好累呀今日...天氣變得太快啦...搞到我既身體都適應唔黎
病左!!今日成日都唔精神...又冇心機聽書
英文默書得60分....之前都係97, 96, 97, 97..今次就60
搞到平均分得返89分~勁失敗囉....

放學補課做果d數真係好易..(功課)
我5:30走人果陣仲有6題未做(有33題數要做)
算係咁嫁啦...好采我放學果陣精神返d姐..
如果唔係我5分鐘都唔會做到一題=v=

今日真係好唔掂呀, 我一返到去, 訓到打鐘上堂, 訓左兩個小息
仲趴左兩堂課...一邊趴, 一邊做野, 做做下見老師唔覺就訓一陣
仲企係返訓左半個午息...之後冇咁暈, 個頭又開始痛
痛左兩堂...就精神返d~補課

呀dad竟然唔知道個女病左=.=傷心'
放學佢都好似只係見到呀譚咁, 冇理我...心痛'
見到呀譚仲整下佢個頭....心淡'

今日英文Oral..好順利, 只係OAE堂呀sir冇返
由miss馮代....佢用埋呢堂考Oral...唉~

午息, 呀dad捉棋, 冇理我同呀譚...
我係咁打佢地個牆, 佢地都唔理我=.=
呀dad唔理人, 搞到好悶!!琴日陪左咁耐..
今日就算啦...對我黎講呢d都叫不祥啦~唉

WKM補課, 比左張野我地做...好簡單,
但又唔明點解d人做極都唔識...我問題?
做做下, 有兩條p街講野..一個豪仔, 一個sunny既fd
姐係上次義工果次, 話我暴力果條友....
佢 :喂, 你係黃思樂哦可, 果個暴力狂?
我 :....係呀, 咩事呀? (睥緊佢)
佢 :你覺得你好似 郭若淇 ~
我 :哦........?我似佢呀....(由睥住佢, 變做盯住佢)
佢 :係呀, 你同佢好似呀....係咪呀(問豪佢).........sorry, sorry, 冇野, 係~繼續做野先!!
我一直盯死佢, 我覺得我好似用左一個連dad都會驚既果個眼神...
估唔到呢種眼神我會對d無聊人用, 真係失敗!!
岩岩做返我既野...
豪 :黃思樂, 我覺得係好似 郭若淇 呀~
佢係咪真係想比人打....佢個人, 天日英文堂死比我睇

我問呀dad, dad都話我0%似 郭若淇 ....我點會似佢呀
呢兩條p街仔....再有下次, 我唔會理WKM你唔你度...直打/踢過去
我問詔呀dad嫁啦, 佢話有必要就比我出手..^^都係dad了解我脾氣

今日午息超~happy呀, dad雖然做緊野,
但成個午息都肯同我, 呀譚傾計
仲每人比左支珍寶珠....而且佢家政堂果陣
佢整左蛋糕, 都肯比我地兩個食
雖然隻味一般....但係賣相都好好
佢有9分, 我地兩個果個就有9.5分
不愧係我地呀爸呀....而且今日比余仔蝦
dad都出手阻止...但果個vincent
佢畫我...佢畫到我個樣..係抽象派既藝術
真係比佢激死...dad今日陪左我地好耐呀
有講有笑, 好開心呀

天日總覺得好不安--不祥預感
死啦, 天日一定會叫到我..Oral呀
兩個speaking要考 ,英文, 死得啦
我英文好死嫁, 今日既test都只有7分..(43滿分)
得啦, 我知我好差....嗚

今日係WKM既地獄補習班...要我地做哂
百分數, 開課以黎未做完既練習
好采佢6:00要返大學上堂, 唔係既話, 我地真係要留到六點

死啦, 點解咁早有不祥預感..咩事呀, 希望天日..唔好咁糟就好啦
我既不祥預感=做某d事, 當眾衰左...好糗咁解
好驚呀~~'

今日豪仔上英文堂好安靜....總算耳根清靜..
不過如果佢係得罪我既情況下仲亂講野
我相信呀dad唔會怪我出手打佢個fd
果個死人豪仔, 佢明知我又唔係高...
竟然拎左我個擦膠, 擺係黑板上面條木上面...
試問一個152cm高既我黎講, 點拎?
我係咁以打左佢兩下, 我自己都覺唔夠大力
好采呀主席幫我拎毅, 唔係既話都唔知點好
跟住堂英文堂, 佢又唔係唔知英文堂要坐我格離..仲咁樣玩我!!

下午出去果個唔知咩義工果d野, 又係介紹d機構, 悶死啦
都冇咩好做, 一係聽, 一係行, 一係睇.....無聊死啦
我仲要同格離E班果d人一組, 可憐~E班有個男仔同我講
佢 :你就係黃思樂呀?
我 :係
佢 :我聽講你好暴力個喎~係咪呀
我 :邊個講嫁
佢 :呀king囉~佢話你既飛腿好西利個喎, 好想見識下
呢條友擺明聊文嗌姐~仲有果個king, 係我背後咁講我
我唔記得我有對佢出手喎....=.=?佢又幾時見過呢
仲有, 呀dad話我呢d唔係叫「暴力」, 我呢d係叫「豪邁」。

今日比呀dad玩死啦=.=....佢都係果個唔知咩義工, 一共有90人(每班18個)
我 :dad~午息點解唔見你既?我同呀譚搵左你好耐...
佢 :係咩~~我一直係課室都唔見你地, 我都有搵你地嫁
我 :你搵我地?唔係掛~~你唔係搵棋咩?你會搵我地?
佢 :係呀, 我係課室大聲呀"呀譚",冇人理我...
.    我係男廁大叫"思樂"都冇人理我....
我 :搞錯呀, 你係課室嗌呀譚, 係男廁嗌我, 我點應你呀
.     我叫咪姐係比人話我企係男廁門口唔知做咩?你玩我呀
佢 :拿, 呢句你講嫁詐, 我都話呀~~我係公開地方叫呀譚
.    我又係d咁私人既地方叫你, 我仲唔係比面你?....(我一拳打佢個頭)
咁樣我真係唔識串佢....點串呀~~我都比佢講d野笑死啦

點解真係d男仔好似個個都.......有d問題
唔通係我錯覺?定係佢地問題呢.....一定係佢地問題~嗯嗯!!!

今日放學同呀譚係停車場上面等人, 買左3包野食同一杯野, 點知得返15min
我地係度玩喪食, 15min食哂3包野....好正呀~又好爽.....全部塞哂落個口度
都未咬又倒過第二d....=v=好正呀>.<一邊睇日落,一邊喪食.....

YO~今日真係多野搞呀...PTH口試, 中史測驗..都好順利!!
而且今日都冇咩特別野發生....好似得係Art堂,
MISS朱叫人出黎做"啞口無言"..點頭同搖頭
冇人出黎, 就抽籤....果時我同呀琛講"我有D唔係幾好既感覺"
天殺的, 佢竟然真係抽到33號.....唉~我既表達能力又唔係好
不過今次連呀琛都話我既預感好準...(多謝)  好野,
又多左一個人認同我既預感啦~  緊係啦, 我既不祥預感係100%準嫁喎~
但預感只係限於我自己....^^有時就會對人地有反應...
但好少, 而果D就係我好緊張, 好重視, 好老友既FD~~

天日下午好似要果個唔知咩義工, 好似又要出去...唉~有D煩

今日果個死人夏銘X....佢個天殺的, 搞到我成個午息都見唔到dad一面
真係xxx, 呀dad明明係我同譚既幸運草黎嫁~見唔到佢, 真係驚有咩事發生~
呀dad你要記得呀, 大女在此提提你
"alan~你應承過我, 如果我中史低過呀譚, 但又要合格既話, 你就會請我食糖嫁^^"
今次都有一, 兩題唔識...呀譚呀, 你搞咩嫁, bobo明明講左好多提示比你
佢又唔講比我知, 我只係今日既午息溫溫詐~而且都係睇自己 (但我記憶力好/背書背得好)
你點可以同我講好多唔識嫁, 你真係呀, 糖糖呀~
譚, 你一定要高分過我呀>.<dad好難得比糖比人食嫁......(呢個金牛仔好鬼衰, 有錢比自己, 冇錢比個女)