之前返大陸剪左個頭....因為唔慣, 所以搞左個頭搞左好耐
而且又訓得唔夠, 返到去仲有d時間訓左一陣...
呀譚 :唔係好慣, 你個髮型變左囉~  (遲d慣嫁啦, 我都唔係好慣)
bobo :都唔錯呀, 但係真係短左咁多既..  (剪一半囉)
joanna :你個頭都唔錯呀, 幾好丫, 剪左一半  (呀媽話唔洗錢, 剪多d)
春梅 :思樂呢個頭咁整, 好似成熟左....  (姐係我平時唔成熟啦~~但我認)
倩怡 :咁樣幾靚丫~ d頭髮仲係咁輕 (我個頭天生都係輕, 而家仲剪對薄, 大風d就好煩)
alan :依~個頭真係好似唔同左喎.....(=.=佢咁講好廢話)
我個頭係....我四叔既老婆個細佬剪既...所以唔洗錢^^

今日英文堂睇鬼片, 有好多人都覺得似笑片多d....."不速之嚇"
我睇到就黎訓左....悶死!~而且就算真係恐怖, 有我地果男仔係度...
邊會覺得驚呀~係咁做埋嬲d配音, 笑死人啦
個片睇左兩堂英文堂同一個午息...
panda同佢條女一齊坐, d男仔都好識做, 留返個位^^

放學見到alan同vincent一齊行順天果條路
我同呀譚見到, 係咁追住佢地, 係放學至見到alan仲講左上面果句野...
我地追左佢成條路, 氣喘...追到佢地想同佢講d野, 但比alan講句先
"你地一放學就係度追仔?咩事"....比佢咁講, 搞到我都充唔記得左我想同佢講咩=.=
次次都係咁, 見到alan個靚仔樣, 個腦就一片空白, 咩都唔記得
其實我唔知比佢咁講果陣, 我有冇面紅....就算有佢都可能以為我跑面紅...
如果佢唔係鐘意bobo既話, 我一定追佢>.<

今日終於返黎啦一呢兩日返大左大陸
呢兩日真係好悶, 又冇野做喎~而且仲要對住d親戚
親戚係其次, 主要係果3隻魔蛋(表妹, 表弟們)
佢地既共鳴真係西利, 魔蛋三重奏.....
因為我仲有功課未做, 而且好累好眼訓,
所以, 唔打啦~

今日唔知點解特別掛住alan~
1. 今日係學校冇見佢...又冇聽佢把聲
2. 今日呀媽食飯果陣唔知做咩~
媽 :你又做咩唔食早餐呀~次次都係咁
我 :仲有我講過好多次, 我朝頭早唔食得野嫁, 食左就一定胃痛
爸 :你遲d胃痛主入院就知咩事啦
我 :遲d入院, 遲d先算
媽:唔係你比錢, 緊係咁講啦, 到你比錢果陣你就知 (你做咩呀, 都係以錢為先嫁啦, 你只係識賭錢嫁姐, 幾時有理過我)
我 :講咁耐, 咪又係錢
媽 :你讀咩書呀, 下, 駁咀, 有冇禮貌呀
我 :我講事實詐喎, 唔岩聽既我可以唔謂野嫁, 你都可以行走 (唔知點解我好似愈黎愈大膽)
媽 :咁你同我收聲 (次次唔夠人講, 都發脾氣...win)
*之後我一句野都冇講過, 問野唔答, 用行動表示, 無聲抗議~~~
3 .呀媽同我嘈完, 到肥姐返黎, 到媽鬧佢, 肥姐又搵我出氣

因為咁, 搞到我好掛住呀媽(bobo), dad(alan), 呀妹(呀譚)
我搵佢地做我掛名屋企人係岩既, 佢地3個對我真係好好呀
呀媽, 斯文, 靚女, 人緣好(男女)
dad, 型, 英, 帥, 靚, 正, 體貼, 細心, 人緣好(男女), 領導才能高
呀妹, 可愛, 同我一致(想法), 開心果
同我屋企果d差天共地..........真係不幸

嗚~我真係好妒嫉panda呀>.<
今日數學堂, 呀sir講d野....真係好亂
而且岩岩訓醒, 咁快又要比d數我地..
又x又y又加又減=.=...煩死啦~~
但係個死panda, 佢一早識哂
佢計果d數...呀sir話"你呢d數, 中四至教嫁喎~
你想做既, 小息搵我囉, 我有成大堆可以比你做"
真係可憐=.=...我連而家d數都係搞唔清
好羨慕佢呀, 頭腦咁鬼死好......
好心佢去f.4班到上mat堂啦!!
呀sir又比特權佢, 上堂教人數, 又可以唔聽書, 唔做筆記
對我地呢d好唔公平姐~~

今日學校無啦啦叫我地關哂d窗....唔知咩事, 我冇聽到
只係見到嫌檬好似好happy咁, 話"唔洗理佢, 開大個窗"
跟住我問呀琛, 佢話"2樓至3樓好似話有蜜蜂巢, 而家搵左人黎拆喎~"
我即刻關窗, 我地班係3樓, 好危險=.=而且....
昆蟲, 蟑螂, 等果d野呢~係我既天敵, 咩都唔驚, 係驚呢d...
以前有姓謝既幫我, 而家冇啦, 要自待我保護,
理得班友仔講Q春丫, 冇左姓謝既....點都有d驚^^

今日個林主席僚啦啦話我串佢=.=真係無奈, 講事實都叫串, 勁!
林 :(食飯時間)喂, 一陣我返黎開門比我喎
我 :點解又要我開呀, 我係電源長, 唔係開門長
林 :咁你最近丫麻, 而且都係順手姐
我 :係囉, 咁點解你又要關門呢? 你唔關門我咪唔洗開門比你囉
林 :洗唔洗咁串呀~開下門都唔得
我 :我咁都叫串?講事實詐喎~
林 :咁....(睇飯風記走埋黎話"未打鐘唔出得去")
好采風紀黎左姐, 唔係我一定同佢串陣先^^
我咁樣都叫串咩???又唔係串.....講事實姐~~