死啦~今日第一日正式上堂詐, 我已經搞到咁大壓力啦, 好辛苦呀=.=

mat~黃嘉銘 話, "我只係對你地果班有呢個75既要求姐..."咁死啦...

佢講既75姐係無論, 小測, 統測, 考試..果份卷要有75%既分, 至係合格...如果唔係就係補課

我死比你睇呀, 精英班又點呀, 我之前中一下學期考試, mat都係得果六十幾詐...咁高, 第一個壓力

eng~miss成堂都係講英文, 佢問野, 講野我都唔知佢講咩, 我d英文水平仲低過最差既中一班呀=.=

而且我今日第一堂, 佢已經講好多英文啦...好采我都仲聽得明, 唔明我問人...又一個壓力

I.S~個miss冇黃sir咁好, 好鬼死惡呀佢, 以前我好鐘意科學, 而家好討厭...講野又惡, 又唔識講笑

第一堂已經上得好悶, 好乞人憎...又一個壓力

今日我地果班有7樣以上既功課啦....而且中, 英, 數, 科學, 佢地個個老師都話要清楚預習課文..

我鬼有咁多時間咩, 係咪你地叫個天將時間停低幾個鐘, 比我地做功課同預習呀...一個壓力

而家只係第一日正式上堂詐, 我都已經搞丁咁多壓力呀, 我點頂落去呀, 我而家都係度喊緊啦

好想就咁死左去算, 精英班, 我至唔要呀, 精英班又點呀, 可以比一個13歲既學生咁大壓力啦咩

alan~好掛住你, 如果唔係我好耐之前應承過你, 我一定就咁死左去算~

精英班, 好老師, 成績分數, 我呸!!!我呢一世人, 我最討厭既, 就係返學上堂呀~呸呸呸呸呸呸呸!

天日正式上堂啦...起唔想囉, 姐係又要至少3:40pm至放學=.=

但d老師一定唔會準時放...唉~今日都係聽d呀sir係禮堂講廢話...跟住都冇咩野啦

但係放學, 我, joanna, 呀譚上5樓, 等bobo放學..(其實我只係想見下alan, bobo係借口...sorry呀bobo!!)

今日我見到alan果陣(放學), 我叫佢"爸"...好耐都冇咁叫佢啦, 好開心^^

上一次叫佢係7月8曰2:03pm...都好耐啦, 我叫佢, 佢都有應..跟住就推左比呀譚=v='

呀譚打佢, "你今日咩意思呀...", 我就係度笑, 都廢事鬧佢...

我叫佢呀爸, 佢有應, 我已經好開心嫁啦...如果bobo次次都遲過我放學,

我就有機會上去等bobo同alan (dad)啦..哈哈

今日終於要開學啦....只係覺得~死緊, 點算...我坐第一行第一個

所以無啦啦比老師點左做電源長, 我走果陣, 個風扇調節器....扭唔到, 好似壞壞...

我驚我扭大力d就會甩左個制, 要我賠, 分明搵我笨姐~我個樣好蠢咩!!但我一定暴力~

盞燈又有d唔係幾好, 一入去, 燈都開唔到...而家仲要我做電源長....唉~(點算+不安)

雖然miss胡同miss朱, 兩個女miss做我班主任, 而且佢地都幾好啦..但係

mat, 偏偏係個死人 黃嘉銘 教, 出哂名惡, 乞人憎, 既呀sir...要教我mat....(點算+不安)

呢個學年點過好呀~>.<天呀~~

嗚~天日要返學啦~>.< 雖然功課都就黎做哂...(一陣做埋d作交就做哂啦)

今日我係bobo屋企借左一本書, 超好睇呀~因為本書講既正正好好係我嚮往既愛情

除左女主角既家世(黑道), 其他野正好係我想像中既愛情...呢個世界上景然有一本書講中左我既心思(感動)

個女主角既性格同我既性格(硬頸, 口辣, 不低頭, 個又一般, 大膽)一樣^^, 唯一就係冇我咁粗魯=.=

男主角又係一個小惡魔, 又靚仔, 又年輕, 有醒, 仲有d陰險....但身份就係黑道中既四魔王(海王)

佢三個呀哥都好靚仔嫁~~(天王, 地王, 人王)...講到呢度我諗對愛情冇心思既人(joanna, bobo)都唔會睇落去

緊係啦, 佢地都名花有主啦, 有人鍚...的確唔同d既.....但我好似呢d單身既, 花心d都唔緊要啦^^

所以我唔打啦, 我要做埋d作文先~~本書真係好好睇呀>.<再問bobo借埋天王, 地王, 人王既故事先~呵

我off左msn之後...alan係8月29日10:00pm, sd左佢比bobo張聖誕卡既內容..

BOBO
聖誕節快樂
        Alan

真係唔明, 只係咁既話點解要等我off左之後先sd比我喎~好似驚我追問佢"只係咁?"

但我真係好想咁問佢...=.=不過見佢仲記得應承過我會sd比我睇, 係咁既話...就放佢一馬啦~~馬仔, 過去啦>v<

今日成日我都仲未作埋果兩篇文呀~可能係因為未到最後一日, 都冇咁既動力做埋佢掛

天日!天日一定做~而且都講左, 就黎返學啦, 緊係玩埋先嫁啦, 我仲有一本書未睇,

今日成日我都係屋企睇書--之前成日去圖書館, 緊係睇果度借返黎既書嫁啦...今晚我仲要睇埋果一本

天日要還埋佢, 而家如果天日唔洗返學, 我都睇書睇到凌晨兩三點....又訓到第二日下午十二, 一點

呢d日子真係好啦, 但好快要講再見啦~~~我既暑期>^<╭─再見啦┤"