之前比alan話我, "妳呢d性格遲早出事", 我唔係唔想改

只係我真係忍唔, 我不嬲都係心直口快既~點會話改就改到嫁

放學~我, 呀譚, bobo, vincent, 係7仔傾計, 飲下思樂冰..好happy

點知, 見到有幾個非仔係度食煙, 我忍左佢地5分鐘, 呀譚都開始頂唔順

我諗冇人會想, 一諤飲緊野, 一邊吸有毒氣體嫁啦~我咪好大聲咁話

"呀譚, 呢度好大陣煙味呀, 臭死人啦, 我地行遠d啦~~"

我仲想講埋"係臭人至食臭煙嫁姐, 唔好阻人"但見到佢地幾個人望住我

呀譚同bobo都好似知咩事, 拿拿聲拉佢地走人, 如果得我一個, 真係唔驚

vincent都唔知係咪男人黎嫁, "唔知呀, 咩都唔知呀, 唔關我事嫁~".......勁哩

我係咁嫁啦, 但最少我有忍到, 冇同佢地爆粗....最憎人地食煙, 樣衰衰, 食煎堆!!!!

今日中史堂呀~個雞sir無啦啦又叫左我答問題答錯左...但冇咩所謂,

今日成日都係得個身體係學校, 個靈魂唔知走左去邊...去搵alan掛~

今日都冇同佢講過野~放學果陣, 我地去接bobo, 咁岩見到alan, 佢話"咁遲既?"就走左lu

唉~今日聽bobo話, 佢地電腦堂玩砌機..alan好似比d零件介左幾下, 搞到我仲咁擔心佢tim~

今日要我地揀入咩課外活動, 我, 呀譚, bobo, 小梅, 倩怡都入左 社會服務組

panda同鄭xx都入左, 但收到風, 係因為鄭xx話想入, panda至陪佢^^

而家成日都見到鄭xx好唔得閒, , 返學, 就見到佢同林主席一齊....

小息, 午息, 就同panda&d男同學, 放學就係同panda

好少見到佢女仔一齊傾計....我好有興趣想知, 佢會同panda一齊幾耐^^

alan~既然你睇我呢個女咁唔順眼既, 你就拿拿聲搵個第二個囉!!!哼

你個衰人, 琴日同你嘈, 搞到我今日冇心情上堂...

但係真係好掛住你呀~, 知你因為琴日 周汶健 件事而話我...

你都係唔想我同d黑社會既人有咩恩怨姐.....

而且你琴日都話過我"以妳d咁既性格遲早出事.."^^

咁我係金牛座黎加麻~硬頸係我地呢個星座既特徵, , 而且我冇你呢個金牛仔咁好性格囉=.=

你嬲我, 我唔介意...但唔好嬲咁耐啦, 我呢個女會唔關心嫁.......

今日都突登唔上5樓搵你啦, 都係唔想你"睇我唔順眼"姐~~~alan, miss you!

(真係唔明你地d男仔個腦諗咩~)

今日百無了賴, 走左去圖書館...借書

見到雨玲, 傾左一陣...我就冇咩. 我借幾本書就走人

去到升降機口, 見到 周汶健同佢d令, ..我見到佢, 就"哼"住咁望第二度...

周=周汶健, 男=佢既男令, 女=佢既女令, 我=我

佢既男令就話"識嫁?"     (你失憶咩 , 小學明明仲同你地一班)
我話"唔識"          (真係唔好采)
周話"佢咁矮..."          你都只係高我半個頭詐喎, 有咩資格話我)
我話"依家矮有罪呀~"          (好!同你串兩句)
周話"冇錯, 係我眼中, 矮係有罪"
我話"咁你一出世就係咁個樣啦咩, 唔通你係個怪胎?喲~你呀媽真係可憐"
周話"最少而依家高過你囉"
我話"yo~我幾高關你咩事呀, 不過好采, 我身材冇你咁「豐滿」, 矮都冇問題丫, 我諗你都知咩叫嬌小玲瓏啦~可"
周話"...........(想出手打我喎)

呢個時候, 升降機黎左.....到左佢地出去果層, 我聽到..

女話"健哥~佢都幾夠薑個喎"
男話"係囉, 連你都咁話"          (多謝讚賞!!)

跟住.我只係聽到有人係度打牆, 同埋講"死百街"←粗口(鬧我既~~)

哼, 佢呢個人, 身為 非仔 真係唔入流,

打我? 姐係你冇氣量, 稱咩大佬呀, 唔打我...姐係你冇膽, 更加冇資格叫大佬囉(睇你點頂我)

你唔打女仔呢d傳聞我冇聽過囉 ,但係我知你男女都唔會手下留情....

哼, 見到佢呢d衰人, 頂你幾句唔夠tim~再唔係搵班兄弟黎卜我囉~驚你呀....

野我?周汶健~~你未死過呀!!

打完波...就同呀譚去淘大, 陪佢買書, 買禮物...

跟偽做完哂d野, 野又食埋冇野做...我地兩個女, 搵呀爸^^

打比alan...佢話"(你係邊呀?)我係九龍灣..(九龍灣邊度呀?)淘大格離...唔講啦"..佢收線

呀譚話佢電話響左好耐佢至聽....我諗到d野

打比vincent..."(你係邊呀?)牛頭角囉, (alan係度?)係呀, (牛頭角邊呀?)打緊機呀..."我收線

佢都係響左好耐至聽...我估到佢地係邊啦^^九龍灣=牛頭角, 淘大格離/打緊機=淘大機舖

我聽到佢佢地既地點聱迫一樣, 而好耐至聽, 因為打緊機, 太嘈..要行出去至聽得.....

佢地次次都係去果間嫁啦, 我都入過去, 哈哈, 天助我也~

我地去到, 見到佢地, alan問我"搵我做咩呀?"...我"岩岩買完野...行過"

主要係我同呀譚都好掛住佢, 想見下佢...但見到佢, 佢問我地野果陣

個腦都..空白哂....^^alan既魅力, 搞到兩個女都.....今日既佢, 靚仔死啦!!!要見佢兩次至開心^^