下,都未高過!
佢哋又笑我!!!

因為太熱,所以坐下,休息下先!
當我去完廁所返嚟,琦同我講:
「你唔係去廁所喊呀?」
「吓!我個樣似喊過嚟咩?」
「我哋以為你被我哋笑,而唔開心!」
「唔係!同埋我一直大放笑彈,娛人娛己,點解要喊呢?!」
第四樣玩嘅係—四驅車:
我哋覺得個場地太細、太窄!

中途,去喝豆漿。本來係食豆腐花,但賣曬!
順便食埋飯!可能一嚟飯氣攻心,再加上
我K.O.咗牛,so好想瞓!!!
玩埋最後一樣—騎馬,之後就去按摩!!!

按腳期間,我覺得佢唔夠力,
本想叫佢加力,但我太想zzz,所以隨得佢。
我係被佢用條幾熱嘅毛巾整醒!

最後收拾行裝,回家過節!

祝大家中秋節快樂!!!

我哋排隊買飛嘅時候,以防有人打"尖",
所以我們一定要出聲!
老婆S話:「上次我同表妹嚟好貴要二百幾,
但宜家只係百幾咋!可能上次係暑假啦!」
(只係水上樂園入場費)

當我哋玩到餓,就排隊買野食!
結果d野食都未到手,就一肚火啦!
第一、個收銀得一個之餘,
不論條隊有幾長,佢都慢慢來!
第二、個收銀(又係佢)你同佢講要買d咩野,
佢真係當聽唔到!因為你冇將d錢隊喺佢面前!
真係火到呀!!!

老婆S講笑話:「Winnie唔好賴低我呀!
d錢喺曬你度呀!!!」
我話:「錦都走唔返香港!d證件喺你度!!!」
老婆S話:「但你冇鎖匙!」
我話:「錦只好賴低<老婆L>!」
老婆L:「咩呀!」(佢一直喺後面)
我話:「佢叫我唔好賴低佢,但因為d錢喺我度,
但d證件同條鎖匙喺佢度,所以只好賴低你!」
老婆L:「咩話!」

當我哋打算租三個人嘅水泡又冇曬,
真係"需"呀!結果,租咗兩個雙人水泡!
我一個人坐個雙人水泡,係好辛苦嫁!
坐一邊好似隨時會反,都唔知點坐好!
"線"咗落水要坐返上去又難,真慘!

之後就上水,去睇馬戲團!
其實我都幾期待,因為未睇過!
原來同電視睇果d一樣,
但現場嘅氣氛真係好正呀!
完全唔覺喺電視睇過無數次!

之後,先放低d包袱再去食飯!
但哩餐飯可以話—俾錢買難受!!!
大陸嘅服務態度只可以—算吧啦!!!
食完飯行下,幫助消化!
行下行下,走咗去洗頭;洗下洗下,敷咗個面膜;
敷下敷下,做埋個局油,
結果,可以$30落樓變咗要$55!!!