嗚~今日一起身...個搏頭痛到媽的~...但又約左jaye出去
死就死!如果唔係為左我天日既英文閱讀分享....我死都唔出
我同jaye出到去, 佢抄我數學工作紙, 我要佢幫我做果份閱讀報告...都唔算衰姐~
我地又去淘大, d功課分好, 就行一陣, 買人地d生日禮物,
仲同jaye影貼紙相, 我個荷包急救都救唔返啦~~申請破產T^T
但係又玩得開心, 買得開心喎~冇計啦
bobo果份....哈哈哈, 我係同alan果份一齊買^^
買左兩條手繩比佢地, 但唔係一樣, 係個款同(一樣既可能會比bobo殺)
以單調李樸素幫佢地為主題, 我覺得好襯佢地..(我自問眼光唔錯)
呀譚呢...未買, 佢鐘意 鬆弛熊 , 但係好鬼貴, 唔夠錢, 手心咁大既都要四十幾
果時我都得返廿幾係身=.=....真係sorry呀, 呀妹~
幫幫忙, 邊度有得買 鬆弛熊 , 價錢又公道嫁~~>.<

仲有, 今日係淘大, 行行下, 見到joanna同佢個fd...唔知做咩~可能買野掛~~

PE堂, 體能測試...成績唔錯, 最少對得住alan呢個呀爸
膝上壓, 冇限時, 做錯兩次就拜拜......21 (我整到兩個手腕都好痛, 仲有搏頭)
仰臥起坐, 一分鐘......34 (同呀譚一樣, 哈哈, 兩姐妹)
坐地前伸......35 (我身體柔軟度都ok)
我拎飯盒果陣, 隻手震嫁....
果陣都feel到, 我隻手, 好傷 T.T(痛死啦)

電腦堂, 不詳預感 準左, 我同呀譚都唔記得做電腦網上功課
咁岩果堂呀sir教我地砌機, 有佢教兩組既時間做=.=
我搵唔到料, 叫我格離位, sd個資料比我~呵, 得左
但係真係好險!我岩岩上傳左份功課, 就到我地果組學砌機~

今日既日記好長.....心情好,打字都打多d^^

今日我突然之間覺得我自己好好采^^MAT既統測卷, 我竟然有38分(滿分50)
而且我地係精英班, 黃嘉銘 要我地有75%上既分數...姐係37.5~~
呵呵呵呵, 真係好采, 唔洗補課, 不過我係全班尾五=.=
但好都, 合格者次中最低分, 過得去, 只係係黃嘉銘定既分以上既分就得啦~~
滿分既...panda=.=真係唔明, 點解咁唔公平, 佢上堂訓教都有滿分
定係個天特別優待佢呀, 比佢訓教而且頭腦好到冇人有~~
中三未教d數佢又識=.=嗚~超唔公平囉!!!!冇天理, 冇陰公, 冇...冇野啦
數學全級第一.......名不虛傳__(羨慕)

今日社會服務組, 放學開會, 都係講埋d無聊野, 講到我想訓教
panda同佢條女都係社會服務組..今年多左好多熟人加入呀~
joanna同bobo都話"鄭xx好好人喎(panda條女)"...我真係唔覺
拿~講明, 今次我發誓, 真係唔係我個人偏見,
今日佢拎左我支筆寫名, 佢寫完..我話"鄭xx, 唔好意思, 支筆我嫁.."
佢就黑口罵面咁, 都唔知佢咩事...比人既feel唔多好囉
但係對住第二個就笑笑口咁=.=唔多熟掛~
佢比毅支筆我果陣, 呀譚坐左係中間, 所以唔夠手長拎(人矮冇辦法)
我隻手伸到死死下, 佢隻手就屠旭都唔旭, 等人快d拎返快...
我隻手今日好痛嫁, (一陣講)想我癈咩...我見佢同panda坐我至唔出聲詐
我唔想panda睥住我...恐怕, 雖然panda笑果陣, 的確幾有型^^
但係睥住人就.....比佢睥住我陣, 個身驚到旭都旭唔到(佢真睥果陣)'''(汗)

悶死啦~今日係屋企都唔知做咩好
做功課, 唔識, 唔知洗唔洗做, 又冇默書, 於是...訓教~~
訓到5點, 呀媽叫我落去買 生炒排骨 , 非常唔制...
1 ) 雖然係訓醒, 但係仲係一副訓緊教既樣
2 ) 頭髮冇扎起 (唔洗出街果一日, 我成日都唔會扎邊頭髮)
3 ) 未換衫
4 ) 睇電視
但係比面 生炒排骨, 我落左去, 我諗住唔會撞到熟人,
我只係洗個面, 換件衫, 就落左去~但係唔知點解一直行, 一直打呵欠=.=
我落到去, 見到 小黑(黑社會既人, 但唔同周汶健果堆) 既令, 係度買緊飯盒
佢望住我, 我望住佢..我呢個樣.....糗死>^<, 雖然我唔識佢 ,
佢唔識我, 但係都見過幾次, 我諗佢都認得我=.=...''
佢都算係我見過既黑社會男仔之中, 最靚仔既一個
唔計panda, panda為左佢條女, 一定唔會做, 但係panda呀哥好似都係黑社會...
人地話佢呀哥好靚仔, 我一眼都冇望過, 我直覺同我講, 呢個人唔值得我望佢!!
雖然 小黑條令 幾靚仔, 但係同alan都仲係冇得比^^

仲有好多功課未做, 好唔得閒~~死啦, 唔知點解有 不詳預感 tim~
唉~又冇咩事呢, 我呢d直覺仲準過d占卜..100%之準, 搞到我唔驚唔得........help

今日同我家姐去 城大 睇cosplay同行下買下野

悶死啦, 佢間大學又大又亂, 都唔知邊度打邊度

呢度兜果度~行到我又累又肚餓, 間餐廳偏偏又係最入面喎

我家姐既朋友既朋友, 都係做緊cosplay~金色琴弦 既 月森蓮

佢地係大學既出面, 我地肚餓, 又要由最出面行到最入面, =.=唉~

但又冇野食(比人買哂掛~), 真係玩野, 無啦啦白行10分鐘(來回)

真係丫, 今日一睹大學既風采, 咪鬼指意叫我讀果間呀~

講毅轉頭, 果度搞既"城大秋祭", 好細, 都係正宗既動漫節好, 多野睇^^

佢地果d cosplay, 真係唔知佢地扮咩, 有d明顯既都認到...

火影, 女僕, 守護甜心, 愛麗絲學園, 金色琴弦, 死神, 吸血鬼騎士....

扮"吸血鬼騎士"果d, 超正呀, d衫靚到^^真係好高貴, 仲有"守護甜"件衫真係好有型 ^3^

火影, d衫同d髮, 好明顯, 一眼就認到~其他.....無話可說

今日好累, 唔打