今日成日都冇咩特別既野發生...之前係ERP堂果陣, 老師由第一行..橫掃咁問, 好采問到我果行問哂~~lucky^^

而我同呀譚係午乘一樣上到5樓搵bobo & alan~~我地見到alan同 黃嘉銘 下棋!!

我都好想睇下佢地點捉, 又想知誰勝誰負~最衰我唔係佢地果班啦..唔係我都一定睇下

我同譚都係係晤口度望去最後個位, 跟本睇唔到=.=但係就見alan好happy...

我諗都係alan佔上風嫁啦.......一個唔知幾多歲既呀sir, 輸左比一個16歲既學生^^,

alan真係勁呀!!...果然, 都係alan既笑容係最好, 見到佢咁happy, 我同譚都一樣咁happy!!

放學miss朱叫左我同幾個同學去art room....比我估到唔係好野, miss朱叫我地係三個公開既畫畫比賽中...

揀一個黎參加....一個係「愛•無界限」繪畫比賽, 一個係「中華人民共和國成立六十周年郵票設計比賽」,

一個係「『戒賭奇想』漫畫創作比賽」.....第三個唔錯, 我幾有興趣^^miss朱話佢揀既都係

佢精心挑選出黎既尖子....art既成績好果d...唔知係咪我自己搵黎煩呢咁...仲要係星期五比到個稿佢'..太趕啦!!

今日月7日啦....姐係大選, 如果係平時一定唔關我事, 但係今日既大選,

個miss又無啦啦比左樣功課黎....要我地搵大選既資料, 選舉經過, 同做感想....真係多得個選舉唔少呀~~

之前..我確定左一d野, alan同bobo仲係相愛中....見到佢地咁, 我真係好開心, 同時都好羨慕

佢地兩個都係被動型, 但係地兩個咩都唔洗做, 就已經可以留住對方既人同心...不愧係alan同bobo呀,

俊男美女, 有呢d吸引力一d都唔奇, 不過佢地對自己就冇咩自心, 睇黎佢地既信心要由對方同埋其他人比佢地至得呀

我愛alan, alan唔鐘意我, bobo愛alan, alan愛bobo^^....不過都冇法啦...我而家只係可以一直睇住佢地

我呢個做女既, 一定要好好咁睇住佢地, 唔可以比人地侵入佢地兩個之間既感情....如果人地成功左

咁我既退出咪變得豪無意義?唔得....我要睇住佢地發展成點~如果唔係我直接問佢地"你/妳係咪仲鐘意alan/bobo?"

我見到佢地都答"係"..我就真係好放心啦...^^佢地開心, 我就冇問題...因為, 雖然我係鐘意alan

但係我更加鐘意見到佢地兩個笑果陣個樣....所以要我放棄, 我更係冇問題啦....只要佢地開心既話....

今日悶死啦, 我約左joanna一齊去圖書館借書 十萬個為什麼 ....做科學果樣功課~搞掂左

屋企d野冇樣好!!!黃思雅不問自取, 拎左我個袋出街, 仲講大話...我譒歌佢又話難聽~人地譒咩歌關佢叉事,

我玩緊果陣, 佢至得我譒咩歌姐~~無啦啦大大聲聲咁話"好難聽呀~黃思樂, 熄左佢啦"...佢都神經既

我唔肯熄, 佢就發脾氣....痴痴地既, 我玩果陣我做咩都唔關佢事啦, 佢有咩資格叫人聽佢講野呀

我又問左 詠琛 , 叫佢借本時裝雜誌比我做家政果樣功課...好采 詠琛佢屋企大把呢d雜誌姐

而且我同佢識左5年, 借一本雜誌比我剪黎做功課, 緊係冇問題啦~佢期期既時裝雜誌都買齊既~~

佢d屋企人個個都支持佢做 時裝設計師 , 連d雜誌都係佢都比錢佢買既~~真係好呀

我今日打比佢問 "詠琛..你屋企有冇時裝雜誌呀, 我要做家政呀~~借比我丫".....佢諗都唔諗就話

"幾時呀, 今日唔得呀, 天日啦!" 雖然一開始果陣, 佢認唔到我把聲....但點睇, 佢都好過 黃思雅啦 係咪??

今日上堂果陣都冇咩, 只係比人點左起身答問題...好似係英文書既咩...哈爾移動城堡~~

天空之城, 地海傳說, 風之谷...都睇過, 你呢個野未睇過, 我既不詳預感又準左啦..哈哈~果陣係100%既直覺呀!!

今日我同呀譚, 午息, 又上左去搵alan啦~但係得果一陣=.=bobo囉, 又要去電腦室搞d野,

野左成幾個字~~上到去都冇time啦~但係我地都係上面留左一陣, 我同呀譚見到好多人都圍住alan唔知做咩

之後又聽到vincent話"alan, 抽佢車"...過多一陣又聽到alan話"GO!GO!yeah~~"...

而且見到佢隻手揮下揮下.....我同呀譚係出面都聽到佢咁叫, 笑死~...都唔知佢GO咩, yeah咩~~

放學我地見到alan係課室等人, 我諗佢都係等panda嫁啦....但係見到佢, 我地都好開心

雖然唔係等我地兩個女, 如果佢等我地既話, 學呀譚話"如果alan真係等我地兩個女放學, 我地一定開心死啦~~"

今日dad佢 ..好似好冇精神咁, 我同呀譚午息搵佢, 佢都成日趴係個位度...

只係有人叫佢, 佢就出下黎, 唔知點解次次見到佢, 我上堂既唔開心同壓力, 都大大減低

佢! alan, 不愧係我同呀譚既減壓用品^^佢對於我同呀譚黎講, 係一個好重要既人

呀譚雖然唔鐘意佢, 但係話哂alan就係佢呀爸丫~..次次午息都要見到佢, 我地至安心..

搞到有一個叫唔知咩名既男仔, 今日係門口趕我地走(話咩會走冷氣), 佢仲話

"點解你地日日都見你地上黎嫁?"..我地黎見alan唔得咩, 我冇答佢~只係幾日姐...你又認到我地?

alan唔知咩事呢, 琴日我唔開心, 今日到佢唔開心...唉~dad呀, 唔好唔開心啦

一陣同佢傾下計, 睇下你先~..你唔開心, 我同呀譚都唔知點好=.=, 病左?唔開心?咩事呀?

你咁我地好擔心你=.=dad呀~但bobo話"佢唔開心咩?咁你同佢傾下計囉...", 我話"你唔理佢?"

bobo"我同佢都冇咩傾計, 你要既你拎去啦"...bobo真係口示對心=.=

我係鐘意alan, 咁又點, 但佢鐘意你, 你又讓比我, 咁都冇意思啦, 你話讓就得啦咩

咁alan佢會點諗呀......真係丫! 算啦, 我只係可以叫alan唔好咁唔開心, 我同佢成日傾計, 自然有計令佢開心d~