今日放學見到alan...佢剪左個頭...但係都仲係好cute呀
雖然有d傻feel, 但都仲係咁靚仔XD...不愧係我同呀譚既呀dad呀
咩時候都係咁靚仔~yo~~

今日中史測驗...冇野好講~雞sir話"如果中史測驗唔合格既話,
我地會打電話比你地既家長傾傾嫁~"........O左
而且我都冇咩信心, 呢d都係馬馬既強項....
唉, 點解d男仔個頭腦咁鬼死好野, 記到咁多野既呢~
真係有股去解剖佢地個腦既衝動=^=
馬馬 :地理, 中史, 數學, 英文
panda :數學 (好到自己上堂做緊中四下學期既數, WKM既超級題目, 一早搞掂=.=)
呢兩個我比較有興趣d..解剖=0=

之前聽人地講, 雞sir好似收到一張紙條...上面係..
"什麼小鳥的你, 掉轉你母親, 踫你的肺"←聽人地講解, 係粗口黎
聽佢解完, 笑死~~雞sir仲話"人地個肺好好地, 做咩要比你頂呢?"

今日bobo好似呷醋, 我同呀譚放學果陣想睇alan綵排
但bobo又話走...佢同joanna一齊行, 我同呀譚係後面一路叫
由學校叫到7仔, 食野果陣至停...叫左成條街
"alan呀, dad呀...我地要睇alan綵呀....嗚~唔要bobo, 我地要alan"
bobo都就黎比我地激死lu~XD....冇計啦, alan大過天麻(有d重色輕友~笑)

今日係圖書館見到呀芝....同佢傾左一陣
又一齊借書同返屋企, 我地都係住同一座樓姐~
天日返學, d功課都仲未做好~
天日好似仲有中史測驗同科學默書....
都係返學前一日做野特別趕, 仲特別有推動力
但都係一陣至做啦, 而家問緊人地功課
好唔得閒呀...d因式分解搞到我好鬼煩>△<''
個頭好痛tim~....所以我最鬼死憎數學同英文
兩樣都係我最差既科目...
偏偏係學校最重視果兩科~真係榮幸>3<

百無了賴又一日...超悶,
今日我一點鐘至起身(唔係因為肚餓, 我會訓落去)
而且樓上果班某里, 係度裝修..由8點幾搞到兩點幾
嘈鬼住哂, 我琴日真係好累, 訓到1點幾至夠
嘈到咁, 我都要訓埋佢呀, 唔夠訓, 對女仔黎講, 真係大敵
女仔貪靚好正常姐,企我既天敵都仲係昆蟲=v=
一起身食左野, 又趴係張床到睇書..
今日我征服左3本小說...就過左一個下午
冇出街, 頭暈暈...用左五分一既百花油,
呀爸以為我拎黎飲呀差d.....
好多功課, 但又唔想做~天日做特別有推動力, 天日至算
返學就諗放假, 放假又覺悶...
放假, 一係出街, 一係玩電腦, 一係睇書, 最後至係功課..
悶死啦>.<

突然好掛住alan哦~琴日既佢穿便服...超型(面紅+偷笑)
就算放學要用一個鐘黎等佢地果班由赤住坐車返黎都冇問題
只要見一眼都夠啦, 靚仔到~我同呀譚都係心度大叫"嘩~~"
又成熟沉重, 又不缺乏陽光feel....琴日佢既裝扮睇落去....
有17, 18歲...bobo睇落就有15歲, 都仲係咁完美~
兩個都16啦~真係丫~=v=...

今日有旅行, 我比7分。。。3分~咖哩魚蛋,
3分~馬家宇行山時候對11個女仔既體貼,
1分~行山路途中既三隻大蜘蛛.......仲激過萬聖節~~
冇玩集體遊戲, 昶日自由活動, 下午分兩邊行,
一邊同miss朱上山, 一邊同miss胡唔知做咩
我跟miss朱, 有11個人跟佢...11女1男^^只有馬馬一個男仔~呵,
但佢都好好嫁啦~~係路上見到3隻大蜘蛛, 凌空吊,
除左我, 呀譚, miss朱, 馬馬其他8個女仔都係到尖叫, 超激呀>.<,
d蜘蛛係頭上面....吊住吊住好采馬馬提我地~而且係路上..
好似行果d鬼山咁, 一個人都冇(只有我地),
馬馬廢事d女仔叫, 佢帶頭, 行行下..我就帶尾...=.=
馬馬一直播歌, 一直講佢細個果陣d野, 好好笑....
搞到冇咁驚, 但係行下好耐, 馬馬問我地行唔行墓地...miss話唔好.(但我好想行下)
有馬馬係度, 真係冇咁驚, 得佢一個男仔對住咁多女仔都咁傾得, 勁
佢仲一邊帶路一邊睇住我地, 一邊同我地講咩蜘蛛係點點點....(真係咩都識, =.=)
果度d咖哩魚蛋真係好好味, 夠哂咖哩...^^good呀
今日我同呀譚食左好多野, 兩個人一齊食^^好孚我地都係食唔肥, 食唔高姐~
5份咖哩魚蛋(一份8粒), 兩份炸薯條(一份係m記既兩陪)
2份燒買(一份8粒), 兩個雪糕, 兩包薯片, 6支水....飯都唔洗食

唔知係咪今日班友仔玩得好開心呢...閱讀分享...冇左件事
今日panda條女好似因為佢地兩個既感情好煩惱咁, 掉低panda一個 ,但同我地一齊行
但panda行黎行去, 都係離唔開佢, 行到幾遠都係返返黎, 好似好悶咁, 又唔同佢d兄弟一齊
我同panda條女傾左一陣, 佢又再追返panda, 希望佢地冇咩啦...
panda呢次黎真嫁睇得出, 我至幫佢詐>.^

天日旅行啦, 其實唔多期待...冇咩特別feel,
今次又唔係同boob, alan佢地去同一個地方, 有咩好玩喎

我地今日放學留低, 係演講廳綵排....我同呀譚都係幫呀king化妝
笑死, 個化...班女仔又想玩, 幫佢呢到整d粉底 果度加d眼影
而且佢地係9個字既綵排中, 比miss停左最少42次
一係d人唔記得台詞, 一係d音唔岩, 一係班演員既搞笑, 一係燈光...
豪仔佢做隻鬼, 身上有把假劍.....要拔把野出黎果陣..
果時係做緊好緊張既場面, 佢突然叫, "把劍太長啦~~"
拔左出黎, 插唔返入去...笑死, 如果係真正台上, 一定糗死
咁又難怪, 把劍只落去, 最少都有150cm...都係豪仔身高既四分一
miss都係度笑, 決定比一分鐘佢表演拔劍同插劍...佢做左一個 死神 既動作..都幾型..把劍
跟住呀 king (miss red)上台, miss同班人一時興起..要豪仔同king兩個做一場對手戲~kiss(男vs男)
兩個人既假動作....笑到我地趴哂地^^
果個呀king又係度唔知"yo yo yo"都唔知佢yo咩
但係佢既手勢, 又做埋...姚姚又講錯對白
佢話"妳有冇背熟台詞嫁 yo~你知唔知yo, 我咁印yo yo, 印得好辛苦嫁yo yo yo"
吹佢唔賬...我好似唔記得問呀king拎返我條紅色腰帶
而且佢個妝, 咁濃, 比班女仔整到成隻娃娃女鬼咁...又冇冇落妝水
miss話我地走得, 冇拎腰帶, 又冇幫佢落妝(超難落)...佢點返屋企呢??

天日應該真係到我英文閱讀分享掛......